San Juan 12:40 - Wounaan Meu

⁴⁰ “Ẽwandamau am dau khĩpinaa kach theegjã apiju” a phãjim, “oo nʉmjo nʉmta oobamjo amkhĩir, maimua ũr nʉmjo nʉmta ũrbamjo amkhĩir. Magba akhiin amau amachdeu oonaa ũr nʉmjã khaphʉ aawai, amach khaibag ãsie ewag khĩirjuwia Ẽwandamag amach peerdʉ aupiju” a phãjim Isaiaau ich Ẽwandamaucha ichig jaaumatarr. (Is. 6:10) Pari Ẽwandamau judionaan mag thãar theeg apitarran, año khapan par ich iek ũrpitarrjã ʉkhamapha arr aawaita magpijim.

Woun Meu

⁴⁰ “Hẽwandamau ham dau k'ĩpinaa kach t'eegjã hapiju” ha p'ãjim, “hoo nʌmjö nʌmta hoobamjö hamk'ĩir, maimua hũr nʌmjö nʌmta hũrbamjö hamk'ĩir. Magba hak'iin hamau hamachdëu hoonaa hũr nʌmjã k'ap'ʌ haawai, hamach k'aibag hãsie hewag k'ĩirjuwia Hẽwandamag hamach peerdʌ haupiju” ha p'ãjim Isaiaau hich Hẽwandamaucha hichig jaaumatarr. (Is. 6:10) Pari Hẽwandamau judionaan mag t'ãar t'eeg hapitarran, año k'apan par hich hiek hũrpitarrjã hʌ̈k'amap'a harr haawaita magpijim.

San Juan 12:40 Iomraidhean Croise

San Mateo 15:14

Magua, ideu warag khĩuu sĩubat ajim. Jãkhʉʉnan amachjã dau khĩsu nʉmta agjo dau khĩsum khʉʉn jua gaai pʉrnaa eudʉ arrjem khʉʉnjota nʉmgui ajim. Pãrau oowai merag chukhu sĩebá, dau khaugba khitʉmua agjo dau khĩsu khitʉm jua gaai pʉrnaa arrkhiin, ãb bʉheu subaadee amach numwe burrjugui ajim.

San Marcos 4:12

maagwai mag sĩi khajapham nem ĩgkhaadamjopai ũurwai par amau amach jʉ̃gʉucha ũrnaa amach dakhĩir nem wau nʉm oo nʉmjã oobamjo amkhĩir; mag nʉm gaaimua Ẽwandamagjã amach khaibag chugpaapi jeeuba aawai Ẽwandamau am khaibagjã chugpaaba amkhĩir.

San Marcos 6:52

ag noram Jesuu amach dakhĩir pan ãwarr dʉi khapanjã khaba narraupai õor pom thʉnarr thach khopitarrjã khĩir ee paba. Jesuu ich juapá oopi sim khaphʉ aju aai nʉmta warag magʉmjã khĩirjuba sĩita jãphierr naajim anaabá.

San Lucas 4:18

“Ẽwandamauta mʉ jʉr autarr aawai ich Akhaar mʉ gaai phẽs wai sim, aphʉʉm khʉʉnag jãga ichdeu am peerdʉ auju a jaaumkhĩir. Irua mʉ pʉitarran, õor amach khaibag ee presonaanjo nʉm khʉʉnag, ‘Ya pãar oberm iek oberju aai nʉm’ a jaaumkhĩir ajim; dau khĩsumjo nʉm khʉʉnagjã, ‘Ya pãrau wajapha ooju aai nʉm’ a jaaumkhĩir; chikhamnau dau aphʉʉ waaujem khʉʉn dau aug khaugwia peerdʉ aumkhĩir;

San Lucas 8:10

Magbaawai ichdeu magjim anʉm amag: —Pãrau khaugam khõsi ũr naawai, mʉchdeun warre pãrag khaphʉ apiejem, jãgata Ẽwandam õor thãar ee sĩeicheejẽ. Mamʉ warm khʉʉnagan sĩi khajapham nem ĩgkhaadamjopaita ĩgkhaajemgui ajim anʉm, amau oo nʉmta oobamjo amkhĩir, maimua ũr nʉmjã bʉ̃ʉrjã khaugbamjo amkhĩir.

San Juan 12:39

Magta chadcha ʉkhaba naajim. Amau mag ʉkhabaju igwia ich Isaiaaupai ĩchab,

San Juan 9:39

Magbaawai Jesuu irig magjim: —Mʉ beetarran, khaíuta chadcha Ẽwandam iek ʉkha sĩ wa khaíuta ʉkhaba sĩ a khap amkhĩirta beejimgui ajim. Ar dau khĩsu khitheem khʉʉnjo amach khaibag ee nʉm khaphʉ nʉm khʉʉn peerdʉ aunaa ĩchab ar jũrr wajapha nʉm anʉm khʉʉnta amach pekau gaaimua khĩchag eemjo nʉm jawaanta beejimgui ajim.

Hechos 15:3

Mag chadcha Antioquía phobor ee chi ʉkha durrarr khʉʉnau amach pʉibapäaiwai ereubaadewi, Fenicia durr dichwia, Samaria durrjã dichjierram aajem. Mag wenʉrrʉmua amach wetumpierr õrag jaaujeejim aajem, jãga judionaan khabam khʉʉnaujã amach jooin warrgarm khʉʉn i isegwia khĩirjug iiurta aujierrá, Ẽwandam iek chaarcha ʉkhaag. Mag amau nem ĩgkhamam ũrwia thum chi ʉkha durrum khʉʉn onee durrajim aajem ĩchab.

Hechos 28:26

“Jãkhʉʉnag mʉ iek jaaubamí” ajim ich Ẽwandamau. Maimua ichdeupai jaaumamua, “Muata amag mag jaaupʉi chirʉm abá” ajim: “Par pãrau mʉ iek ũr nʉmjã khaugbaju; mʉ jua theeg oo nʉmjã oobamjota aju.

Hechos 3:19

Pãachdeu i dʉi magtarr jũrr pãach khaibag thumaa ãsie ewag khĩirjunaa Ẽwandamag chugpaapi jeeubat ajim aajem, mag khaibag chugpamkhĩir. Pãach thum israelnaanau magta jeeukhiin, mag Jesús warrgarwe Ẽwandamau jʉr auwi pʉiju aajerr deeu pʉibarm gaaimua Ẽwandamauta pãar kha oneg chukhu narrjã kha onee apijugui ajim aajem.

Romanos 9:18

Wajapcharan Ẽwandamau mʉgta sim: Ichdeu dau aug khaug paraa am khõsim khʉʉnta dau aug khaaugjem; pari ich agjo ĩchab ichdeu thãar theeg apiju khʉʉnan warag thãar theegta apiejem.