San Juan 11:47 - Wounaan Meu

⁴⁷ Magbaawai chi fariseonaan, phadnaan chi porkha narr khʉʉn dʉi ãba, tagam khʉʉn chi thierrnaanpa biirdʉjierram aajem. Mag biirdʉnaa amach eepai jũrr amach khapeenagta, —Keena, ¿maadeu jãga ajuma jãg woun dʉi? ajierram anʉm. Jãguan chadchata maach dauderraa ag na õrau nem ooba aajempata wau nʉrrʉm.

Woun Meu

⁴⁷ Magbaawai chi fariseonaan, p'adnaan chi pörk'a narr k'ʌʌn dʌ̈i hãba, tagam k'ʌʌn chi t'ierrnaanpa biirdʌjierram haajem. Mag biirdʌnaa hamach heepai jũrr hamach k'apeenagta, —Keena, ¿maadëu jãga hajuma jãg woun dʌ̈i? hajierram hanʌm. Jãguan chadchata maach dauderraa hag na hõrau nem hooba haajempata wau nʌrrʌm.

San Juan 11:47 Iomraidhean Croise

San Mateo 26:3

Ya mag phiesta burrju khãai numpai waaur nʉm ee, phadnaan chi porkha nʉm khʉʉn jooin chi thierrnaan dʉi ãba biirdʉjierram aajem, phadnaan thumaam khʉʉn por Caifás di aig.

San Mateo 5:22

Pari mua mag chirʉmgui ajim anʉm: Õor thõoba awiajã sĩi dich khapeendam dʉi meeukha nʉmpaijã ich agjo pekaukha ober sim. Sĩi dich khapeer meeukhamkhĩir i khĩir iekha nʉmjã pekauu; chi mag iekha sim khʉʉn, thethemnaanau khaibag waupi jaauju. Maimua ar sĩi chikham thõp iekha simjã ya sĩi khĩmie durr barpʉijuuta sim; õor thõoba ab mamʉ ich agjo sĩebahab ajim anʉm, pekauta wau sĩewai.

San Marcos 14:1

Jesuu mag ich khapeenag ich mawia deeu beeju jaauwai nemkhoo pomaam burraag khãaidam numpai waaur sĩejim aajem. Mag phiesta ĩchab Pascua a thʉ̃ʉrjem; ajapcharan maar meeun judionaanau pan sĩi ich jãg levadura chukhu wauwia seman enter khoojem ag semanma. Mag phiesta burrju khãai khapan khaba waaur nʉm ee, phadnaan chi pornaanau Moiseeu Ẽwandam iek phã pʉatarr jawaag chi machnaan dʉimua ãba biirdʉwi khĩirjug jʉr naajim anaabá, nemdam bʉ̃ʉr abarm gaaimua Jesús imeraa pʉr auwi thõopʉyaag.

San Lucas 22:2

Maagwai ĩchab phadnaan ee chi porkha nʉm khʉʉnau agjo judionaan Ẽwandam iek athee chi machnaan dʉimua amach eepai, “Jãgata akhiin bʉ̃ʉrjã õrag khaugpiba jãg Jesús pʉrnaa thõobpʉikhamgui” anaajim anʉm. “Magba mʉg khapanag eewe pʉr athaawai eeu õor pom mʉg thʉnʉm maach dʉita meeukhadukham” a khĩirju naajim aajem.

San Juan 11:57

Maagwai chi fariseonaanau phadnaan chi porkha narr khʉʉn dʉimua ya õrag jaaukha wai naajim aajem, chi Jesús sim khaug athaawai amachig jaaumkhĩir, mag amachig jaaubaawai sĩi i pʉr awaan wetaag.

San Juan 12:19

Pari maagwain jũrr chi fariseonaanau amach khapeenagpaita, —Keena, pãrau oo nʉm, jãg sĩi amag iekha nʉmuapai chan maadeu pod maachig paa aubamgui aajeejim. Magnaa, Oojurauma, jãg thumaam khʉʉnta sĩi i igar paaukhamamgui aajeejim.

San Juan 2:11

Mag Galilea durr phobordam Caná anʉm ee do vinoog paatarrta warrpem õrau nem ooba aajem Jesuu wautarr ajim, mag wau sim gaaimua ich jua theeg oopieg. Mag, maach i dʉi wenʉrraajerr khʉʉnaujã warag wajapcha i khaphʉ nʉisijim, chadcha Ẽwandamau warrgarwe pʉiju a jaaujerr dʉita maach wenʉrrʉm. Magta marau warag i iek ʉkha nʉisijim.

San Juan 6:2

Mag i ag khĩirphee petaawai õor pom i ẽudee ereubaadejim, amachdeu mag õor mor masim khʉʉn pooma monaaumamua i jua theeg oojerr aawai.

San Juan 7:32

Moiseeu phã pʉarr iek wajapcha ʉʉrkhaajem khʉʉnau ũurwai õrau Jesús igar iekha nʉm ũrbaawai amach garmua phadnaan chi porkha narr khʉʉn dʉimua guardianaan chi Aai i jeeujem di thʉajerr khʉʉn pʉijierram, i pʉr aumkhĩir.

San Juan 7:45

Mag amachig jaaubaawai chadcha chi Aai i jeeujem di thʉajerr khʉʉn wetwia, deeu beewia, jũrr fariseonaan phadnaan chi pornaan dʉi ãba narr aar wetjierram aajem. Magbaawai makhʉʉnau amag, —¿Jãgwia pãrau i pʉr aibeebajĩ? ajierram anʉm.

Hechos 5:21

Amachig Ẽwandam chogau mag jaautarr aawai chadcha ag noram oo ãspapinaa, Aai i jeeujem deg wetwia, Ẽwandam iek jaauphobaadejim aajem. Am mag Aai i jeeujem deg nʉm ee, jũrr thoomgar phadnaan porou ich aig narr khʉʉn dʉi ãba biirdʉnaa cárcel di aar guardianaan pʉijierram aajem, amachdeu Pedro Juan dʉi phãarkhapitarr amach aig phe aubeemkhĩir. Mag am biirdʉ thʉnʉm ee naajim aajem Israel durram khʉʉn am Asamblea eem chi pornaan, amach thum.

Hechos 5:24

Mag jaaubaichem chi phadnaan porou ũrwia, Aai i jeeujem degam guardianaan poroujã phadnaan porkha nʉm khʉʉn dʉimua ũrphobaadeewai, amach wir aigpai, —Keena, mag ooimaba abarm anʉm chad khai, ¿jãga aagauma? ajierram anʉm.