San Juan 12:42 - Wounaan Meu

⁴² Mag judionaan thumaam khʉʉnau chan Jesús iek ʉkhabajierrab mamʉ, ãaur khʉʉnaun ʉu i iek ʉkhajierram; chi ʉkha narr khʉʉn ee chi thierrnaanpa thʉnaajim. Pari mag ʉkha nʉmta chi fariseonaanau, tag amach culto ee dubpimaaugau amach jʉr werppʉiju ogkhawia, amach khaugpiba aajeejim.

Woun Meu

⁴² Mag judionaan t'umaam k'ʌʌnau chan Jesús hiek hʌ̈k'abajierrab mamʌ, hãaur k'ʌʌnaun hʌ̈u hi hiek hʌ̈k'ajierram; chi hʌ̈k'a narr k'ʌʌn hee chi t'ierrnaanpa t'ʌnaajim. Pari mag hʌ̈k'a nʌmta chi fariseonaanau, tag hamach culto hee dubpimaaugau hamach jʌr wërppʌ̈iju högk'awia, hamach k'augpiba haajeejim.

San Juan 12:42 Iomraidhean Croise

San Mateo 10:32

’Ãb khãijã mʉ igar sĩewai õor dakhĩirjã meerba mʉ iek ʉkhaajem a jaau sim wounan, muajã ĩchab mʉch Aai ʉ̃gthar sim dakhĩir, “Jãan chadcha mʉ garmʉu” ajugui ajim.

San Lucas 12:8

Mag jajawagmamua ich Jesuupai magjim anʉm: —Ar õrau ichig jeeuwai ich imeerba mʉ iek ʉkhaajem a jaau sim wounan, mʉg mʉch chi Emkhooi Iewaaujã ĩchab ʉ̃gthar Ẽwandam chognaan thʉnʉm dakhĩir, “Jãan chadcha mʉ garmʉu” ajugui ajim anʉm.

San Lucas 23:13

Deeu Erodeeu Jesús ich aar deebapäaiwai Pilatoou thumaam khʉʉn ãbam aig thʉ̃rkha aujim aajem: phadnaan chi porkha nʉm khʉʉn, judionaan chi thethem khʉʉn maimua chi phoborpienjã agjo.

San Lucas 6:22

Onee abat ajim anʉm, mʉch chi Emkhooi Iewaa iek ʉkha nʉm gaaimua pãach chikhamnau kha ukhurnaa amach aigmua khãijã warag di chaaur pãach jʉʉrwai. Onee abat, chikhamnau pãach wau iekhamamua khãijã, “Jãg woun chan õor ajapham khabam” a iekhaawai.

San Juan 11:45

Mag Jesuu Lázaro phiriu autarr amach daúacha ootarr gaaimua, judionaan khapan María dʉi beetarr khʉʉnau khaphʉ nʉisijim, chadcha Jesús ich Ẽwandamau pʉitarr. Mag warag i igar nʉisijim.

San Juan 16:2

Ya amauta pãar dʉi magphobaademʉn, pãran amau amach eemua jʉr werppʉiwia amach culto waaujem eejã tag dubpibajugui ajim. Mamag nʉʉ awia juauchajã pãar khechmaju. Mag pãar khech nʉm khʉʉnau amachdeupain Ẽwandamau pãar dʉi magpi sĩewaita mag nʉm ajurau.

San Juan 19:38

Amau i dʉi mamag khaawai ĩchab sĩejim woun ãb José a thʉ̃r sĩerr. Chi José phobordam Arimatea anʉm eem ajim. Ichdeujã ĩchab nawe Jesuu nem jaaujerr thãraucha ʉkhaajerrta, tagam judionaanag ich khaugpim okho aajeejim, ich dʉi khaigbaju khĩirjuwia. Pari maagjerrta mag ya chi Jesús meebaadem khaug athaawai Pilato aar mawia irig jeeuwimajim aajem, Jesús chi meemdam eeg pawia arraag. Magbaawai Pilatoou irig arrju aai sim abaawai eeg paa auwia athaadejim.

San Juan 3:2

Mag wounau edaar Jesús aig beewia irig, —Maestro, marau khaphʉ nʉmgui ajim, chadcha Ẽwandamauta pʉ pʉijim, ich iek marag jaaumkhĩir. Í pʉ dʉi sĩewai merag chukhu simgui ajim, jãg ag na õrau nem ooba aajempa pʉchdeu wau sim gaaimua. Magba aawai ni ãbmuajã jãg pua nem wau simjo wauba nʉmgui ajim. Magua mʉ pʉ aigta beejimgui ajim, Ẽwandam chi Porkha sim aar jãga mʉ i dʉi chirsiju mʉchig khap jaaumkhĩir.

San Juan 7:13

Pari mag iekha nʉmjã sĩi parhooba thumaam khʉʉnag ũrmkhĩir khaba, amach appaita mamag aajeejim anaabá, magʉm gaaimua judionaan chi pornaanau jũrr amach dʉita khaigbaju khĩirjuwia.

San Juan 7:31

Ãaur khʉʉnau i dʉi mag nʉm ee, ãaur khʉʉn khapan aig narr khʉʉnau ʉkha nʉm iekhau, —Daau mag nʉm ich Ẽwandamaucha pʉiju a jaaujerr pierrwaijã, mʉg Jesuu nem wau nʉrrʉm khãaijã ʉ̃rʉʉcha ag na õrau nem ooba aajem waubarju a iekha naajim.

San Juan 9:22

Pari amau jaaumapha magpai jaau narran, ar Jesús igwiata chadcha ich warrgarwe pʉiju aajerrta jãg nʉrrʉm a iekha nʉm khʉʉnan judionaan chi thethem khʉʉnau Ẽwandam iek jaaujem degjã tag dubpiba aag ya ibep nʉm khaphʉ narr aawaita magpai jaau naajim anaabá.

San Juan 9:34

Amachig magbaawai sereu phobaadewi irig, —Pʉ sĩi dau aug pekau pom thaabatarrta, ¿khani mag sĩma? ¿Wa puata maar khãaijã khapcha sĩwa ajierram anaabá, marag jawaag? Maimua tag Ẽwandam iek jaaujem degjã dubpiba, warag amach aigmua i jʉrpʉijierram aajem.

Hechos 5:41

Mag Jesús iek jaau wenʉrrʉm gaaimuata mag amach wʉ thʉnʉʉubarmjã, okhĩirjugjã chukhu, warag aigmua onee ereubaadejim aajem, mag Jesús gaaimua amach aphʉʉ amkhĩirta Ẽwandamau amach jʉr athamjã khaphʉ narr aawai.

Romanos 10:10

¿Jãgwi magju aai sĩ? Thãrau ʉkha nʉmuapaita Ẽwandamau maach pekau chukhu arrjo wajaug paapäaijeewaima; maimua ich agjo dich iiucha dich thãar ee ʉkhatarr warm khʉʉnag jaau nʉmuapaita ʉu ichdeu maach peerdʉ aaujeewaima.

1 Juan 4:15

Maadeuta Jesuun chadcha Ẽwandam Iewaa aawai ich dʉi ãba sim awia i aumʉn, magan maachin Ẽwandam dʉita khapeerkham iek khapeerkha nʉm.

1 Juan 4:2

Ẽwandam Akharauta mag iekhapi sim khap aag mʉgta abat: Pãachdeu ũurwai Jesucristoon chadcha ich Ẽwandam Iewaa chaarta parhoobam chaaidamjo thaabachewia sĩi ich mʉg wounkhata õor ee nʉrrajim a jaaumʉn, magan chadcha Ẽwandam Akharau jaaupitarr iekta jaau wenʉrrʉm.