San Juan 10:4 - Wounaan Meu

⁴ ya thum daau paaukhabaadeewai, am na dʉnʉisie amachdeujã i ẽudee weetjemgui ajim, ya amach ich mag phe wai nʉrraajem dʉi aawai.

Woun Meu

⁴ ya t'um daau paauk'abaadeewai, ham na dʌnʌisie hamachdëujã hi hẽudee weetjemgui hajim, ya hamach hich mag p'ë wai nʌrraajem dʌ̈i haawai.

San Juan 10:4 Iomraidhean Croise

San Mateo 16:24

Maimua ichdeupai jũrr maach thumaam khʉʉnagta, —Chadcha pãrau mʉ iek pãach thãraucha ʉkha nʉm khai, magan mua nem waupi jaau chirʉm appaita waubat, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau pãach dau aphʉʉ thõoju khĩirjuwia khãijã magʉmjã igba waragta ʉkhanaat ajim.

San Juan 10:16

Pari agjo deeum khʉʉn thʉnʉmgui ajim, mʉg israelnaan khabam khʉʉn. Makhʉʉnjã mua ãbamʉg jʉr phe aujugui ajim, amaujã mʉ iek ũrbaawai ʉkhamkhĩir. Mag, israelnaan dʉi pap ãbam denkha nʉisiewai mʉchta am Pastorkha chitajugui ajim, amach thum ãba thʉa wai chitaag.

San Juan 10:27

Chadcha mʉ denkha nʉm khʉʉnaun, jãg ovejanaanau iek gaaipai amach pastor khaug aaujemjo, mʉjã khaphʉ nʉm, mʉ khai agá; maagwai mʉchdeujã mua am khaphʉ chitʉmgui ajim. Mag mʉ khaphʉ naawai mʉʉta am na dʉnʉisimʉn, amachdeujã mʉ ẽudee weetjemgui ajim.

San Juan 10:3

Magʉg mag chi oveja ierr phãarkha thʉnʉm puertdi aig simuajã ʉdʉraa dubpijugui ajim. Mag dubwi chi pastor amach oo phe wai nʉrraajemua aawai amach thʉ̃r gaai thʉ̃rbaimaawai amachdeujã i khaug aaujerram. Mag warag dawag phe arrwia

San Juan 10:5

Pari magba jũrr õor amachdeu khaugbam khʉʉnauta am thʉ̃rchekhiin, mag dʉi chan wetba, warag parhoobata khaphig phobaadejugui ajim, i okgau. Amau amachdeu õor khaugbam khʉʉn iekjã khaphʉ aajemgui a jaaumajim Jesuu.

San Juan 10:8

Maimua chi fariseonaan khĩir iekhamamua, —Ar mʉ beeju nawe seukha amachdeupai amauta Ẽwandam iek jaau nʉm awia sĩi õor khũgurnaa amachigta ee apiejem khʉʉnan nem jĩgkhamienaugui ajim. Pari jãg oveja charau amachdeu õor khaugbam khʉʉn iek asekasba aajemjo, mʉg chadcha mʉ iek ʉkha nʉm khʉʉnau chan par am mag seukha wenʉrrajieb mamʉ, am iek asekasbajierramgui ajim.

San Juan 12:26

Maimua ĩchab chi chadcha mʉ chogkhanaa mʉ dʉi nʉrram khõsi simʉn, ichdeu khõchagpierr nem wauba, mʉchdeu nem waupim khõsimpaita wau nʉrraju aai sim. Mag amʉn magan am wenʉrrʉmpierr mʉchjã am dʉi chitajugui ajim. Ãbmua magta mʉ chogkha nem wau nʉrrʉmʉn, mʉ Ayaujã ich khĩircha i tho iekhajugui ajim.

San Juan 13:15

Mʉg pãar bʉ ʉbarmua mua pãrag ejemplota dee chirʉmgui ajim, pãragjã mʉch denjo amkhĩir.

San Juan 18:37

I mag iekhabarm ũrbaawai chi Pilatoou irig, —¿Magan pʉʉn chadcha reipamá? ajim anʉm. Magbaawai Jesuu, —Pua khabá khaphʉ jaaubapʉim; mʉ chadcha Reiu ajim aajem. Mʉ mʉg durr gaai parhoobam chaaidamjo thaabachetarran, mʉ Ayau chadcharam iek jaaupi sim jawaanta beejim. Maagwai thum mag chadcharam iek ʉkham khõsi ʉkha nʉm khʉʉnaun mʉ iek ũrm khõsi ũurjemgui ajim aajem Jesuu.

San Juan 3:29

Pãrau ooba aajẽ ajim anʉm, jua pʉr nʉm khʉʉnjã: chi ʉʉi dʉi nawe iek deewi simta chi jayau; pari chi mag eeu pa nʉm khʉʉn paairinkha sim dʉi am bigaau simjã ĩchab onee aajem. Maarjã ich agjota naabahab Jesús dʉi. I jãg sim aig woun ãb eeu ʉʉi au simjota sĩebahab. Magua amau jãg i aarta phẽphẽeukham aig, mʉjã dʉi ĩchab onee chirʉmgui ajim anʉm, sĩi õrag i jaau chitʉmua.

1 Corintios 11:1

Keena, pãrau oowai mua jãg ãba Cristoou nem waupi simpaita wau chitʉmjo, ich agjo pãraujã mua nem wau chitʉm oonaa mʉ denjota abat.

Efesios 5:1

Ich Ẽwandamau ich garmuajã chadcha pãar ich chaain jãsene aajeewai ichdeu pãach dʉi aajemjota abat pãachdeujã pãach khapeen dʉi.

Hebreos 12:2

ãba Jesús gaaita dich khĩirjug sĩuju aai nʉm. Ichdeuta warrjã ʉu maachig Ẽwandam iekjã ʉkhapiwi mʉg atagjã parta ʉkha naajim apibaju, ich Ẽwandamau maach dʉi wauju jaautarr thum chadcha oopiju aawai. Ich Jesuuta chi khaigbacharam khʉʉnjo pakuls gaai ʉdʉraa ich thõopibajieb, chigagjã igba, mag ich thõopibarmua õor peerdʉ athaawai ichpa onee ich mag sĩerraju khaphʉ sĩerr aawai. Ichta ĩchab ich Aai jup sim khu juupjem gaai dʉi i juachaar garcha ãba jupimawi ich mag sĩerrʉm.

1 Pedro 2:21

Ich Cristooucha jaauwaijã, ichdeucha ich athee jʉr aumam khʉʉnan ichiita chikhamnau dau aug waub khaba dau aug wauju aajem, ich jãg ichjã maach kõit dau aphʉʉ arrjo. Wajapcharan mag chikhamnau dau aug waauwai jãga aju aai nʉ a khap amkhĩirta maachjo wounag pawi ichta nacha aphʉʉ ajim.

1 Pedro 4:1

Mag, Cristojã maach gaaimua õrau mas wautarr aawai pãarjã agjo i gaaimua dau aphʉʉ aag magʉm abaju aai nʉm. Cristo gaaimua dau aug wau nʉmjã magʉm aba, waragta i ipierraa jʉmpʉpʉikhamʉn, pekaujã maach dʉi jua theeg chukhuta aadeejem,

1 Pedro 5:3

Pãachta chi pornaan awi sĩi amagpaita nem jajaau aba, pãachdeuta nacha audʉdʉ abat, amachig nem jaauwaijã dʉi khõsi waumkhĩir.