San Juan 12:17 - Wounaan Meu

^17-18 Mag õor pom Jesús khĩirphee oon beetarran, irua Lázaro chi meem ya jẽbdeg sĩerrta deeu phiriu autarr chi ootarr khʉʉnau jajaaukham ũrwia i oom khõchgauta mag i khĩirphee beejierram.

Woun Meu

^17-18 Mag hõor pöm Jesús k'ĩirp'ee hoon bëetarran, hirua Lázaro chi meem ya jẽbdeg sĩerrta deeu p'iriu hautarr chi hootarr k'ʌʌnau jajaauk'am hũrwia hi hoom k'õchgauta mag hi k'ĩirp'ee bëejierram.

San Juan 12:17 Iomraidhean Croise

San Juan 1:19

Mag Ẽwandamau pʉiju jaaujerr beeju anʉm ich ẽudee urum Juanau jaau nʉrrarr ed gaai Jerusalén phobor eemua judionaan chi porkha narr khʉʉnau phadnaan pʉijierram, Levinaan a thʉ̃ʉrjerr khʉʉn dʉi, makhʉʉnau chi Juan aar wetwia irig, “¿Pʉ khaíuma? ¿Pʉʉta nawe Ẽwandamau pʉiju a jaaujerrá?” a khap jeeumkhĩir.

San Juan 1:32

Maimua mag jajawagmamua, ĩchab ewag pawi ichdeu ootarr igwiajã Juan chi õor por choomieu, —Muan mʉch daúacha Ẽwandam Akhaarta duburjo khitʉmta ʉ̃gtharmua beewia Jesús gaai jupbaichemjã oojimgui ajim.

San Juan 1:34

ĩsin chadau mua i khaphʉ chirʉmgui ajim, mag mʉchig jaautarrjo beewi i gaaita jupbaichem mʉch daúacha ootarr aawai. Maguata ĩchab mua khaphʉ chirʉmgui ajim Juanau Jesús igwia, i chadchata Ẽwandam Iewaau.

San Juan 11:31

Pari mag María apuraa oberbaadem oobaawai judionaan am khĩir jãsenkhaag am aig beewia narr khʉʉnau chi binaandam aukhertarr aarta bĩen mampii awia dʉi i ẽudee pochag beejim.

San Juan 11:42

Mua khaphʉ chirʉmgui ajim, mua pʉchig jeeuwai pua mʉ iek ʉkhaajem. Pari magʉm ãba, ichiita thumaam khʉʉn jʉ̃g daar mua thet mag ʉu ajim a chirʉmgui ajim, thumaam khʉʉnag chadcha pʉchdeuta mʉ pʉijim a khap amkhĩir.

San Juan 12:9

Mag Jesús Betania sĩeichemjã chi judionaan Pascua dichaag beetarr khʉʉnau khaug athaawai khapan i oon beejierram. Pari mag bee thʉnʉm chan i oogpaijã khaba, ich Jesuu Lázaro phiriu auwia maach ich mʉg sim oogpata bee naajim.

San Juan 19:35

Mʉch chi mag jaau chirʉmuan mʉch daúacha ootarr aawaita chadcha mag jaau chirʉm. Mua khaphʉ chirʉm, mʉchdeu chadchata nem jaau chirʉm. Mag chadcha arr nemta jaau chiraawai pãrag ʉkhamkhĩirta mʉg phã chirʉm.

San Juan 21:24

Jesuu mʉ igwia mag iekhatarr ich ag wounaupaita mag thumaa cha jaau chirʉm mʉg ẽsap gaai, mʉchjã i dʉi ogdʉba chitʉmua mʉch daúa oojerr aawai. Maagwai tagam khʉʉnaujã khaphʉ nʉm, mua mʉg phã chirʉm nem chadcha arrta jaau chirʉm.

Hechos 1:22

Mag maadeu jʉr aujuun, ĩchab maachjo Jesús dʉi ogdʉba wenʉrranaa ĩchab warrcha Juan õor por choomieu Jesús por chootarr aigmua ewag pawiajã khĩeb ich Jesús ʉ̃gthar ma nʉm ed gaai ich mag maach dʉi ogdʉba wenʉrraajerr khʉʉn eemta jʉr auju aai nʉmgui ajim aajem.

Hechos 5:32

Mag pãrau i meerphe thõotarr maach daúa ootarr aawaita marau chadcha thum khaphʉ jaau nʉmgui ajim anʉm. Mag nʉm dʉi Ẽwandamau ich Akhaarta ar ich ipierraam khʉʉnag deejeewai, marau jaau nʉmʉn, ich ag Ẽwandam Akharau maachig jajaaukhamta jaau nʉmgui ajim anʉm.

Apocalipsis 1:2

Magbaawaita Ẽwandamau Jesucristo dʉimua mʉchig oopinaa mʉchig ũrpitarrpa thumaa phã chirʉm.