San Juan 11:32 - Wounaan Meu

³² Mag beewi, Jesús aig barchewi, i bʉkhʉrr phõbkhanaa irig, —Señor, pʉ mʉig sĩerr akhiin, mʉ ẽphemkhoi mʉg dau aphʉʉ abakhamgui ajim, bĩemamua.

Woun Meu

³² Mag bëewi, Jesús haig barchëwi, hi bʌ̈k'ʌrr p'õbk'anaa hirig, —Señor, pʌ mʌig sĩerr hak'iin, mʌ hẽp'emk'öi mʌg dau hap'ʌʌ habak'amgui hajim, bĩemamua.

San Juan 11:32 Iomraidhean Croise

San Lucas 17:16

Mag beewi Jesús bʉkhʉrr phõbkha jẽbjã gaai dagau dʉrnaa, “Ʉu ajim” ajim aajem irig, ich monaautarr paar. Chi mag Jesuug ʉu ajim aan beetarr, Samariapierr ajim aajem.

San Lucas 5:8

Mag Jesús ipierraa arr gaaimuapai ãwarr pom pʉr atham oobaawai Pedro dʉi jap ãbam ee narr khʉʉnaupa, “¿Mʉʉn khanim wounta ag na mʉg ooba aajemta ãwarr pom mʉg pʉr aupibarma?” a khĩirju nʉisijim anʉm. Ich mag bʉrre Simón Pedroou Jesús bʉkhʉrr phõbkha thʉnaaimawia irig, —Señor, oob mʉ dʉi ãba nʉrram. Mʉʉn atcha pekau pooma chirʉm pʉ mʉ dʉi nʉrraag ajim anʉm.

San Lucas 8:41

Mag i barbaimam ee, woun ãb judionaan Ẽwandam iek jaaujem di thʉajem Jairo a thʉ̃r sĩerr i aig beejim aajem. Mag woun chan tag chaaijã chukhu, ãba chaai ʉʉikhaardam doce añosjo sĩerrdam appai khitʉmta ya meemaa ajim anʉm. Mag tag chaaijã chukhu ãbpai khitʉm meemaa aawaita Jesús bʉkhʉrr phõbkhanaa o bʉ̃rʉʉ aichejim anʉm, ich di aar arrwia mag ich chaai mor mas kherʉm monaaupʉimkhĩir. Mag ich aig o bʉ̃rʉʉ aicheewai, ya agʉg wetumta, warag õrau am phẽeudʉ arrmaa ajim anʉm, pod majujã khaba.

San Juan 11:2

Ich mag Lázaro ʉ̃phʉi Mariaau ajim, maach Por Jesús bʉ ʉ̃r jʉ̃gdeeu choonaa ich porbʉʉupai jʉʉupʉitarr.

San Juan 11:21

Mag beewia ya Jesús dʉi thẽubaicheewai chi Martaau irig, —Señor, pʉ mʉig sĩerr akhiin, mʉ ẽphemkhoi mʉg dau aphʉʉ abakhamgui ajim.

San Juan 11:37

Pari makhʉʉnau mag nʉm ee, agjo bigaaum khʉʉnau jũrr, —Ichta mʉig sĩerr akhiin, jãg dau khĩsu khitʉm monaautarrjo, ¿mʉg Lazarojã irua monaaubakham khai? aajeejim.

San Juan 4:49

Pari magbaawai chi thethem garmua warag irig, —Señor, mʉ ap chitʉm jopai mʉ chaai oomierrau, meeju nawe. Ya parba kherʉmta mua oo pʉabajieb ajim.

Apocalipsis 22:8

Mʉch chi Juanauchata cha mʉchdeu nem jaau dichdimam thumaa mua mʉch daúacha oowi mʉch jʉ̃gʉucha ũrjim. Mag mʉchdeucha oowi ũr dichtarr khur, mua chi Ẽwandam chog mag mʉchig nem thumaa oopitarr bʉkhʉrr kanieu phõkhabaimajim, irig jewaag awia.

Apocalipsis 5:14

Magbaawai mag khanjo ich paar sĩsidʉm khʉʉnau ĩchab amach paarmua o ãba, “Jãan chadcha ich magau” aajeejim. Makhʉʉnau magbarm dʉi ĩchab mag jooin veinticuatro narr khʉʉnaujã deeu jĩepor phõbkhanaa am wajaug tho iekhajierram amag jeeumamua.

Apocalipsis 5:8

Mag Corderodamau amach dakhĩir mag ẽsap pa gaai pʉʉrthʉ sim jeeu athaimam oobaawai mag sĩi khanjo ich paar sĩsidʉmua agjo aig jooin veinticuatro narr dʉimua sĩi i khĩirphee thʉkhokhood aphobaadejim. Makhʉʉn jooinau amachpierr arpa wai naajim, maimua jarrdam phĩr den phurii khitheemjã agjo amachpierr wai naajim. Mag jarr ee incienso ipir wai sĩsid ajim. Ma, Ẽwandam chaainkha nʉm khʉʉnau irig jeeu nʉm khʉʉn iek aajem, mag jarr ee ipir sĩsidʉm.