San Juan 11:27 - Wounaan Meu

²⁷ Magbaawai chi Martaau, —Señor, mua khaphʉ ʉmgui ajim, pʉ chadcha ich Ẽwandam Iewaau. Pʉʉta warrgarwe ich Ẽwandamau ich iek jaaumkhĩir mʉg jẽb gaai pʉiju aajerr khabahab ajim irig.

Woun Meu

²⁷ Magbaawai chi Martaau, —Señor, mua k'ap'ʌ hʌmgui hajim, pʌ chadcha hich Hẽwandam Hiewaau. Pʌʌta warrgarwe hich Hẽwandamau hich hiek jaaumk'ĩir mʌg jẽb gaai pʌ̈iju haajerr k'abahab hajim hirig.

San Juan 11:27 Iomraidhean Croise

San Mateo 11:3

i aar mawi, iita chadcha ich Ẽwandam i jaaumienau jaauwai Ẽwandamau pʉiju jaaujerrá wa ar khabam khai ich jãg nʉag a khap jeeumkhĩir.

San Mateo 16:16

Magbaawai Simón Pedroou, —Pʉ Cristo khabahab ajim irig, ich Ẽwandam Iewaa warrgarwe ichdeu jʉr auwia õor peerdʉ aumkhĩir pʉiju a jaaujerr.

San Mateo 16:20

Mamʉ Jesuu mag ich chadcha ich Ẽwandamau jʉr auwia pʉitarrkha simjã bʉ̃ʉrjã õrag jaaupiba jaaujim marag.

San Lucas 2:11

Ĩsta Belén phobor ee chaai thaababarm, warrgarwe õor thumaam khʉʉnau nʉajerr Chaai. Mʉg chaairauta mʉg atag õor peerdʉ aujugui ajim anʉm. Ichta Cristoou maach Por.

San Juan 1:49

Magbaa Natanaelau, —Maestro, pʉʉn chadchata Ẽwandam Iewaau. Pʉch khabahab ajim, israelnaan Rey marau nʉ narr.

San Juan 4:42

Mag amachdeucha Jesuu jaau sim ũrwia ʉkhatarr khʉʉnau chi ʉʉirag, —Ya ĩs chan sĩi pua jaau sim ũrwiapai khaba, maach jʉ̃gʉucha i iek ũrwiata marau ʉkha nʉmgui aajeejim. Ya chadcha marau khaphʉ nʉm, jãguata chadcha durrpierr ich iek ʉkha nʉm khʉʉn thum peerdʉ auju khabahab aajeejim jũrram khʉʉnau.

San Juan 6:14

Õor pom mag thʉnarr khʉʉnau amach daúacha Jesuu ich iiu aawai mag ag na amau mag ooba aajerrta mag waubarm oobaawai jũrr amach eepai, “Chadcha mʉg wounta ich Ẽwandamaucha ich i jaaumkhĩir jʉr auwi pʉiju a jaaujerrauwai” aajeejim.

San Juan 6:69

Maguata marau pʉ iek ʉkhajim. Maimua marau khaphʉ nʉm, pʉ chadcha Ẽwandam Iewaa pekau chukhu khitʉm khabahab ajim, ichdeu pʉiju a jaaujerr.

Hechos 8:36

Mag iyʉʉ wetumua dodam phʉʉr kherʉm aig paaukhabaimaa ich chi thethemua Felipeeg, —Kake, mʉg dodam paraa kherʉm aig nʉwe, ¿pua oowai mʉ por chooju jãg chirʉ́? ajim anʉm. [

Hechos 8:37

Magbaa Felipeeu irig, —Pua chadcha pʉch thãraucha ʉkha chirʉm khai, por chooju aaima ajim anʉm. Magbaa chi thethem garmua, —Muan chadcha thãraucha ʉkha chirʉmgui ajim anʉm. Mua khaphʉ chirʉmgui ajim anʉm, Jesuun chadcha Ẽwandam Iewaau.]

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.