San Juan 12:48 - Wounaan Meu

⁴⁸ Pari mag chi mʉ isegnaa mua nem jaau chirʉm ipierraajã khaba nʉm khʉʉnan, sĩi amachdeupaita wir aig amach khaibag waupi jaaubarm, amachdeu isegtarr iekhaupaita Ẽwandamau õor i agkham edjã deeu am khĩir phʉʉrju aawai.

Woun Meu

⁴⁸ Pari mag chi mʌ hisegnaa mua nem jaau chirʌm hipierraajã k'aba nʌm k'ʌʌnan, sĩi hamachdëupaita wir haig hamach k'aibag waupi jaaubarm, hamachdëu hisegtarr hiek'aupaita Hẽwandamau hõor hi hagk'am hedjã deeu ham k'ĩir p'ʌʌrju haawai.

San Juan 12:48 Iomraidhean Croise

San Mateo 10:15

Mʉ cha iekha chirʉm iekhau, mag amau pãar igba, ni pãar iekjã ũrmapha abarm jũrran warrgar Ẽwandamau Sodomapien dʉi maimua Gomorrapien dʉi atarr khãaijã am gaai athuuchata burrju a jaaumajim ich Jesuu maachigcha.

San Mateo 21:42

Amachdeu magbaawaita Jesuu amag magjim: —¿Pãrau chan bʉ̃ʉrjã Ẽwandamau ich i jaaumienag ich iek phãpitarr gaai jaau sĩsidʉm thʉ̃ʉrwai ooba aajeeb, “Di eu narr khʉʉnau isegtarr dibigta jũrr chi dihãd jãrramkha sĩsim” a sim? “Ẽwandam maach Porouta mag dibig wajaphamjo api sĩewai õrau oowaijã ʉuuta oo nʉm” a sim, ich iek gaai jaauwai. (Sal. 118:22-23)

San Mateo 25:31

’Mʉch chi Emkhooi Iewaata ʉ̃gtharmua mʉch chognaan angelnaanau phʉʉr thuur beem edan, mʉchta chi Rey aawai mʉch khu juupjem wajappha sim gaaita jupchejugui ajim, õor dʉi mʉchdeu khap nem wawaag.

San Marcos 12:10

Magnaa amag, —¿Pãrau Ẽwandam iek phã sim gaai thʉ̃ʉrwai ooba aajẽ ajim anʉm, “Di eu narr khʉʉnau isegtarr dibigta jũrr chi dihãd jãrramkha sĩsim” a sim?

San Marcos 16:16

Chi mʉ iek ʉkhawi ich por choopi sim khʉ ʉu peerdʉju. Mamʉ chi mʉ iek jaau nʉm ũr simjã ʉkhaba sim chan Ẽwandamau i peerdʉ auba warag i isegpʉijugui ajim anʉm.

San Marcos 8:31

Maimua Jesuu wir aig ichpai jaaumamua magjim anʉm ich khapeenag: —Mʉch chi Emkhooi Iewaa chadcha dau aphʉʉ aju aai chirʉm. Mʉ dau ãaukha isegwia Jerusalenpie jooin chi thethem khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua mʉ thõomkhĩir pʉr deejugui ajim anʉm. Mamʉ amau mag mʉ thõowiajã khãai thãrjupam ee phiidʉwi deeu mʉ iiu chirsijugui a jaaujim aajem ich khapeenag.

San Lucas 10:16

Maimua mag ichdeu pʉiju khʉʉnag magjim anʉm: —Pãar iek ũrm khõsi ũr nʉm khʉʉnau magan mʉ iekta ũr nʉm ĩchab. Maagwai ar pãar isegbarm khʉʉnau magan mʉpata iseg nʉm. Mag amau mʉ iseg nʉm khai, magan amau mʉ Aaijã ĩchab dʉi iseg nʉm, ichdeuta mʉ pʉitarr aawai. Mag am wawikha wai sĩewian chadau khĩir sĩsied nunumdo wetpi jaaubaa ereubaadejim aajem.

San Lucas 17:25

Mamʉ magju nawe ichiita mʉ dau aphʉʉ aju aai chirʉmgui ajim anʉm, õor mʉg thʉnʉm khʉʉn jua ee, amachdeuta mʉ kha isee wai wenʉrraawai.

San Lucas 20:17

Magbaawai Jesuu am khĩir eerpa eerpanaa amag, —¿Khan aawaíuma ajim anʉm, Ẽwandam iek phã sim gaai ar “Di eu narr khʉʉnau isegtarr dibigta jũrr chi dihãd jãrramkha sĩsim” a sim?

San Lucas 7:30

Mamʉ chi Moiseeu Ẽwandam iek phãtarr ajapcha ʉʉrkhaajem khʉʉnau chi machnaan dʉimua chan magba, Ẽwandamau am thãar eejã warm khʉʉn dʉímjo am ig sim warag isegjierram. Mag gaaimua warag Juanagjã amach por choopibajierramgui ajim anʉm, amachta ajapcha nʉm awia.

San Lucas 9:22

Maimua magjim anʉm: —Mʉch chi Emkhooi Iewaa chadcha dau aphʉʉ aju aai chirʉm. Mʉ dau ãaukha isegwia Jerusalenpie jooin chi thethem khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua mʉ thõomkhĩir pʉr deeju. Mamʉ mag amau mʉ thõowiajã khãai thãrjupam ee phiidʉwia deeu mʉ iiu chirsijugui ajim anʉm.

San Lucas 9:26

Ãb khãijã mʉ gaaimua wa mʉ iek jaauju khãijã õor dakhĩir chigaa amʉn, mag mʉch chi Emkhooi Iewaajã thumaam khʉʉn Porkhanaa mʉch Aai dʉi ʉ̃gthar i chognaan thʉnʉm khʉʉnpa mʉg durr chachaan beem edjã muajã ĩchab ich khĩircha eerpanaa chigaa warag, “Mua, bʉ̃ʉrjã pʉ khaugba chitʉm” ajugui ajim

San Juan 11:24

Magbaa Martaau, —Chadcha mua khaphʉ ʉmgui ajim, mʉg atag otarr khʉʉn thum deeu phiidʉtkha nʉm edan ijã dʉi phiidʉju.

San Juan 5:45

Oob pãach jãg nʉm paar muata Ẽwandamag pãach khaibag waumkhĩir irig nem ĩgkha thʉnʉʉuju amiet ajim amag. Chi Ẽwandamag pãar ĩgkhajuun Moiseeuta pãar ĩgkhabajup, sĩi irua phã pʉarr iek wajapha ʉʉrkha nʉmuata pãach ʉ̃gthar oberpiju anʉmta chadcha irua phã pʉarr thum ipierraajã khaba naawai.

San Juan 6:39

Ich chi mʉ pʉitarr Jooiraujã khõsi simʉn, mag ya mʉch õorkha thʉnʉm khʉʉn eem ãbjã okhoopiba, sĩi mʉg durr o nʉm edjã deeu phiriutkha aupim khõsita simgui ajim.

San Juan 8:47

Ar chadcha Ẽwandam chaainkha nʉm khʉʉnaun i iek õrau jaau nʉm ũurwaijã ʉkham khõsi ʉkhaajerram. Pari pãar Ẽwandam chaain khaba aawai pãrau i iek ʉkhaba nʉmgui ajim.

Hechos 17:31

¿Khan jãgwi mag ãba ichpaita igpi sĩ? Ichdeu maach chachju aawaima ajim anʉm. Mamʉ mag maach chachbarm ed õrau amachdeu nem waumaajerrpierr amach khĩircha khap jajaau amkhĩir, woun ãb Jesús anʉm ya jʉr wai simgui ajim anʉm, thumaam khʉʉnag, chijã khʉʉnta ich aar auju wa chijã khʉʉnta sĩi isegwi barkhʉʉiju khãijã ichdeuta khap jajaau amkhĩir. Mag ich Jesuu thumaam khʉʉn dʉi mamag aju maachig khap amkhĩirta, meetarrjã, meeba arrjo deeu ũmaai ich Jooirau i phiriu aujimgui a jaaumajim aajem ich Pabloou.

Hechos 3:23

“Mag ichdeucha jʉr auwia pʉibarmua nem jaau simta ʉkhaba abarm khʉʉn chan, oob amau amach ʉ̃gthar oberju amiet” a jaaujim aajem Moiseeu maach jooinag. (Dt. 18:15-19)

Romanos 2:16

Maigta mua mʉg maach peerdʉajem iek jaauwai jaaujemjo, chadcha Ẽwandamau ich Iewaa Jesucristoogta õrau meraa nem waunaa amach odegpai khaigba khĩirjuajerrjã dawaa amag jaaupiju.

2 Corintios 4:3

Mua mʉg Ẽwandam iek jaau chitʉmjã õrau pod khaug auba nʉm khai, magan makhʉʉnan agtha putiu dau eu ʉ̃r borr nʉmjo naawaita amach okhoo nʉm gaaimua mag khaugba nʉm.

2 Tesalonicenses 1:8

Mag i urum edan ar õrau ich igmapha aajerr khʉʉn dʉi maach Por Jesuu õor peerdʉ aaujem iek jaauwaijã asekasmapha aajerr khʉʉn gaai mas deenta urum.

Hebreos 10:25

Magʉm ĩs mʉg maach Por Cristo beejujã warag dakpapa khaawai chará, khar maach khapeen aajemjo, culto ee maba sĩi degpai naaju khaba nʉm. Magju khãai agdaujo chikham wawí nʉmua warag dich khapeen onee apijuuta ẽkhaju.

Hebreos 12:25

Magua keena, ĩs Ẽwandamau maachig jaau simjã oob asekasba amiet. Mag ĩs ichdeu maach dʉi iek dee simta warr maach jooin dʉi iek deetarr khãaijã ajapcha sim. Magua pãade ũrbat: Sĩi Moisés maachjo mʉig eegarmkha sĩerrau Ẽwandam iek jaau khitʉm ũrba arr paarjã chi asekasba arr khʉʉn Ẽwandamau sĩi par daúapai ooba am gaai jua khʉaba deejerr khai, ĩs mʉg ʉ̃gtharmua ichdeucha maachig iekha sim asekasba aawaijã oob pãrau mag maachta i jua eemua peerdʉju amiet.

Hebreos 2:3

Mag ley sĩi angelnaan gaau deepʉitarr ichaaur nem waubarm paar am dʉi maagjerrta, jãgwi maach gaaijã irua mas deeba abarju, mʉg maach peerdʉajem iek ag khãai wajapcha sim jaau nʉmta sĩi ũrbamjo abarm paar. ¿Mʉg maach peerdʉajem iek warrjã ich maach Por Cristoouchata nacha jaaubajĩ? Magtarrta ich dʉicha wenʉrrawi ũrtarr khʉʉnaujã amachdeu oowai chadcharam iek aawai jũrr maachig jaauwi maadeujã khaphʉ naabá.

Hebreos 4:12

Mʉg Ẽwandam iekhan ich mag chugpaa khaugba sĩerranaa nem jua theeg sĩerrʉm, ich Ẽwandam iek aawai. Maguata thuthui phõpá garm magwe dee sim khãaijã nem degcha sĩewai maach pa akhaar oonaa maach o akhaarjã khaug aaujem. Maach khĩirjugjã khogreu jʉrnaa dichdeu nem wauju dich thãar eepai wai sĩsidʉmjã khaug aumaajem.

1 Pedro 1:5

Pãraujã pãach thãrauchata Ẽwandam iek ʉkha naawai irua ich jua theegauta pãar thʉa wai sĩeju, mʉg atag deeu Cristo beewi maach ich aarcha phe arr nʉm ora. Mag pãar phe athaadem edta pãachdeu nem ajapham paarpaju khĩirjuajerrjã thumaa chadcha pãrau wai nʉisiju.

2 Pedro 3:3

Ajapha ũrbat cha mua jawaagpam. Mʉg atag paawai mʉgta thʉnʉisiju: Ya Ẽwandamau mʉg durr i agkhaju gayaa paawai õrau amachdeu nem waum khõchagpierr parhooba nem khaigbamta waum khõchkhanaa chi ʉkha durrum khʉʉnjã wau iekhaa neeme sĩsid aju.

2 Pedro 3:7

Mamʉ cha maadeu edau oo nʉm dʉi cha maach bʉ dʉnʉʉu nʉm jẽb chan maagwaimjo deeu dohãdauta ʉʉrppäaig khaba, ich maagwaijã ich iekhauta magpierrjo õtdaúa jẽraagta sĩi wai sim Ẽwandamau, ichdeu mʉg durr i agkhawi ich dau na khaigba wenʉrraajerr khʉʉn ich mag dau aug wau wenʉrraju jaaubarm edta jũrr õtou deepäaig.