San Juan 12:6 - Wounaan Meu

⁶ Pari Judaau mag iekhatarr chan sĩi chadcha aphʉʉm khʉʉndam khĩirjuwia khaba, nem jĩgmie arr aawaita mag iekha sĩejim. Ichdeuta maach thumaam khʉʉn phatkhon di wai nʉrraajerr aawai õrau maachig deemam aukhermamjã ichdeu jĩgkham aig jĩgkhaajeejim.

Woun Meu

⁶ Pari Judaau mag hiek'atarr chan sĩi chadcha hap'ʌʌm k'ʌʌndam k'ĩirjuwia k'aba, nem jĩgmie harr haawaita mag hiek'a sĩejim. Hichdëuta maach t'umaam k'ʌʌn p'atk'on di wai nʌrraajerr haawai hõrau maachig deemam hauk'ërmamjã hichdëu jĩgk'am haig jĩgk'aajeejim.

San Juan 12:6 Iomraidhean Croise

San Mateo 21:13

Magnaa amag, —Ẽwandamau ich igwia ich iek phã sim gaai “Mʉ diin sĩi mʉrʉg jeeujem diiu” a simta, pãachdeuta ag ee mʉg nem parhẽpag per nʉmua sĩi chikham khũguurjem dikha wai naabma ajim.

San Lucas 8:3

Ãbakhai Juana ajim aajem, woun Chuza anʉm ʉʉi. Ich mag woun Chuza anʉmuata rey Erodes nem thum ich denjo khaphʉ aajeejim anaabá. Maimua ãb agjo nʉrraajeejim aajem, Susana anʉm. Maimua mag tag ʉʉin khapan agjo thʉnaajim aajem, amach di aarmua nemdam aibee nʉm iiu, i jãhog wai wenʉrraajerr khʉʉn.

San Juan 10:13

Mag warag pastornaan anʉmta amachdeupa ogkhawia khaphig phobaadeejemgui ajim, nemchaain thʉam khõchgau khaba sĩi phatkhon atheepaita naawai.

San Juan 13:29

Ich chi Judaauta maar thumaam khʉʉn phatkhon dijã wai nʉrraajerr aawai maraun sĩita irig phiesta ee nem igjuuta per awaan mamkhĩir jaau simpii naajim; wa magbam khai, aphʉʉm khʉʉndamag khãijã ag eem deepi jaau sim khãijã anaajim.

1 Corintios 6:10

Mag tag thʉnʉm: nem jĩgkhaajem khʉʉn, phatkhon khĩrag bĩe sĩerrjeem khʉʉn, nag piim khʉʉn, parhooba chikham khĩir iekhaajem khʉʉn maimua ar seukha chikham khũgurnaa chikham jua eem nemjã khecheu aumaajem khʉʉn, magʉm khʉʉnjã ni ãbjã Ẽwandam sim aar oberbam.

Gálatas 2:10

Ãba marag khĩir okhoopiba jaaumjo jaautarran, hermanonaan ee dau aphʉʉm khʉʉndamau nem ig nʉmjã sĩi amag oobamjo apibata jaaujim. Mamʉ amau mag jaauba arr akhiinjã, jãgʉm aiguin mʉʉn ichiita ich magta chitʉm.

1 Tesalonicenses 5:22

Nem wau nʉmua maach pekau paarpapiejem nem warre thum isegbapʉit.

Santiago 2:2

Khanim nemjo pãar khapanaa culto ee nʉm; mag nʉm ee õor numí dubbaichem: ãb rik, maimua ãb sĩi dau aphʉʉ khitʉm. Chi rik khajũa wajappha ooihmʉ jũanaa jĩgpir gaaijã phĩr denta sorrtik phuphup sim.

Santiago 2:6

Mamʉ magʉmta pãachdeuta jũrr am kha isee aajem. ¿Pãrau khaugba nʉ, riknaanauta pãach dau ee aug khaugba nemdam bʉ̃rʉʉm atheejã pãach thet pʉpʉr aajem? ¿Amachdeu khabá ĩchab chi thethemnaan aarjã pãach arrnaa pãragta ʉ̃rcha phagpi jaaujem?