San Juan 12:44 - Wounaan Meu

⁴⁴ Biek ãb ijẽjẽbkhamua judionaan ich iek ũr narr khʉʉnag Jesuu thet magjim: —Chi mʉ iek ʉkha simuan mʉ iek appai ʉkhaba ĩchab mʉ Aai iekpata ʉkha simgui ajim, ich iek jaaupitarrta mua jaau chitaawai.

Woun Meu

⁴⁴ Biek hãb hijẽjẽbk'amua judionaan hich hiek hũr narr k'ʌʌnag Jesuu t'et magjim: —Chi mʌ hiek hʌ̈k'a simuan mʌ hiek happai hʌ̈k'aba hĩchab mʌ Haai hiekpata hʌ̈k'a simgui hajim, hich hiek jaaupitarrta mua jaau chitaawai.

San Juan 12:44 Iomraidhean Croise

San Mateo 10:40

Mag iekhakhagmamua marag, —Pãar mʉ iek jaau wenʉrrʉm aig, õrau ʉuta pãar amach aig baarpinaa pãar iek ũr nʉmʉn magan mʉpata ĩchab ʉdʉʉr amach aig barpi nʉmgui ajim, muata pãar pʉi chiraawai. Mag amau mʉjã amach aig barpi nʉm aig, ich chi mʉ pʉitarr Jooipata barpi nʉmgui ajim, mʉchjã ichdeuta pʉitarr aawai.

San Marcos 9:23

Magbaawai Jesuu irig, —¿Jãgwi mag pua mʉrʉg “ʉu i monaaupʉiju aai chirʉm khai” a sĩwi? ajim anʉm. Ar Ẽwandam gaaita ʉkha nʉm khʉʉn ithee chan bʉ̃ʉrjã phithurm nem chukhum. Maagwai puajã chadcha thãraucha ʉkhamʉn, pʉ chaaijã monaaubajup ajim anʉm irig.

San Marcos 9:37

—Mʉg chaai agtha ich juau paba aawai serbiiba khitʉmjo õor thʉnʉm thum mua khõsi chitʉm. Pãrau mʉ denjo mʉg khitheem ãb khãijã jãsenkhawia pãach di aig aumʉn magan pãrau mʉchchata khĩir jãsenkhabarmjo abarm ajim anʉm. Mag pãrau ʉdʉraa pãach aig mʉ baarpi nʉm aiguin magan pãrau mʉ Aaijã khõsi nʉmgui ajim anʉm, ichdeuta mʉ pʉitarr aawai.

San Juan 11:43

Mag iekhawia deeu ichdeupai jũrr mag chi meem jẽb deg sĩerragta i thʉ̃rcha thʉ̃rthʉ̃rnaa thet, —Lázaro, dawag oberbaiche ajim.

San Juan 13:20

Ãbmua mag wir aig mʉ khaibag waujup mamʉ, ichiita pãran mua pʉi chirʉmgui ajim. Magua khaphʉ abat: Mua mʉch iek jaaumkhĩir pʉi chirʉmta õraujã ʉu pãar iek ũrm khõsi ũrnaa ʉkha nʉmʉn magan mʉchdeucha jaaubarmta ʉkhabarmjo abarmgui ajim. Mag mʉ iek ũrm khõsi ũr nʉm khʉʉnaun magan ĩchab ich mʉ pʉitarr iekchata ũr nʉmgui ajim ich Jesuu marag.

San Juan 5:24

’Mʉ cha iekha chirʉm iekhau chi mʉg mua jaau chitʉm iekta ũrwia ʉkha simuan Ẽwandam iekta ʉkha simgui ajim, chadcha ichdeuta mʉ pʉiwia mag ich iek jaaupitarr aawai. Mag ʉkhabarm wounan Ẽwandamau ya ich denkha auwia ich mag i dʉi sĩsim iekhau. Magbarm woun gaai Ẽwandamau ichdeu õor i agkha nʉm edjã mas abajugui ajim, warr ich khaibag eepai chi thõmjo sĩerrta ich mag iiu nʉrraag ya chi peerdʉm aawai.

San Juan 7:28

Mamʉ jũrram khʉʉnau mamagkham ũrwia mag Aai i jeeujem deg ichdeu jaau sĩerr aigmua ich Jesuu khĩesir iekhamamua, —Magan pãraun mʉch chi wounjã khaphʉnaa ĩchab mʉ durrjã khaphʉ naabma ajim. Pari mʉ chan pãrau khĩirju nʉmjo sĩi mʉch khĩrau beetarr khabam. Mʉʉn ãb pãrau khaugba naab mamʉ, bʉ̃ʉrjã seu chukhu sĩerrʉmuata pʉijimgui ajim. Ma pãrau khaugba nʉmgui ajim, khai agá.

1 Pedro 1:21

Ich mag Cristo khurauta ʉu pãrau Ẽwandam iek ʉkha durrum. Mag Cristo thõowaijã, ich Ẽwandamauta ʉu i phiriu auwi, ich aar auwi, ich dʉi jua theeg ãba apijim. Maguata chadcha pãrau pãach thãraucha i iek ʉkha durrum, ich jãg Ẽwandamau Cristojã phiriu auwi ich aar autarrjo pãachjã agjo ich aar auju khaphʉ naawai.