San Juan 10:32 - Wounaan Meu

³² Pari mag nʉm ee Jesuu amag magjim: —Mʉ Ayau ich jua theeg mʉrʉg deetarrau mua chadcha pãar dakhĩir nem wajapham pom khĩir pogkhe wauwia chirʉm. Pari mag nem khĩir pogkhe wautarr ee, ¿chijãg gaaimuata pãrau mʉ mokou barm ig nʉ? ajim.

Woun Meu

³² Pari mag nʌm hee Jesuu hamag magjim: —Mʌ Hayau hich jua t'eeg mʌrʌg deetarrau mua chadcha pãar dak'ĩir nem wajap'am pöm k'ĩir pogk'e wauwia chirʌm. Pari mag nem k'ĩir pogk'e wautarr hee, ¿chijãg gaaimuata pãrau mʌ mokou barm hig nʌ? hajim.

San Juan 10:32 Iomraidhean Croise

San Mateo 11:5

Irig, “Dau khaugba khekhed arr khʉʉn dau wajapha thʉnʉm” abat. “Bʉ wedʉ wedʉ sĩsid arr khʉʉnjã ya wajapha nʉrrjeem. Kach khĩsu sĩsid arr khʉʉnjã wajapha ũr sĩsidʉm. Chi meem arr khʉʉnjã deeu iiu nʉrrjeem, maimua aphʉʉm khʉʉnagjã ĩchab õor peerdʉajem iek jaau chirʉm” a jaaubaimat ajim.

San Juan 10:25

Magbaawai ich Jesuu amag, —Mua khabá ya pãrag jaaubarm, pari pãrau ʉkhamapha nʉmgui ajim. Mʉ Ayau mʉchig waupitarrjo wau chitʉm oo nʉm gaaimua pãrau khaphʉ aju aai nʉm, mʉ chadcha ichdeu pʉitarr.

San Juan 10:31

Amachig magbaawai chará chi judionaan ũwaai sereu phobaadewi deeu i mokou barm ig naajim.

San Juan 10:33

Magbaawai chi judionaan chi pornaanau, —Marau chan mag pua nem wajapha waaujem gaaimuata pʉ mokou baraagpam aba nʉm. Marau chadcha pʉ mokou barm ig nʉmʉn, pʉch iek gaaimuapaita pʉ barm ig nʉmgui ajierram irig, mʉg maach ãba thum agdaujopai thʉnʉmta pʉ iek mag pʉʉn Ẽwandamau anaawai.

San Juan 10:37

Pãachdeu oowai mua mʉch Ayau nem waaujem khĩir waubata chirʉm khai, magan oob mʉ iek ʉkhamiet ajim.

San Juan 5:36

Pari Juanau sĩi idamaupai jaau nʉrraajerr khãai mua wajapcharam wai chirʉmgui ajim, aguata Ẽwandamau mʉch pʉijim a khap apieg. Ma, õrau ag na nem mag ooba aajem waaujem ag jua theegaugui ajim. Mag jua theegau mʉ Ayau nem khĩir pogkhe waupi jaautarr aawai, õor dakhĩir mag waauwai, chadcha ichdeuta mʉ pʉijim a jaau sim khabahab ajim.

Hechos 10:38

Pãrau khaphʉ nʉmgui ajim anʉm ĩchab, jãga Ẽwandamau Jesús Nazaretpierr gaai ich Akhaar phẽs deewi ich juapajã deejĩ, maimua jãga mag juapaau õor mepeer jua ee sĩsid arrjã peerdʉ aunaa ich nʉrrʉmpierr nem ajapha wau nʉrrajĩ, Ẽwandam i nʉrrʉm dʉi sĩerr aawai.

Hechos 2:22

Pedroou mag Ẽwandam iek phã pʉarr jaau dichwia, ĩchab ijẽjẽbkhamua, —Keena israelnaan, cha mua iekhaagpam ajapha ũrbat ajim anʉm. Pãrau khaphʉ nʉmgui ajim anʉm, Jesús Nazaretpierrta ich Ẽwandamaucha pʉitarr aawai pãach ee ag na nem mag ooba aajerr irua wau nʉrraajerr gaaimuata Ẽwandamau pãrag ich jua theeg oopijim.

1 Juan 3:12

Magua maach chan pod Caínjo khaibag aju khaba nʉm. Cainau mepeer igarta sĩerr aawai ich eeum thõopʉijim. ¿Khan jãgwi irua mag ich eeum thõojĩ? Ichdeu nem khaigba wau sim daar ich eeumua ich khãai nem wajapha wau sim Ẽwandamaujã wajapha oo sĩerr gaaimuama.