San Juan 11:41 - Wounaan Meu

⁴¹ Mag chi mok chawag pʉreupi jaautarr aawai chadcha chawag pʉreupʉijierram. Magbaawai Jesuu ʉ̃gthaag eerpanaa Ẽwandamag, —Tata, mua pʉrʉg ʉu ajim a chirʉmgui ajim, mʉg mʉchdeu jeeu chirʉm pua ʉu mʉ iek ʉkhabaawai.

Woun Meu

⁴¹ Mag chi mok chawag pʌrëupi jaautarr haawai chadcha chawag pʌrëupʌ̈ijierram. Magbaawai Jesuu hʌ̃gt'aag heerpanaa Hẽwandamag, —Tata, mua pʌrʌg hʌ̈u hajim ha chirʌmgui hajim, mʌg mʌchdëu jëeu chirʌm pua hʌ̈u mʌ hiek hʌ̈k'abaawai.

San Juan 11:41 Iomraidhean Croise

San Mateo 11:25

Ich mag jaar ĩchab ich Jesuu ich Ayag jeeumamua, —Tata, mua pʉrʉg ʉu ajim a chirʉmgui ajim anʉm, pʉchta ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia, nem thum khaphʉm khaphʉm aajem khʉʉnaujã amach peerdʉju iek khaugba arrta, jũrr pua khĩirjugdam meraa chaainjo khitheem khʉʉnagta ʉu khaugpibaawai.

San Mateo 11:26

Chadcha puata nem wajapha waaujem Tata, pʉchdeu juau am dʉi magju atarr aawai ajim aajem mag jeeumamua.

San Mateo 27:60

ag nawe ichdeu ich athee durrbʉ khõpag ee jẽbdi iiur khorpitarr ee aukherthurjim, wajapcharan ich jẽb gaaima. Magnaa mokpor pom simua chi jẽbdi i ee wajapha joothʉ pʉawia igbaadejim.

San Marcos 15:46

Magbaawai Joseeu dĩesdam per auwia, mawia, mag Jesús chi meemdam pakuls gaaim eeg jiir aunaa agua ajapha pʉreupʉijim aajem. Magnaa ag nawe jẽbdi durrbʉ khõpag ee chi khorm sĩerr ee aukherwia chi jẽbdi i ee ajapha mok por pom simua joothʉ pʉajim aajem.

San Lucas 10:21

Mag ich Jesuu pʉitarr khʉʉn deeu beewia ichig onee nem ĩgkhabaichem ũrbaawai ĩchab ich Jesujã Ẽwandam Akharau onee apijim aajem. Mag ich onee aadeewai Ẽwandamag jeeumamua magjim anʉm: —Tata, mua pʉrʉg ʉu ajim a chirʉm, pʉchta chadcha ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia nem thum khaphʉm khaphʉm aajem khʉʉnaujã amach peerdʉju iek khaugba arrta jũrr pua khĩirjugdam meraa chaainjo khitheem khʉʉnagta ʉu khaugpibaawai. Chadcha puata nem ajapha waaujem Tata ajim anʉm, pʉchdeu juau am dʉi magju atarr aawai.

San Lucas 18:13

Maagwai jũrr chi gobiernoog paar nʉm khʉʉnag jeeujemdam ich appai ag warphaa oothẽu kherʉmua agjo Ẽwandamag jeeu sĩejim aajem. Mamʉ maan, jũrr ichdeupaijã ich pekau pom khitʉm khaphʉ sĩerr aawai, gaai machgau warag eeg ʉ̃thʉnaa por jõjõikhamuata maagjeejim anʉm Ẽwandamag: “Ẽwandam, mʉch chadcha pekau pom chitʉm khap, pʉrʉg jeeu chirʉm; mʉ ap chitʉm mʉ eeg oobá” aajeejim anʉm.

San Lucas 24:2

Maimua ooimaawai, mokpor pomkhamua chi jẽbdi i ee joothʉ phãar sĩerrta chawag pʉreupʉi thʉnaajim anaabá.

San Juan 11:22

Pari mua khaphʉ ʉmgui ajim, pua Ẽwandamag jeeubaawai pʉchdeu jeeubarmpierr irua aju.

San Juan 17:1

Maimua mag jaau dichwia ʉ̃gthaag eerpanaa ich Ayag magjim: “Tata, ya ag ora pabaadem. Mʉg pʉch ipierraa chirʉm gaaimua chadcha pʉch Iewaakha chirʉm õrag khaphʉ apibá ajim, magbaawai muajã ĩchab pʉchta amag tho iekhapieg.

San Juan 20:1

Maimua mag jua ʉ̃i kheutarr noram, domighed edpherre agtha phãphãrk khitwe, María Magdalenaau i aukhertarr aar oon majim aajem. Mag mawia irua ooimaawai, chi jẽbdi i ee mokpor pom joothʉ sĩerr chawag pʉreupʉi thʉnʉm ooimajim aajem.

Hechos 7:55

Mamʉ Estebanau ich gaai Ẽwandam Akhaar phẽs wai sĩerr aawai ĩchab magʉmjã igbajim aajem. Mag nʉm ee irua ʉ̃gthaag oowai, Ẽwandamta edjã weeudʉ wejom ee ich wajaugau bʉ̃ʉmjo sim oo athajim anaabá. Maagwai i bigaau Jesuuta ĩchab ich Ẽwandamjo nem jua theeg oo dʉnʉmjã oojim aajem.

Filipenses 4:6

Pãach phithurg waauwai oob okhĩirjuu amiet. Mag khãyau warag mag pãach phithurg au wenʉrrʉm thum Ẽwandamagta jaaubapʉit, irig jeeumamua. Mamʉ mag jeeumamua ĩchab pãach iek ũurjem paarjã irig ʉu ajim abat.