San Juan 12:23 - Wounaan Meu

²³ Mag wetwia judionaan khabam khʉʉnau ich jʉr wenʉrrʉm a jaaubaicheewai amjã peerdʉ awaag ʉdʉraa ich thõopiju jaaubaademua magjim: —Ya ĩsta chadcha mʉch chi Emkhooi Iewaa chikhamnau thõoju gayaa pamamgui ajim, mag amau mʉ thõobarmua mʉchta Ẽwandamau thumaam khʉʉn khãaijã ʉ̃rpai apieg.

Woun Meu

²³ Mag wëtwia judionaan k'abam k'ʌʌnau hich jʌr wënʌrrʌm ha jaaubaicheewai hamjã peerdʌ hawaag hʌdʌraa hich t'õopiju jaaubaadëmua magjim: —Ya hĩsta chadcha mʌch chi Hemk'ooi Hiewaa chik'amnau t'õoju gayaa pamamgui hajim, mag hamau mʌ t'õobarmua mʌchta Hẽwandamau t'umaam k'ʌʌn k'ãaijã hʌ̃rpai hapieg.

San Juan 12:23 Iomraidhean Croise

San Mateo 25:31

’Mʉch chi Emkhooi Iewaata ʉ̃gtharmua mʉch chognaan angelnaanau phʉʉr thuur beem edan, mʉchta chi Rey aawai mʉch khu juupjem wajappha sim gaaita jupchejugui ajim, õor dʉi mʉchdeu khap nem wawaag.

San Mateo 26:45

Maimua ũwaai oon beewaijã agtha ich khapeen khãidʉtkha thʉnʉm oobaichee amag, —¿Agtha pãar sĩi khãi gaaita nʉ? ajim anʉm. Ya pekau pom sĩsidʉm khʉʉnag mʉch chi Emkhooi Iewaa pʉr deeju ora pabaichebahab.

San Marcos 14:35

Magpet awi ichin ag atgajãrpai kanieu phõbkhanaa, jẽb gaai dagau dʉrnaa, Ẽwandamag jeeumamua i gaai machag ãwatpibaju akhiin ʉu akham a jeeumajim aajem. Magnaa,

San Marcos 14:41

Mag biek thãrjupam gaaijã agtha khãidʉtkha thʉnʉm oobaicheewaita deeu amag, —¿Agtha pãar sĩi khãai gaaita nʉ? Khãigap nem pʉabat ajim anʉm. Pekau pom sĩsidʉm khʉʉnag mʉch chi Emkhooi Iewaa pʉr deeju ora pabaichebahab.

San Juan 12:16

Eeu i mamag khabaadeewai chan maach chi dʉi wenʉrraajerr khʉʉnau chan marau bʉ̃ʉrjã khaugba naajim, jãgwiata mamag khajĩ. Maimua ya nassi pawia ich Aai aar ʉ̃gthar petarr khurta marau khaphʉ aphobaadejim, ya ag nawe i jãgju Ẽwandam iek phã sĩsidʉm gaai jãg jaau sim aawai juaujo jãgtarr.

San Juan 12:27

Maimua mag jaaumamua ĩchab, —Ĩs chadcha thumaa khĩirjuwia mʉ okhĩirjug pooma chirʉmgui ajim, chikhamnau mʉch thõoju dakkha pamaawai. Mag chirab mamʉ am jua ee thõmaaugaujã mua mʉch Ayag, “Tata, mʉ peerdʉ athájã” abamgui ajim, warrjã mag atheeta mʉ beetarr aawai.

San Juan 13:1

Ya phiesta Pascua anʉm burrju khãai ãbpai waaur sĩejim. Maagwai Jesuu khaphʉ sĩejim, ya ichdeu mʉg durr werpʉawi deeu ich Aai dʉi ãba sĩeimaju ed pabaadem. Thum mʉg jẽb gaai maar ich denkha durrarr khʉʉnan bʉ̃ʉrjã chig aba jãsehne aajeejim. Maagjerr aawai ya ãbmiecha amau i thõoju ed paawaijã agtha ichdeu maar khõsi sim khaphʉ apijim.

San Juan 7:39

Mag sim aiguin Jesuu i iek ʉkhabarm khʉʉnaun Ẽwandam Akhaarta auju a sim ajim. Pari maagwai chan agtha chi Ẽwandam Akhaar beeba sĩejim, ich Jesujã agtha ich Aai aar ʉ̃gthar maba sĩerr aawai.