San Juan 11:50 - Wounaan Meu

⁵⁰ Magnaa ichdeupai, Mua oowai wajapcha ajuun, mag pãrau jaau nʉmjo maach thumaam khʉʉnta dau aphʉʉ apiju khãai, jãg appaita maach thumaam khʉʉn kõit thõopiju aai simgui ajim anaabá, Jesús igwia.

Woun Meu

⁵⁰ Magnaa hichdëupai, Mua hoowai wajapcha hajuun, mag pãrau jaau nʌmjö maach t'umaam k'ʌʌnta dau hap'ʌʌ hapiju k'ãai, jãg happaita maach t'umaam k'ʌʌn kõit t'õopiju haai simgui hajim hanaabá, Jesús higwia.

San Juan 11:50 Iomraidhean Croise

San Juan 18:14

Ich mag Caifás anʉmua ajim, ag nawe ich khapeen judionaanag, “Maach thumaam khʉʉnta dau aphʉʉ aju khãai, woun ãbpaita maach thumaam khʉʉn kõit thõopiju aai simgui” a iekhatarr, Jesús igwia.

San Lucas 24:46

Magnaa amag magjim aajem ich Jesuupai: —Ich magta phã sim Ẽwandam iek gaai. Maguata chadcha mʉch chi Cristo ich Ẽwandamaucha jʉr autarr awiajã dau aphʉʉ meeju aai chirajimgui ajim anʉm. Mamʉ ĩchab khãai thãrjupam ee iiu phiidʉju arrjã jaau simgui ajim anʉm.

Romanos 3:8

Pari mag amau jaau nʉmjo mag khaigba nʉm gaaimua i wajaugta phepimjo nʉm khai, jãgwi warag nem khaigbamta wauju khaba nʉ, magʉm gaaimua jũrr ich mag i wajaugta phemkhĩir. Chi mag nʉm khʉʉnaun amachdeu mag khĩirju nʉm gaaimuata õrag jaauwaijã, muan magta jaau chitʉm aajem, magʉm gaaimua mʉ eugar seukha nem ĩgkham khõchgau. Pari chi mag nʉm khʉʉnan, Ẽwandam dʉi khujʉr nʉmjo nʉm gaaimua, i jua machag ãwatab khaba ãwatju.

San Juan 19:12

Jesuu ichig magbaawai chará Pilatoou Jesús chig aba sĩi mapiju ẽkhaajeejim. Pari mag nʉm ee warag chi judionaanaujã khapanaam khʉʉnauta irig, —Puata jãg woun sĩi khajapha pʉimʉn, pʉ chan magan tag emperador khapeer khabamgui ajierram. Ar ichdeupai iita reiu a simʉn, magan jũrr emperador dʉi iekkhõr aum khõchgauta mag simgui a serereu aajeejim irig.

San Juan 11:48

Maadeu ʉdʉraa irig jãgʉm nem waupi nʉmʉn, thumaam khʉʉnta i igar paaukhawia amach reikhapiju. Magbaawai Romapien chi thethemnaan beewia, jũrr maach Aai i jeeujem diita pogueupʉinaa, maachjã dau aug waujugui ajierram aajem.

San Mateo 5:29

’Magam uguata, pʉ juachaar garm daúa khãijã pʉ pekau waupi sim khai, jẽunaa warre warp barbapʉi. Mag dau ãbpaim gaaimua pʉch mor thum khĩmie durr maju khãai, dau appaita okhoobarmʉn, ʉu simgui ajim anʉm.