San Juan 11:25 - Wounaan Meu

²⁵ Magbaawai irig Jesuu magjim: —Muata õor phiriu aunaa ich mag wai chirsiejem. Chi mʉ iekta ʉkha sim khʉʉn meewiajã deeu iiujugui ajim.

Woun Meu

²⁵ Magbaawai hirig Jesuu magjim: —Muata hõor p'iriu haunaa hich mag wai chirsiejem. Chi mʌ hiekta hʌ̈k'a sim k'ʌʌn meewiajã deeu hiiujugui hajim.

San Juan 11:25 Iomraidhean Croise

San Lucas 23:43

Magbaa Jesuu irig, —Ĩswe pʉ mʉ dʉi durr wʉjʉu durr chiraimaju ajim anaabá.

San Juan 1:4

Ichdeuta maach akhaarjã iiupi aaujem. Maagwai i gaaimuata ararag bʉʉg oo nʉmjo maadeu khaphʉ nʉm, jãga sĩerrʉ́ ich Ẽwandam chi Aaijã, mag khaphʉ apieg ich chi Iewaata thumaam khʉʉn athee õtdau paa dʉnʉmjo sĩewai.

San Juan 14:19

Nau mʉigmua jopcha pom khaba nʉm ee, mʉg jẽb gaai mʉ iek ʉkhaba nʉm khʉʉnau tag mʉ oobaju. Pari mag amau mʉ ooba awiajã pãar dʉin deeu maach oojugui ajim. Mag deeu maach oobaawaita pãrau khaphʉ ajugui ajim, pãachjã mʉchjo ich mag iiu wenʉrraju.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 3:16

’Pari magaagta Ẽwandamau oowai mʉg durr gaaim khʉʉn thum ya chi okhoomta nʉm khaphʉ arr aawai, ich garmuata am peerdʉ aum khõchgau mʉ ich Iewaa ãbpai khitʉmta am kõit thõmkhĩir pʉijimgui ajim, magbarm gaaimua chi mʉrʉgta amach peerdʉ aupi nʉm khʉʉn chan okhooba, mʉig eegarwejã ich denkhanaa ich aar oberwia ich mag ich dʉi wenʉrramkhĩir.

San Juan 3:36

Magtarr aawai chadcha chi Ẽwandam Iewaagta ich peerdʉ aupi sim khʉʉn mʉg eegarwejã ya ich denkha sĩsimgui ajim anʉm, i aar oberwia i dʉi ich mag nʉrraag. Pari Ẽwandam Iewaa iekta ʉkhaba abarm chan i aarjã oberba, warag i gaaita Ẽwandamau ich khĩir machag meeupʉijugui ajim aajem, ich Juanau ich dʉi wenʉrraajerr khʉʉnag. Magta Juan chi õor por choomieu Jesús tho iekhamajim aajem.

San Juan 5:21

Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.

San Juan 5:26

Ich jãg chi Ayaujã ichdeuta õor iiupiejemjo, ich denjo amkhĩir mʉch chi Chaairagjã agjo ich jua theeg deejimgui ajim.

San Juan 6:35

Magbaa Jesuu, —Wajapcharan mʉchpai khabahab ajim, mag pan õor iiupiejem. Mʉig eegarin par pãar thach pom biwaau khowiajã deeu jãsooju. Biwaau do dowiajã deeu obisi aju. Mamʉ chi mʉ iek ʉkhanaa mʉʉta au sim chan tag deeum igbajugui ajim, ich peerdʉ aumkhĩir.

San Juan 6:44

Chadcha ich mʉ Ayauta mʉ pʉitarr aawai ichdeuta mua õrag jaau chitʉmjã ʉkhapibam chan ni ãbmuajã pod mʉ iek ʉkhabamgui ajim. Ichdeu ʉkhapibaawai ʉkhabarm khʉʉnan chadau mʉg durr o nʉm edjã deeu mua am phiriutkha aujugui ajim.

Hechos 3:15

Mag, pãrau chadcha warag maach thumaam khʉʉn iiupiejemta thõopʉijierramgui ajim anʉm. Mag i thõopʉijierrab mamʉ, deeu Ẽwandamau i phiriu aujimgui ajim anʉm, jẽbdeg sĩerr ãba. Marau mag jaau nʉmʉn, mag pãachdeu i thõotarr khurjã maach daúacha monakha meeba arrjo nʉrrʉm oojerr aawaiugui ajim aajem Pedroou amach khĩircha.

Romanos 4:17

Irig mag iekhatarr jaauwi ich Ẽwandam iek phã sim gaai, “Pʉ mua chadcha õor durrpierram khʉʉn aaikhapiju” a sim. Mag iekhatarr Ẽwandamauta õor mee sĩsid arrjã phiriutkhanaa nem chukhu arr eejã ompaa aaujem iekta ʉkhajim Abranau.

Romanos 8:2

Pari magaagan chi Ẽwandam Akharau maach ich Cristo denkhapi athamua mag maach okhoopiju arr jua eemua peerdʉ athaawaita mag pekaúgta maach ʉ̃rpai apiba aajem.

1 Corintios 15:18

Mag i phiidʉba arr khai, magan ĩchab i iek ʉkha durrumua otarr khʉʉnjã amach pekau eepaita ich mag okhoo durrum.

1 Corintios 15:29

Mag Cristo iiu phiidʉbajim anʉmʉ magan ¿khanthee ãaur khʉʉnau jãg ya meetarr khʉʉn kõitjã amach por choopi nʉmma? Mag õor mee nʉm khʉʉn iiuba nʉm chan, ¿khanthee am kõit por choopi nʉmma?

2 Corintios 4:14

Mua khaphʉ chirʉm, Ẽwandamauta maach Por Jesús meetarrjã deeu phiriu aujim. Magtarr aawai ichdeupaita ĩchab mʉchjã Jesús phiriu autarrjo phiriu auwia pãar dʉi ãba ich sim aar maach phe arrju.

Filipenses 1:23

Khar jãguata warag thoophem numijã am khõsi aadeejem: thoophem ãb Cristo aar chiranaa, thoophem ãbmua warag i iek jaau chitaag. Mua khĩirjuawai Cristoou ich aarta mʉ aukhiin chadcha mʉ ajapcha akham.

Filipenses 3:10

Muan Ẽwandamagta warag mʉchig ajapcha Cristo khaphʉ apim khõsinaa ĩchab Cristo iiupi autarr ag jua theegta mʉchig deepim khõsi chirʉm; magbaawai mua i denjo gaai machag ãwatju aainaa ĩchab ijo thõju akhiinjã, warag thãar phĩiuwia khĩirjuba thõog.

1 Tesalonicenses 4:14

Maadeu khaphʉ nʉm Jesús meewia deeu iiu phiidʉtarr. Magtarr aawai thãraucha i iek ʉkha nʉm otarr khʉʉnjã deeu ich Ẽwandamau phiriutkha auwia ich Jesús pierrum dʉi beejujã chadcha khaphʉ aju aai nʉm.

Apocalipsis 1:18

“Mʉchpai khabahab” ajim, “ar meewi deeu iiu phiidʉtarr; magtarr cha agtha iiu chirʉm, mʉg atagjã ich mag iiu chitʉm iekhau. Mʉchdeuta khap chirʉmgui” ajim, “jãagwaichata õor meepiju, maimua mag meewaijã chijã khʉʉnta khĩmie durr wetju” a iekhamajim mʉrʉg.

Apocalipsis 20:5

Ma nacha iiu phiidʉtkha nʉm ajim. Mamʉ warm khʉʉn ar Ẽwandam iek ʉkhaba khechmarr khʉʉn chan tag iiuba, ich mag nʉisiwi, mag mil años dichdimaawaita ũwaai deeu iiu nʉisijim.

Apocalipsis 21:4

Ichdeuta thumaa wajapha am dauchojã jãrpʉpʉi aju. Mam chan tag õor meebam, õor dauhi paraajã abam. Tag chikham ʉapeperjã aba, gaai machagjã tag khaugbajugui” ajim, “ya warr nem thʉnarr thum isegpʉiwi thum chi iiur apha thʉnaawai.”

Apocalipsis 22:1

Mag oopitarr khur chi Ẽwandam chogau mʉrʉg dosĩg dau bʉ̃ʉ khitʉmjã oopijim, õor iiupiejem dosĩg. Mag dosĩg sĩi vidriojo sim Ẽwandam khu juupjem Cordero dʉi sim aarmuata ober sĩejim.

Apocalipsis 22:17

Magbaawai Ẽwandam Akharauta chi Cordero ʉʉi dʉimua, “¡Pidú!” anʉm. Maagwai pãar chi ũr nʉm khʉʉnaujã ĩchab, “Jesús, jopcha pidú” abat irig. Maimua Ẽwandam khaugam khõchgau obissi nʉmjo nʉm khai, maach peerdʉajem iek sĩi õor iiupiejem dojo simta sĩi ich jãg per aujã per auba ʉkhabat.