San Juan 13:13 - Wounaan Meu

¹³ Chadcha pãrau mʉrʉg Maestro anaa Señor aajem; pãrau mag nʉm aig agchata iekha nʉmgui ajim.

Woun Meu

¹³ Chadcha pãrau mʌrʌg Maestro hanaa Señor haajem; pãrau mag nʌm haig hagchata hiek'a nʌmgui hajim.

San Juan 13:13 Iomraidhean Croise

San Mateo 20:28

Mʉ pãar khãai Emkhooi Iewaakha chirʉmjã mag sĩi mʉch garmua chikham chogaagjã beebajim. Mʉ beetarran sĩi chikhamnag mʉch chogamkhĩirta beejimgui ajim, mag chitʉmua chikham jua machgau thõowi mag thõobarm gaaimua õor pom sĩi amach pekau ee preso sĩsidʉmjo nʉm khʉʉn obeerkhapäain.

San Lucas 10:28

Magbaa Jesuu irig, —Eera, chadcha pua ich ag eyaa jaaubapʉimke ajim anʉm. Cha pʉchdeu khaphʉ jaau chirʉmjo abamí pʉch khapeen dʉijã. Pua chadcha thumaam khʉʉn dʉi magmʉn, pʉ ʉ̃gthar oberjugui ajim anʉm irig.

San Lucas 6:46

’Pãrau mua nem jaau chirʉm ipierraa khaba nʉmta, ¿khanthee mʉ igwia sĩi par iiupai “Pʉʉta maar Porou” aajẽ?

San Lucas 7:43

Magbaawai Simonau, —Mua oowain chi phatkhon dʉrrcha paraa sĩerraujoo simgui ajim anʉm. Magbaawai Jesuu jũrr irig, —Simón, maiguin chadcha pua ag eyaa jaaubarmgui ajim anʉm.

San Juan 11:2

Ich mag Lázaro ʉ̃phʉi Mariaau ajim, maach Por Jesús bʉ ʉ̃r jʉ̃gdeeu choonaa ich porbʉʉupai jʉʉupʉitarr.

San Juan 11:28

Maimua Jesús dʉi mag iekha dʉnaawia, chi Martaau ich eeum aar mawia, okharii i kach gawaa, —María, maach Maestro ya chum phobor igaau sĩeichem. I iek pʉ dʉi iekhaag aajemgui aimajim aajem.

San Juan 11:3

Mag amach ẽphemkhoi mor machpawia warag eeg pamaawaita amach numiim khʉʉnau õor jʉr auwia ich Jesús aig pʉijierram, jawaan mamkhĩir. Magbaawai chadcha beewia, —Señor, pʉ khapkhʉʉn chi wajapham pua ʉ̃rcha iigjemjã podba kherʉmgui a jaauchejim Jesuug.

1 Corintios 12:3

Magua ĩs khĩirjuawai, ãbmua khãijã chadcha Ẽwandam Akhaar jua theegauta i iek jaau nʉrrʉm khai, pod Jesús thʉ̃r thʉ̃rnaa khaigba iekhaju khaba sim. Maimua ich Ẽwandam Akharauta iekhapibam chan, pod ãbmua, “Jesuuta thumaam khʉʉn Porou” a iekhabaju.

1 Corintios 8:6

maach atheyan Ẽwandaman ãbpaita khitʉm, Ẽwandam chi Aai. Ichdeuta nem thʉnʉmjã thum ompaa aujim. Magua maachjã i atheepaita wenʉrrʉm. Maach Porjã ãbpaita sim ĩchab; ma, Jesucristoou. Nem thum thʉnʉmʉn ãba i gaaimuata thʉnʉm. Maachjã ĩchab i gaaimuata ʉu peerdʉ durrum.

Efesios 6:9

Maimua pãach chi porkha nʉm khʉʉnaujã agjo pãach chognaan dʉi aairaa abat, oob am dakhãkhãujã aba. Khĩir eyaa abat, pãran ĩchab pãach chognaan dʉi ãba thum maach Por Ẽwandam ʉ̃gthar chiraajem jua eegpai nʉm. Jãg Jooi dau naan maachin thum agdaujopai thʉnʉm.

Filipenses 2:11

Mag nʉmua thumaam khʉʉnau i khaphʉ amach meukhĩraucha irig, “Jesucristo, pʉchta chadcha thumaam khʉʉn Porou; pʉchdeuta nem thum khap chirʉm” a iekhamam gaaimua, ĩchab ich Ẽwandam chi Aaipata mag tho iekhaju.

Filipenses 3:8

Warran mʉʉn chadcha magʉmʉg ee chitajim. Mamʉ maagjerr ĩsin jũrr mʉʉn Jesucristo deneu. Iita mʉ Porou. Tag ijo nem ajapham chan chukhum. Ʉ̃gthar oberaag awi warrgar mʉchdeu nem wau chitarr, ĩs mʉgnaa oowai chan bʉ̃ʉrjã maadeu nem igbata sĩsidʉm. Ajapcharan sĩi mag mʉch khõchagpierr nem wau chitarr thum mua isegjim, jũrr Cristo denkham khõchgau.

Santiago 2:19

Pua khaphʉ sim, maach Ẽwandam ãbpai khitʉm. Pua mag khaphʉ sim aig nem ajaug sim. Mamʉ mag khaphʉ nʉmuapai pod ʉ̃gthar oberbam. Meperaujã khaphʉ sim, Ẽwandam ãbpaita sĩerrʉm; mamʉ amau ĩchab i ogkhaajem, amach gaai jua khʉaba aju khaphʉ naawai.