San Juan 10:6 - Wounaan Meu

⁶ Jesuu mag amag jaaumarran, jãg chi oveja thʉajemua ich nemchaain oopaar phe wai nʉrraajemjo iruajã ich iek ʉkha nʉm khʉʉn dʉi ich agjota aajem a sim ajim. Pari mag jaaumamta aig i iek ũr narr khʉʉnau pod khaug auba, sĩi oveja chaarta jaau simpii naajim.

Woun Meu

⁶ Jesuu mag hamag jaaumarran, jãg chi oveja t'ʌajemua hich nemchaain hoopaar p'ë wai nʌrraajemjö hiruajã hich hiek hʌ̈k'a nʌm k'ʌʌn dʌ̈i hich hagjöta haajem ha sim hajim. Pari mag jaaumamta haig hi hiek hũr narr k'ʌʌnau pöd k'aug hauba, sĩi oveja chaarta jaau simpii naajim.

San Juan 10:6 Iomraidhean Croise

San Mateo 13:34

Magta Jesuu nem khĩir pogkhe jaaumajim, ejemplodam deemamua. Ejemplo chuk chan õrag nem jaauba aajeejim.

San Mateo 13:51

Mag jaau dichwia ich Jesuupai maach ich dʉi wenʉrrarr khʉʉnagta, —¿Pãrau cha mua jaau chirʉm wajapha khaphʉ nʉ? a jeeujim. Magbaawai marau, —Eera, maraun khaphʉ nʉmgui anaajim.

San Marcos 4:34

Mamʉ ejemplo chuk chan mag õor pom wejomʉg bʉ̃ʉrjã nem jaauba aajeejim anaabá. Mag ejemplodamaupa nem jaaumatarrta ich khapeen dʉi amach appai aadeewain deeu wajapha amag jaaujeejim aajem, wajapcha khap amkhĩir.

San Juan 16:25

’Ĩsin mua sĩi pãrag dawaacha khaba, bigawaapaita jaau chirʉmjo chirʉmgui ajim, khaugpimaphamjo. Pari jãg nʉʉ awia ya ag ed pabaadeewai tag jãg jaauba, warre dawaata pãrag mʉch Aai igwia jaaumajugui ajim.

San Juan 16:29

Magbaawaita marau, —Ĩsin chadau pua warre dawaata jaaumabma anaajim irig, jãg sĩi khaugpimaphamjo bigawaapai khaba.

San Juan 6:52

Amach pem aawai, Jesuu mag iekhabapʉim ũrwia, deeu sereu phobaadewia amach eepai, “¿Jãga jãg simua maachig ichta pankha khopibarju?” aajeejim.

San Juan 6:60

Jesuu mag jajawagmam ũrwia õor pom i ẽudee wenʉrraajerr khʉʉn ee ãaur khʉʉnau, “Keena, mʉg wounan dau lokta nem jaau nʉrrʉm, ¿khaíu i ipierr abarju?” aajeejim.

San Juan 7:36

“¿Khan a simʉu mag maadeu i jʉrwiajã pod i sim aar chan barbaju anʉm?” aajeejim amach eepai.

San Juan 8:27

Pari mag ich Aai igwia par jajaaukhamjã pod khaugbajierram. Mag ichdeu jajaaukhamjã khaugba abaawaita

San Juan 8:43

Mag ijẽjẽbagmamua ich Jesuupai amag, Mua khaphʉ chirʉmgui ajim, jãgwi pãrau pod mua jaau chitʉm iek khaugba nʉ. Jãg khaugba nʉmʉn, pãachdeu ũrmaphamjo ũr naawaiugui ajim.

1 Corintios 2:14

Mamʉ ar chi Ẽwandam Akhaar ich thãar ee chukhu sim khʉʉu chan pod Ẽwandam Akharau nem jaau sim khaugbam. Mag simua Ẽwandam Akharau nem jaaupi sim ũurwain, sĩi nem parhooba lokoo jaau nʉmjota ũurjem. Mag simua chan, sĩi ich Ẽwandam Akharaupaita khaugpiejeewai, pod ich khĩraupai chan khaugbam.

2 Pedro 2:22

Jãgʉm khʉʉnan, õrau jaaujem iekhõoin, saakiu ich chʉgappaita deeu khobaimamjo nʉm. Wa magbam khai, khũs ajapha domeerpinaa sĩubarm bʉrre deeu ich khathajemeerjem ee pʉʉrbaba khabaimamjota sĩsidʉm, Ẽwandam iekta isegwi warr amachdeu nem khaigbam waaujerr eeta deeu nʉisiewai.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.