San Juan 12:1 - Wounaan Meu

¹ Maimua mag phiesta Pascua burraag seis diaspai waaur nʉm eeta, ich Jesús Betania anʉmʉg mam dʉi maarjã wetjim. Mag Betania phobor eeta mag woundam Lázaro anʉm ichdeu phiriu autarrjã sĩejeejim.

Woun Meu

¹ Maimua mag p'iesta Pascua burraag seis diaspai waaur nʌm heeta, hich Jesús Betania hanʌmʌg mam dʌ̈i maarjã wëtjim. Mag Betania p'öbör heeta mag woundam Lázaro hanʌm hichdëu p'iriu hautarrjã sĩejeejim.

San Juan 12:1 Iomraidhean Croise

San Mateo 21:17

Magnaa warag ichta aigmua mawia jũrr ag dakha phobordam Betania anʉmʉg petajim. Mag mawia ich mam warag khãi eejim.

San Marcos 11:11

Mag wetumua Jerusalén phobor ee barimajierram aajem. Mag barimawia, Aai i jeeujem diig mawia, ag ee dubwia, dijã thumaa eerpa phʉʉrdʉpʉiwia, deeu oberbaadejim aajem. Mag oberbaadewia ya edau kheeuraa aadem ee Betaniaag petajim aajem, ich khapeen doceem dʉi.

San Lucas 24:50

Maimua ãbmiecha paawai phobor eemua ich Jesuu am phe arrjim aajem phobor Betania anʉmʉg khʉdau ma sim ee. Mam phobor igaau pabaimaawai ʉ̃gthaag jua ʉanaa Ẽwandamag jeeumamua, —Tata, puata mʉg atagjã mʉkhʉʉn wounaan ich jãg ʉu am phe wai chitajugui ajim anʉm.

San Lucas 7:37

Maagwai ag phobor ee sĩejim aajem, kachaloo ʉʉi ãb parhoobam emkhooin dʉi sĩerrarr. Mag ʉʉirau Jesús Simón di aig thach kho sim khaug athaawai jʉ̃gdee didam durrkhudau alabastro anʉm den boteedidam wau khitʉm dʉi beejim aajem i aig.

San Juan 11:1

Biek ãb phobordam Betania anʉm ee woundam Lázaro anʉm mor machpajim aajem. Ich Lázaro ʉ̃phʉʉin numí wai sĩejim, María Marta dʉi. Makhʉʉn dʉita sĩejeejim ich.

San Juan 11:43

Mag iekhawia deeu ichdeupai jũrr mag chi meem jẽb deg sĩerragta i thʉ̃rcha thʉ̃rthʉ̃rnaa thet, —Lázaro, dawag oberbaiche ajim.

San Juan 11:44

Magbaawai maach chi meem arrta chadcha dawag oberchejim. Oowai ich aukhertarr ich mag bʉ aarmua khĩeb mor thum dĩes baúa pʉreunaa odi aigmua ʉ̃gthaag porpa khĩir jãarjemua pʉreu simta oberchejim. Mag oberbaicheewai aig narr khʉʉnag, —Jãimua jãg put ẽerkhabapʉit ajim, ideu ich diig mamkhĩir.

San Juan 11:55

Mag phobor Efraín anʉmʉg weetwai judionaan phiesta Pascua aajem burrju dakpapa khajim. Amach i arr aawai, mag phiesta ʉ̃rʉʉ arr aawai, õor pom Jerusalenag erereu khajim, Pascua burrju nawe khĩir khaugaag, amach jooinau jaaujerrjo domer nʉmua amach khaibag barpäain.

San Juan 12:12

Mag Jesús dʉi maar Betania paaukhachetarr noram Jerusalenmua ũrphobaadejim aajem, i barju. Maagwai ya õor pooma Jerusalén phobor ee thʉnaajim aajem, mag phiesta athee wettarr khʉʉn.

San Juan 12:20

Mag Pascua ee õor pom Jerusalén wettarr khʉʉn ee ĩchab judionaan khabam khʉʉnjã thʉnaajim, Aai i jewaan beetarr khʉʉn.

San Juan 12:9

Mag Jesús Betania sĩeichemjã chi judionaan Pascua dichaag beetarr khʉʉnau khaug athaawai khapan i oon beejierram. Pari mag bee thʉnʉm chan i oogpaijã khaba, ich Jesuu Lázaro phiriu auwia maach ich mʉg sim oogpata bee naajim.