San Juan 11:48 - Wounaan Meu

⁴⁸ Maadeu ʉdʉraa irig jãgʉm nem waupi nʉmʉn, thumaam khʉʉnta i igar paaukhawia amach reikhapiju. Magbaawai Romapien chi thethemnaan beewia, jũrr maach Aai i jeeujem diita pogueupʉinaa, maachjã dau aug waujugui ajierram aajem.

Woun Meu

⁴⁸ Maadëu hʌdʌraa hirig jãgʌm nem waupi nʌmʌn, t'umaam k'ʌʌnta hi higar paauk'awia hamach reik'apiju. Magbaawai Romapien chi t'et'emnaan bëewia, jũrr maach Haai hi jëeujem diita pogueupʌ̈inaa, maachjã dau haug waujugui hajierram haajem.

San Juan 11:48 Iomraidhean Croise

San Mateo 22:7

Magbaawai chi reíu khĩir machgau ich soldaaunag mag ich chognaan khechtarr khʉʉnjã agjo khechpi jaaunaa am phoborjã warre orpi jaaujim aajem.

San Mateo 22:9

“Jãgan jãgbarpí kaaijã ee wetwi mʉ chaai jua pʉr nʉm phiesta ee beemkhĩir, thum pãachdeu oomam khʉʉnag jaaupetat” ajim anʉm amag.

San Mateo 24:15

Mag ich Jesuu jajawagmamua magjim: —Khĩir eyaa abat, Ẽwandam i jaaumie Daniel khararrau phã pʉarr gaai jaauwai Aai i jeeujem deg ierr ich Ẽwandam sĩejem aarcha ogkhaba dubwi ãbmua parhooba ichdeu am aig aju jaautarr. Magtarr aawai chi ũr nʉm khʉʉnau wajapha khaphʉ abat ajim: chadcha Danielau jaautarrjo woun ãb chi khaigbamta Ẽwandam awi ya Aai i jeeujem deg sĩeichem oobaawai

San Mateo 27:25

Magbaawai thumaam khʉʉnau sereu phobaademua warag, —Marau pʉ gaai thʉbam; maachta maach chaain dʉi kulp paraa nʉisibajupa ajierram anaabá.

San Lucas 11:52

Mag iekhakhagmamua, ¡Eh, apdurr ajim anʉm pãar, Ẽwandam iek jawaag chi machnaan aajem khʉʉnta! Pãrau khaphʉ nʉmgui ajim anʉm, Ẽwandam iekta ʉ̃gthar dubaag athee yabmejo sim. Mag yabmejo simta pãachdeuta nacha garpawia bʉ̃ʉrjã õrag jaauba nʉmgui ajim anaabá. Pãachjã dubba nʉmta, chi dubam khõsi nʉm khʉʉnagjã pãrau ʉdʉʉr dubpiba nʉmgui ajim anʉm, amach khĩircha.

San Lucas 8:12

Maagwai chi nemjĩir dau khʉdjã ee burrmarr, õor Ẽwandam iek sĩi par jʉ̃gʉupai ũurjem khʉʉnaugui ajim anʉm. Amau Ẽwandam iek jaau nʉm ũr nʉm, mamʉ meperau beewia khũgurbaicheewai ũrba arrjo thãar ee Ẽwandam iek chukhu thʉba nʉm, khʉdjã eem nemjĩir dau nemchaainau khopʉitarrjo.

San Juan 1:7

Maguan sĩi ich ẽudee deeum woun ãb beejuuta jaau nʉrrajim aajem, mag wounta khĩchag ee õt paa dʉnʉmjo sim a jaaubaawai õor thumaam khʉʉnag mag iekta ʉkhamkhĩir.

Hechos 5:28

—¿Pãrag khabajĩ ajim anʉm, marau jãg Jesús igwia tag bʉ̃ʉrjã nem jaaupiba jaautarr? Magtarrta ya Jerusalén phobor ee pãachdeu ʉkha nʉm iekta thum aaidʉ wai nʉmgui ajim anʉm, jãg marau jaautarrjã ũrba jaau wenʉrrʉm gaaimua. Pãachdeu mag jaau wenʉrranaata jãgan jãg woun thõotarrjã pãrau maar gaaita thʉpʉim ig naabma ajim anʉm, Jesús igwia.