San Juan 12:20 - Wounaan Meu

²⁰ Mag Pascua ee õor pom Jerusalén wettarr khʉʉn ee ĩchab judionaan khabam khʉʉnjã thʉnaajim, Aai i jewaan beetarr khʉʉn.

Woun Meu

²⁰ Mag Pascua hee hõor pöm Jerusalén wëttarr k'ʌʌn hee hĩchab judionaan k'abam k'ʌʌnjã t'ʌnaajim, Haai hi jëwaan bëetarr k'ʌʌn.

San Juan 12:20 Iomraidhean Croise

San Marcos 7:26

Mag ʉʉi deeum durr Sirofenicia anʉm durram ajim anaabá. Ich mag ʉʉirau Jesús aar mawia chaigpaimajim anʉm, ich chaai mor eem thõthõrrsom ben obeerpʉimkhĩir.

San Juan 12:1

Maimua mag phiesta Pascua burraag seis diaspai waaur nʉm eeta, ich Jesús Betania anʉmʉg mam dʉi maarjã wetjim. Mag Betania phobor eeta mag woundam Lázaro anʉm ichdeu phiriu autarrjã sĩejeejim.

San Juan 12:19

Pari maagwain jũrr chi fariseonaanau amach khapeenagpaita, —Keena, pãrau oo nʉm, jãg sĩi amag iekha nʉmuapai chan maadeu pod maachig paa aubamgui aajeejim. Magnaa, Oojurauma, jãg thumaam khʉʉnta sĩi i igar paaukhamamgui aajeejim.

San Juan 7:35

Jesuu mag iekhabapʉim ũrwia, chi judionaan sereu phobaadewia, jũrr amach wir aigpai, “¿Jamag maju jaau simta mag pod maadeu i baaubaju anʉm? ¿Wa deeum durr mawia jũrr parhoobam khʉʉnag jawaan maju igwiata mag sĩwa?” aajeejim.

Hechos 14:1

Mag phobor Iconio anʉm ee naaimawia Pablo Bernabé dʉi amach numwe ãba dubjierram aajem, judionaan Ẽwandam iek jaaujem deg. Mag dubwi maach Por iek iek khẽgkha jaauphobaadeewai judionaan pom griegonaan dʉimua Ẽwandam iek ʉkhajierram aajem.

Hechos 16:1

Mag wenʉrrʉmua Pablo Silas dʉi phobordam Derbe anʉm barimawia maigmua jũrr deeum phobor Listra anʉmʉg wetjierram aajem. Mag phobor Listra anʉm ee ẽwan Timoteo a thʉ̃r sim sĩejim aajem, ĩchab Jesús iek ʉkhaajem. I ãd judeapie ʉʉi ajim aajem, ĩchab Ẽwandam iek ʉkhaajem; mamʉ i aai griego ajim aajem.

Hechos 17:4

Pabloou mag jaaumam ũrwia ãaur khʉʉnaun chadcha ʉkhawia warag am dʉi khapeerkha nʉisijim aajem. Mag chi ʉkhamarr khʉʉnan ʉ̃rcha griegonaan chi emkhooin ag nawe Ẽwandam na agpierraanaa irig jeeu durraajerr khʉʉn ajim aajem. Mag chi ʉkha nʉm khʉʉn ee ĩchab chi thethemnaan ʉʉinpa khapan thʉnaajim aajem.

Hechos 20:21

Judionaanag jaaunaa maimua judionaan khabam khʉʉnagpa jaaujeejim, jãga amach khaibag thum ãsie ewag khĩirjuwia isegju aai nʉ, Ẽwandamau khõsi simjota wenʉrraag; magnaa jãga maach Por Jesucristo iekta ãba ogdʉba ʉkha wenʉrraju, magʉm thum mua jaaujeejimgui ajim.

Hechos 21:28

Mag õor phogueupʉiwia warag, —¡Keena israelnaan, maar juag oobahuthʉ̃! aajeejim. Chamʉg wounauta durrpierr õor thumaam khʉʉnag maach jooin i isegpi jaaunaa, Moiseeu phã pʉatarr iekjã asekaspiba jaau nʉrranaa, ĩchab mʉg Aai i jeeujem di igwiajã khaigba iekha nʉrraba aajeeb ajierram. Mag nʉrrʉmua ĩs ag ee judionaan khabam khʉʉn dubju khaba aajemta warag ierr phe wai sĩewai mʉg diin ya khaigba sĩsimgui ajierram. Deeu wajaug paapʉibam aig chan pod ag ee Ẽwandamag jeeuju khaba simgui ajierram, ähäakhamua.

Hechos 8:27

Magbaawai chadcha Felipe ag ipierr ichig khʉd jaautarr ee petajim aajem. Mag maa awia woun ãb Etiopía durrmua Jerusalén phobor ee Ẽwandamag jeeuthurwia deeu ich diig mam dʉi thẽujim aajem. Mag woun, ʉʉita Etiopía durr reikha sim ag garm ajim anaabá, chi thethem. Ichdeuta mag ʉʉi reikha sim den phatkhon thum chi ãkhaajem ajim aajem.

Romanos 1:16

Mag Ẽwandamau maach peerdʉ aaujem iek ũrwia ʉkha nʉm gaaimuata thum chi mag ʉkha nʉm khʉʉnan ichdeu peerdʉ aaujeewai mʉ chan i iek jawaag bʉ̃ʉrjã chigaa aa khaugba chitʉm. Iin chadcha nacharan judionaan eepaita jaaujeejim. Magtarrta ĩs ewag pawia durr chaaur judionaan khabam khʉʉnagpa jaaujem, amjã agjo peerdʉtkhamkhĩir.

Romanos 10:12

Mag sim aiguin judionaan wa judionaan khaba awiajã ĩsin thum ãbata thʉnʉm Ẽwandam dau na; ich ãbam Jesupaita thumaam khʉʉn Porkha sim. Magua, ar thum ichig jeeu nʉm khʉʉn dʉin Jooi wajaug khitʉm.

Gálatas 2:3

Pari Jerusalenpie jooin chi pornaanau ũurwai mua nem jaau chirʉm chadcha ag eyaa sĩerr aawai, Tito judío khaba sim mʉ dʉi nʉrrarrjã maach meeunau aajemjo meheu thʉʉpʉiju aai simjã abajierram.

Gálatas 3:28

Mag naawai ya ĩs chan ãbmuajã, “Mʉʉn judioou” wa “Mʉ chan judío khabam” ajujã khaba, ni chikham chog wa chikham chog khabamjã aba, ni “Mʉʉn emkhooi aawai ʉʉi khãaijã mʉchta ʉ̃rpai chirʉm” ajujã khabam. Pãran thum Cristo denkha naawai õor ãbpaimjota nʉm.

Colosenses 3:11

Pãar mag naawai ni ãbmuajã ich ajaug thoju khaba sim: judioou wa judío khabamua, meheu thʉʉ simua wa thʉʉba simua, chi durrkhʉʉu wa durr chaauramua, agtha chikham chogkha simua wa chikham chog khaba simua, chi khapcha simua wa khaugba simua, ni ãbmuajã maata iwiir ãb ʉ̃rpai sim aju khaba sim. Magʉmta khĩirjuju khãai dichdeu Cristo wai simta nem thum thʉnʉm khãaijã ʉ̃rpai sim khaphʉnaa ichpaita ĩchab thum ich iek ʉkha nʉm khʉʉn ee sĩejemjã khap aju aai nʉm.