San Juan 11:11 - Wounaan Meu

¹¹ Maimuata sĩi awia, —Maach khapkhʉʉn Lázaro ya khãibaadem; pari mua deeu i phiriupäain majugui ajim.

Woun Meu

¹¹ Maimuata sĩi hawia, —Maach k'apk'ʌʌn Lázaro ya k'ãibaadëm; pari mua deeu hi p'iriupäain majugui hajim.

San Juan 11:11 Iomraidhean Croise

San Mateo 27:52

õor aukhertarr jẽbdipa weeudʉtkhamam ee, khechtarr khʉʉnta deeu phiidʉtkhawi iiu nʉrrjee aadejim. Mag deeu iiutarr khʉʉn ʉu wajapha Ẽwandam iek ʉkha durrumta otarr khʉʉn ajim.

San Mateo 9:24

Magbaawai amag, —¿Khantheeta jãg thʉnʉ́ma? Chaai meeba sĩita khãi sĩebahab ajim. Magnaa, Jopcha dawag ereubaadet ajim amag. Pari irua mag iekha sim ũrwia aig thʉnarr khʉʉnau warag i wau iekha naajim.

San Marcos 5:39

Magbaa ich Jesuu ierr mag am sereu thʉnʉm aar dubwia amag, —¿Khantheeta mag atcha sereu thʉnʉ́ma? ajim anʉm. Oob bĩemiet. Chaai meeba sĩi khãi kherʉm khabahab ajim anʉm amag.

San Juan 11:10

Pari maach edaarta chitaju atheen, sĩi bʉheu subaadeeu khãijã buudimajugui ajim, khĩchag ee aawai. Mag agtha ag ora khaba sĩewai araragagta chitʉmjo õrau mʉ chig abajugui ajim.

San Juan 11:12

Magbaata marau irig mag naajim: —Señor, mag khãibaadem khai, magan ʉu i khĩirdam inaa aadem. Mag khai magan ʉu por khoordʉjugui anaajim.

San Juan 11:13

Pari Jesuu mag Lázaro khãibaadem a sĩerran, maan iin ya i meebaademta jaau sim ajiebma. Pari mag simta maraun khaugba, sĩi khãai chaar khãibaademta jaau simpii naajim.

San Juan 11:3

Mag amach ẽphemkhoi mor machpawia warag eeg pamaawaita amach numiim khʉʉnau õor jʉr auwia ich Jesús aig pʉijierram, jawaan mamkhĩir. Magbaawai chadcha beewia, —Señor, pʉ khapkhʉʉn chi wajapham pua ʉ̃rcha iigjemjã podba kherʉmgui a jaauchejim Jesuug.

San Juan 3:29

Pãrau ooba aajẽ ajim anʉm, jua pʉr nʉm khʉʉnjã: chi ʉʉi dʉi nawe iek deewi simta chi jayau; pari chi mag eeu pa nʉm khʉʉn paairinkha sim dʉi am bigaau simjã ĩchab onee aajem. Maarjã ich agjota naabahab Jesús dʉi. I jãg sim aig woun ãb eeu ʉʉi au simjota sĩebahab. Magua amau jãg i aarta phẽphẽeukham aig, mʉjã dʉi ĩchab onee chirʉmgui ajim anʉm, sĩi õrag i jaau chitʉmua.

Hechos 7:60

Mag Ẽwandamag jeeu dichwia, jĩeporou jẽkhʉt phõbkhanaa thet, —Señor ajim anʉm, amau mʉ dʉi mʉg khaigba nʉm paarjã oob pua amag mʉgtarr iek eudʉ chitamgui ajim anʉm. Mag iekha khitʉm ee, warag chaaupabaadejim aajem.

1 Corintios 15:18

Mag i phiidʉba arr khai, magan ĩchab i iek ʉkha durrumua otarr khʉʉnjã amach pekau eepaita ich mag okhoo durrum.

1 Corintios 15:34

Khĩirjug khaphʉ aajeethʉ̃. Mua ũr chirʉm, mag maach meebarm chan tag phiidʉba aajem a jaaujem khʉʉn pãach eepaijã thʉnʉm anʉm; mamʉ mag thʉnʉmjã pãar bʉ̃ʉrjã chigaa khabamjota aajerram, amag iekhabanaa sĩi ũrbamjo aawai. Pãrau khaugba nʉ, chi mag nʉm khʉʉn chan Ẽwandam igar khaba, ni bʉ̃ʉrjã i khaugba naawaita mag nʉm. Magʉm khʉʉn pãach ee wai naaba warre jʉrbapʉit. Mʉch iek ũrwia khĩir naaumkhĩir ĩs chadcha mʉ mag iekha chirʉm pãrag.

1 Corintios 15:51

Pari ũrbat, ĩchab agjo cha mua pãar jʉ̃gderraa jawaagpam: ma chan pãrau bʉ̃ʉrjã ũrba aajemʉu: Maach mʉg thʉnʉm khʉʉn thumcha chan khechbaju. Pari agtha khechba naawiajã, chadcha maach chi ʉkha nʉm khʉʉn mor mʉg simʉn, ãbmiecharam trompeta sirbarm dʉi sĩi mʉg maach dau phĩrbarmjo abarm ee, warre maach thumta mor iiur wai nʉisiju. Mag trompeta tẽe abaawaita nawe khechwia jẽb ee khekhed arr khʉʉnjã deeu phiidʉtkhaju, tag khechba ich mag iiu nʉisieg. Magbarm dʉi maagwai agtha maach chi monakha durrum khʉʉnjã deeum mor chi iiurigta paapʉiju ich Ẽwandamau.

Efesios 5:14

Pari magaagan am iekhõoin, “Jãg pʉch pekau eepai khãi simjo sim daukhanpabá; chi khechamjo thʉnʉm khʉʉn eemua phiidʉbaad; Cristoouta ich denkha aunaa ich dʉita pʉ wai nʉrraju.”

1 Tesalonicenses 5:10

Ichta maach kõit ʉdʉraa ich thõopijim, magbarm gaaimua deeu ich beewai agtha iiu durrum oobaicheewai, wa meewi naawia khãijã, ĩchab ich dʉi wenʉrramkhĩir ich dʉi arraag.

Santiago 2:23

Mag ich ipierraa arr aawaita ag nawe Ẽwandamau irig, “Pua chadcha mʉ iek ʉkhabarm gaaimua pekau chukhu arrjo ʉu pʉ mua mʉch aar aub khaba auju” atarrjã par khabajim, chadcha thãraucha ich iek ʉkhatarr aawai. Magtarr aawai, Abranau mag ich chaai ĩgkhaba ichig deeju ẽkhabarm aigta õragjã khap apijim, mag par iiupai khaba thãrauchata ichdeu Ẽwandam iek ʉkha sĩerr. Mag nʉm dʉi ĩchab mag thãraucha ʉkhawia ich ipierraa arr aawaita, ich Ẽwandamaujã jooi Abrán warag ich khapeerkha aujim.