San Juan 11:16 - Wounaan Meu

¹⁶ Mag irua oon wettarrau abaawai maar eem ãb maar khapeer am den ibʉʉr wauwia Meís a thʉ̃ʉrjerrau, —Keena, magan maachjã i dʉi wettarrau ajim, i dʉi ãba khechimaag. Irua mag sĩerran, Judeapienau peer ich Jesús thõotarr aarta deeu ogkhaba maagpam igwiata mag sĩejim. Mag Meís anʉm, i thʉ̃r chaar Tomás ajim. Mag, chadcha Jesús mam dʉi maarjã i dʉi wetjim.

Woun Meu

¹⁶ Mag hirua hoon wëttarrau habaawai maar heem hãb maar k'apeer ham dën hibʌʌr wauwia Meís ha t'ʌ̃ʌrjerrau, —Keena, magan maachjã hi dʌ̈i wëttarrau hajim, hi dʌ̈i hãba k'ëchimaag. Hirua mag sĩerran, Judeapienau peer hich Jesús t'õotarr haarta deeu högk'aba maagpam higwiata mag sĩejim. Mag Meís hanʌm, hi t'ʌ̃r chaar Tomás hajim. Mag, chadcha Jesús mam dʌ̈i maarjã hi dʌ̈i wëtjim.

San Juan 11:16 Iomraidhean Croise

San Mateo 10:3

Felipe, Bartolomé, Tomás, Mateo, gobierno debpaar jeeumie arr, (ajapcharan mʉchma, mʉchpai ĩchab Leví aajem); Santiago, jooi Alfeo iewaa, (ichpai ĩchab Jacobo aajem); Tadeo, ichpai ĩchab Lebeo a thʉ̃ʉrjem;

San Mateo 26:35

Mamʉ Jesuu ichig magbaawai chará warag Pedroou irig, —Pʉ thõbaimam aar dʉi thõimaju awiajã mua chan pʉ khaugba chitʉm a iekhabamgui ajim. Irua magbarm dʉi maach chi khapeenaujã thumaam khʉʉnau ich mag iekhajim.

San Marcos 3:18

Andrés, Felipe, Bartolomé, Mateo, (ichpai Leví a thʉ̃r sĩejim); Tomás, Santiago, chi Alfeo iewaa, (ichpai agjo Jacobo a thʉ̃r sĩejim); Tadeo, (ichpai Judas anaa Lebeo aajeejim); Simón chi Cananista, maimua

San Lucas 22:33

Magbaawai chi Simonau irig, —Señor, mʉʉn pʉ dʉi cárcel deg mawia pʉ thõbarm aar thõimaju akhiinjã maju chirʉm; magʉmjã mʉ gaai mas khabamgui ajim anʉm.

San Lucas 6:15

Mateo, (ichpai Leví a thʉ̃r sĩejim); Tomás, Santiago, (chi Alfeo iewaa; ichpai agjo Jacobo a thʉ̃r sĩejim); Simón, (Celotenaan ee sĩerr);

San Juan 11:15

Pari ʉuta mʉ i aar khaba chirajimgui ajim. Magba akhiin nau jãg chi mee sim mua pãach dakhĩir phiriu aujujã oobakham. Mamʉ chadcha Ẽwandam jua theeg mʉ gaai sim khap amkhĩir, i aarcha oon wettarrau ajim marag.

San Juan 11:8

Magbaawai marau irig, —Maestro, ¿ĩschapai ich jamaam khʉʉnau peer pʉch mokou bar thõotarr khʉʉn aarta deeu pʉ mam ig sĩ? anaajim.

San Juan 13:37

Magbaawai deeu ich Pedrooupai irig, —Señor, pari ¿khan jãgwi ĩswe mʉ pʉ dʉi pod maju khaba chirʉ́? ajim. Pʉ gaaimuan thõju akhiinjã mʉʉn thõju chirʉmgui ajim.

San Juan 14:5

Magbaawai maar eem ãb maar khapeer Tomás aajerrau jũrr irig, —Señor, marau khaugba nʉmgui ajim, pʉ jamagta ma; mag nʉm, ¿jãga marau pʉ aar barjujã khap abarju? ajim.

San Juan 21:2

Maar maig naajim: Simón Pedro, Tomás am den i Meís a thʉ̃ʉrjerr, Natanael chi Galilea durr phobordam Caná anʉm eem, Santiago, mʉ, maimua mag tag maar khapeen agjo ich Jesús khapeen numí naajim.

Hechos 1:13

Mag wetwia phobor ee paaukhabaimaawai ʉ̃gthaa amach jẽerjem aar ãba biirdʉ nʉisijim aajem. Maig naajim aajem: Pedro, Santiago, Juan, Andrés, Felipe, Tomás, Bartolomé, Mateo, Santiago jooi Alfeo iewaa, Simón ibʉʉr wauwia Celote a thʉ̃ʉrjem, maimua Judas, woun ãb deeum agjo Santiago anʉm dʉi ãbam khʉʉn.