San Juan 11:42 - Wounaan Meu

⁴² Mua khaphʉ chirʉmgui ajim, mua pʉchig jeeuwai pua mʉ iek ʉkhaajem. Pari magʉm ãba, ichiita thumaam khʉʉn jʉ̃g daar mua thet mag ʉu ajim a chirʉmgui ajim, thumaam khʉʉnag chadcha pʉchdeuta mʉ pʉijim a khap amkhĩir.

Woun Meu

⁴² Mua k'ap'ʌ chirʌmgui hajim, mua pʌchig jëeuwai pua mʌ hiek hʌ̈k'aajem. Pari magʌm hãba, hichiita t'umaam k'ʌʌn jʌ̃g daar mua t'et mag hʌ̈u hajim ha chirʌmgui hajim, t'umaam k'ʌʌnag chadcha pʌchdëuta mʌ pʌ̈ijim ha k'ap hamk'ĩir.

San Juan 11:42 Iomraidhean Croise

San Mateo 26:53

Mua mʉch chig apibaju akhiin, mʉch Ayag jeeubaawai irua mʉ thʉamkhĩir Ẽwandam chognaan pooma milam khʉʉn apha doce ejércitos khãijã deepʉijugui ajim.

San Juan 11:22

Pari mua khaphʉ ʉmgui ajim, pua Ẽwandamag jeeubaawai pʉchdeu jeeubarmpierr irua aju.

San Juan 11:31

Pari mag María apuraa oberbaadem oobaawai judionaan am khĩir jãsenkhaag am aig beewia narr khʉʉnau chi binaandam aukhertarr aarta bĩen mampii awia dʉi i ẽudee pochag beejim.

San Juan 11:43

Mag iekhawia deeu ichdeupai jũrr mag chi meem jẽb deg sĩerragta i thʉ̃rcha thʉ̃rthʉ̃rnaa thet, —Lázaro, dawag oberbaiche ajim.

San Juan 12:17

Mag õor pom Jesús khĩirphee oon beetarran, irua Lázaro chi meem ya jẽbdeg sĩerrta deeu phiriu autarr chi ootarr khʉʉnau jajaaukham ũrwia i oom khõchgauta mag i khĩirphee beejierram.

San Juan 17:21

Tata, jãg maach numijã o ãba naajemjo, ich agjo ĩchab amjã maach dʉi o ãbata phe wai chitapim khõsi chirʉmgui ajim. Mag amʉn magan bigaaum khʉʉnaujã mag oowia khaphʉ aju, puata mʉ pʉijim.

San Juan 17:25

Tata, puata thumaam khʉʉn dʉi chadcha nem agcha waaujeewai pʉrʉgta jeeu chirʉmgui ajim. Ar pʉ iek ʉkhaba nʉm khʉʉnau chan pʉ khaugba nʉm, mag amachdeu ʉkhaba nʉm gaaimua. Pari õor pom sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉi durrum khʉʉnaujã puata mʉ pʉitarr khaphʉ nʉmgui ajim ĩchab.

San Juan 17:8

Pua jaaupitarr iek ya mua amag jaaujim; mag jaaubaawai amachdeujã ʉkham khõsi ʉkhajierramgui ajim. Magnaa ich Ayag maar kõit iekhamamua, Ya amau ʉkha nʉmgui ajim, chadcha pʉ aarmuata mʉ beejim, pʉchdeu mʉ pʉiwia.”

San Juan 20:31

Pari mʉg thum mag mʉg ẽsap gaai jaau chirʉmʉn, jãan chadcha Jesuun Ẽwandamau ich Iewaa ichdeucha jʉr auwia warrgarwe pʉiju a jaaujerrjo pʉitarrta pãrag khap amkhĩrau; mag khaphʉnaa i iek ʉkha phobaadeewai mʉg atag pawiajã i dʉi ãba ich mag khapeerkha nʉm gaaimua iiu wenʉrramkhĩir.

San Juan 3:17

Ẽwandamau mʉ pʉitarr chan, sĩi õor khaibag waupi jaaumkhĩir khaba, sĩi am peerdʉ aumkhĩirta mʉ pʉijimgui ajim irig.

San Juan 8:16

Muata õor jaau chirakhiin, sĩi mʉch appaimuata jaau chirʉm khaba aawai muan chadcha nem agchata jaaujugui ajim, ich mʉ pʉitarrauta mʉ ipierr jaau sĩewai; ajapcharan ich mʉ Ayauma.

San Juan 8:29

Ich chi mʉ pʉi sim mʉ dʉi sĩewai, mua mʉch Ayau nem khõsimpaita waaujeewai irua sĩi mʉrʉg oobamjoo aba aajemgui ajim.

San Juan 8:42

Magbaawai Jesuu magjim: —Chadcha Ẽwandamta pãar Aai akhiin, pãrau mʉjã daupii wai naakhamgui ajim, ich Ẽwandamau pʉiwiata cha pãar dʉi mag iekha oo chiraawai. Mʉ chan sĩi mʉch khĩrau beetarr khabam; mʉʉn ich Ẽwandamaucha ich aarmua pʉiwiata mʉg chitʉmgui ajim.

Romanos 8:3

Wajapcharan mʉgta ajim: Moiseeu phã pʉatarrau pod pekau jua eemua maach khaigper aubajim, mag pekau maach dʉi thaabatarr gaaimua pod mag ley ʉʉrkha auba arr aawai. Pari Ẽwandamau magbajim. Ẽwandamaun ich Iewaachata maach wounaan khĩir thegwia pʉijim. Mag ich mʉg maach chi pekaupanjo khitajieb mamʉ, bʉ̃ʉrjã pekau waubajim. Mag pʉiwia maach khaibag kõit thõopibarmua, maach gaai aju arrta warag ich Chaai gaaita ʉdʉraa mas apijim, magbarmuata jũrr mag pekau maach dʉi jua theeg sĩerrta warre jua theeg chukhu apäaig.

Gálatas 4:4

Mamʉ mag wenʉrrʉʉ awi ya Ẽwandamau ich Iewaa pʉiju ed aadeewai pʉiwi, Ẽwandamkha sĩerrta maach thumaam khʉʉn thaabatarrjo chadcha maar meeun ʉʉirau oowi, bʉ̃rʉʉ bãaumamua tagam khʉʉnjo mag Moiseeu ley deetarr ʉʉrkha khitʉmua jooipajim.

Hebreos 5:7

Cristo agtha mʉig eegar kheraawai ʉu ich meem iekcha meepiba aag jua theeg simʉg jeeu simua nem theeg ijẽjẽbkham dʉi bĩe jochkherʉmuata jeeu kherajim aajem; ajapcharan ich Ayag jeeu kherʉmuama. Mamʉ mag ich Ayau khõsimjo i ipierraa am khõchgauta ichig jeeutarr aawai ʉu Jooirau i iek ʉkhajim, deeu i phiriu athamua.

Hebreos 7:25

Maguata ich gaaimua Ẽwandam jʉr nʉm khʉʉnan, irua peerdʉ aub khaba peerdʉ auwi ich mag ich denkha wai sĩsiejem. Mag ichjã ich mag iiu sĩerraawai ich iek ʉkha nʉm khʉʉn kõitjã ich mag ichdeuta Ẽwandamag jeeu nʉrraju.

1 Juan 4:14

Mag nʉm dʉi ĩchab chi Ayau ich Iewaag õor peerdʉ aumkhĩir pʉitarrjã marau maach daúacha ootarr aawaita mag khaphʉ jaau nʉm, chadcha Ẽwandam maach dʉi khapeerkhaju aai sim õrag khap amkhĩir.