San Juan 10:8 - Wounaan Meu

⁸ Maimua chi fariseonaan khĩir iekhamamua, —Ar mʉ beeju nawe seukha amachdeupai amauta Ẽwandam iek jaau nʉm awia sĩi õor khũgurnaa amachigta ee apiejem khʉʉnan nem jĩgkhamienaugui ajim. Pari jãg oveja charau amachdeu õor khaugbam khʉʉn iek asekasba aajemjo, mʉg chadcha mʉ iek ʉkha nʉm khʉʉnau chan par am mag seukha wenʉrrajieb mamʉ, am iek asekasbajierramgui ajim.

Woun Meu

⁸ Maimua chi fariseonaan k'ĩir hiek'amamua, ’Har mʌ bëeju nawe sëuk'a hamachdëupai hamauta Hẽwandam hiek jaau nʌm hawia sĩi hõor k'ũgurnaa hamachigta hee hapiejem k'ʌʌnan nem jĩgk'amienaugui hajim. Pari jãg oveja charau hamachdëu hõor k'augbam k'ʌʌn hiek hasekasba haajemjö, mʌg chadcha mʌ hiek hʌ̈k'a nʌm k'ʌʌnau chan par ham mag sëuk'a wënʌrrajieb mamʌ, ham hiek hasekasbajierramgui hajim.

San Juan 10:8 Iomraidhean Croise

San Juan 10:1

Maimua mag iekhamamua Jesuu amag mʉg ejemplo jaaujim: —Ar oveja phãarkha thʉnʉm aar dubaag ẽkha simta puertdi garmua dubba sĩi chi thuur phʉʉrdʉ sim ʉ̃rta waaidʉ dich sim wounan, maan sĩi nem jĩgmie aawaita mag simgui ajim.

San Juan 10:27

Chadcha mʉ denkha nʉm khʉʉnaun, jãg ovejanaanau iek gaaipai amach pastor khaug aaujemjo, mʉjã khaphʉ nʉm, mʉ khai agá; maagwai mʉchdeujã mua am khaphʉ chitʉmgui ajim. Mag mʉ khaphʉ naawai mʉʉta am na dʉnʉisimʉn, amachdeujã mʉ ẽudee weetjemgui ajim.

San Juan 10:5

Pari magba jũrr õor amachdeu khaugbam khʉʉnauta am thʉ̃rchekhiin, mag dʉi chan wetba, warag parhoobata khaphig phobaadejugui ajim, i okgau. Amau amachdeu õor khaugbam khʉʉn iekjã khaphʉ aajemgui a jaaumajim Jesuu.

Hechos 5:36

Pãrau khaphʉ nʉm, ar na woun Teudas anarr agjo jãg nʉrrarr. Ich iiupain, woun thethem a jaau nʉrrajimgui ajim anʉm, ich igwia. Magbaawai õor pom cuatrocientojo i dʉi khapeerkhajierram. Mamʉ werbʉ nʉm ee warm khʉʉnau juau thõobapäaiwai mag i dʉi wenʉrrarr khʉʉn thum sĩi aaidʉwia tagjã abajierramgui ajim anʉm.