San Juan 11:44 - Wounaan Meu

⁴⁴ Magbaawai maach chi meem arrta chadcha dawag oberchejim. Oowai ich aukhertarr ich mag bʉ aarmua khĩeb mor thum dĩes baúa pʉreunaa odi aigmua ʉ̃gthaag porpa khĩir jãarjemua pʉreu simta oberchejim. Mag oberbaicheewai aig narr khʉʉnag, —Jãimua jãg put ẽerkhabapʉit ajim, ideu ich diig mamkhĩir.

Woun Meu

⁴⁴ Magbaawai maach chi meem harrta chadcha dawag höbërchëjim. Hoowai hich hauk'ërtarr hich mag bʌ̈ haarmua k'ĩeb mor t'um dĩes baúa pʌrëunaa hödi haigmua hʌ̃gt'aag pörpa k'ĩir jãarjemua pʌrëu simta höbërchëjim. Mag höbërbaicheewai haig narr k'ʌʌnag, —Jãimua jãg put hẽerk'abapʌ̈it hajim, hidëu hich diig mamk'ĩir.

San Juan 11:44 Iomraidhean Croise

San Marcos 5:43

Mag phiriu auwi chi chaairag thachdam deepi jaaujim anʉm, khomkhĩir. Mamʉ mag daupeerdam ichdeu phiriu autarr chan bʉ̃ʉrjã aig narr khʉʉnag jaaupibajim aajem.

San Lucas 19:20

Thumaam khʉʉnag mag jeeukha oomam aawai deeum thʉ̃rpʉijim aajem. Magua paawai beewia magchejim anʉm: “Rey, pua mʉrʉg phatkhon deetarr mua sĩi putdam ee pʉreunaa ãkha kherjim, akhoom ugua. Magtarr aawai cha sim” ajim anʉm “pʉ phatkhondam, ich agpierrpai.

San Lucas 7:15

Magbaawai ag bʉrre chi mee kherarrdam phiidʉwia ʉu deeu iyʉʉ aadejim anaabá. Magbaa Jesuu chi ãdagta, —Ar kherʉm, pʉch chaai athaad ajim anʉm.

San Juan 10:30

Magnaa, Mʉ mʉch Aai dʉin maran ich ãbampaiugui ajim.

San Juan 11:39

Mag aig pachewia Jesuu chi aig narr khʉʉnag chi mokpor chawag pʉreupʉipi jaaujim. Magbaawai Martaau irig, —Señor ya maach aukhertarr khãai jayap sim aawai ya maach ãr kherabahab ajim.

San Juan 11:43

Mag iekhawia deeu ichdeupai jũrr mag chi meem jẽb deg sĩerragta i thʉ̃rcha thʉ̃rthʉ̃rnaa thet, —Lázaro, dawag oberbaiche ajim.

San Juan 19:40

Mag, Joseeu Nicodemo dʉimua amach numiim khʉʉnau warre ich aukherju aig mag jʉ̃gdee chi Nicodemoou waibeetarr aceite ee waaureunaa, agua kha phuurnaa, put ee wajapha pʉreu kherjierram, maar judionaanaun õor aukheerwai ich magta aajerr aawai ich agjo.

San Juan 20:5

Mag barwia, mua ag ee ober oowai, sĩi chi pʉreu sĩerr put appai mua ooimajim; pari aarcha chan mʉ dubbajim.

San Juan 20:7

ĩchab chi binaandam por begpʉitarr putjã oojim. Pari mag i por begpʉitarr put tagam sĩi mor gaai pʉreupʉitarr dʉi ãba khaba, khĩetta wajapha juurnaa pʉʉr kherajim.

San Juan 5:21

Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.

San Juan 5:25

Chadcha ĩsta pãar mag chi thõmjo nʉm khʉʉnaujã mʉch chi Ẽwandam Iewaa iekcha ũrju ed pabaichemgui ajim. Mag mʉ iek ũrwia ʉkha nʉm khʉʉnan warre Ẽwandam denkhanaa mʉg atagjã ich mag iiu nʉisijugui ajim.

Filipenses 3:21

Mag ich pierrum edta ichdeucha ich iiu aawai maach mor mʉg maadeu nem igmap simjã ich denjo ajaug paapʉiju. Nem thum thʉnʉmjã ichdeuta ichdeu ampierr aju aai sĩerraawai ich ag juapaaupai irua chadcha sĩi maach eu meebpʉimjo aju.

Apocalipsis 1:18

“Mʉchpai khabahab” ajim, “ar meewi deeu iiu phiidʉtarr; magtarr cha agtha iiu chirʉm, mʉg atagjã ich mag iiu chitʉm iekhau. Mʉchdeuta khap chirʉmgui” ajim, “jãagwaichata õor meepiju, maimua mag meewaijã chijã khʉʉnta khĩmie durr wetju” a iekhamajim mʉrʉg.