San Juan 11:2 - Wounaan Meu

² Ich mag Lázaro ʉ̃phʉi Mariaau ajim, maach Por Jesús bʉ ʉ̃r jʉ̃gdeeu choonaa ich porbʉʉupai jʉʉupʉitarr.

Woun Meu

² Hich mag Lázaro hʌ̃p'ʌi Mariaau hajim, maach Pör Jesús bʌ̈ hʌ̃r jʌ̃gdeeu choonaa hich pörbʌ̈ʌupai jʌʌupʌ̈itarr.

San Juan 11:2 Iomraidhean Croise

San Marcos 14:3

Mag nʉm ee Jesús Betania phobordam ee mawi woun Simón anʉm deg thach kho sĩejim aajem. Ich mag Simón ibʉʉr wauwi “phĩe paraa khitarr” a thʉ̃ʉrjeejim aajem. Maig i thach kho simta, ʉʉi ãb jʉ̃gdee didam durrkhudau alabastro anʉm den boteedidam wau khitʉm dʉi dubchejim aajem. Mag ee jʉ̃gdee narrdo anʉm den thũpaaga sim ipir aibeejim aajem. Mag jʉ̃gdee khĩir nem parhẽpag sĩerrʉm. Mag sim dʉi jua ee dubchewi, chi boteedidam o khõorpnaa, õor dakhĩir Jesús por ee choopʉijim anaabá.

San Lucas 7:13

Maimua aar barwia maach Por Jesuu khoopaa ũan ich chaai athee dau aphʉʉ kherʉm oobaawai irig, —Oob bĩem ajim anʉm.

San Lucas 7:19

Jesús aar pʉijim aajem, makhʉʉnau irig “¿Pʉʉta chadcha nawe Ẽwandam i jaaumienau beeju a jaaujerrá, wa ar khabam khai warag ich jãg nʉag?” a khap jeeumkhĩir.

San Juan 11:21

Mag beewia ya Jesús dʉi thẽubaicheewai chi Martaau irig, —Señor, pʉ mʉig sĩerr akhiin, mʉ ẽphemkhoi mʉg dau aphʉʉ abakhamgui ajim.

San Juan 11:3

Mag amach ẽphemkhoi mor machpawia warag eeg pamaawaita amach numiim khʉʉnau õor jʉr auwia ich Jesús aig pʉijierram, jawaan mamkhĩir. Magbaawai chadcha beewia, —Señor, pʉ khapkhʉʉn chi wajapham pua ʉ̃rcha iigjemjã podba kherʉmgui a jaauchejim Jesuug.

San Juan 11:32

Mag beewi, Jesús aig barchewi, i bʉkhʉrr phõbkhanaa irig, —Señor, pʉ mʉig sĩerr akhiin, mʉ ẽphemkhoi mʉg dau aphʉʉ abakhamgui ajim, bĩemamua.

San Juan 12:3

Mag nʉmta ich Lázaro ʉ̃phʉi ãbakhai María jʉ̃gdee narrdo chaar den nem parhẽpagkham dʉi dubchejim. Mag dubchewia, chigagjã igba, agua Jesús bʉ sũgnaa deeu ich porbʉʉupai jʉʉupʉijim. Mag nem thũpag sĩewai mag irua Jesús bʉ agua sũgbaadee sĩi dijã enter thʉ̃ap joisijim.

San Juan 13:13

Chadcha pãrau mʉrʉg Maestro anaa Señor aajem; pãrau mag nʉm aig agchata iekha nʉmgui ajim.

San Juan 13:14

Mag mʉ pãar Maestro anaa pãar Porkha chirʉmuata pãar bʉ mʉg ʉbarpí, pãraujã agjo jũrr chikham chogkha nʉmjo agdaujo dich khapeen bʉ ʉju aai naabahab ajim.