San Juan 10:28 - Wounaan Meu

²⁸ Magbaawai mʉchdeuta mʉch Aai aar am oberju aai apiejem, tag okhooba sĩi i chaainkha ich mag wenʉrramkhĩir. Ya magbarm chan ni ãbmuajã mʉ jua eem khechthʉg aubamgui ajim.

Woun Meu

²⁸ Magbaawai mʌchdëuta mʌch Haai haar ham höbërju haai hapiejem, tag hok'ooba sĩi hi chaaink'a hich mag wënʌrramk'ĩir. Ya magbarm chan ni hãbmuajã mʌ jua heem k'echt'ʌg haubamgui hajim.

San Juan 10:28 Iomraidhean Croise

San Marcos 13:22

Mua mag chirʉmʉn amach iiupai amta Ẽwandamau pʉijim anʉm khʉʉn dʉi Ẽwandam i jaaumien anʉm khʉʉnjã sĩi seukha chikham khũgur wenʉrraju aawaita mag chirʉmgui ajim anʉm, khap amkhĩir. Makhʉʉnaun chadcha Ẽwandamauta amach pʉijim amkhĩir, ag na õrau nem ooba aajempa õor dauderraa wau wenʉrraju. Mag nem wau wenʉrrʉmua ich Ẽwandamaucha jʉr auwi ich iek ʉkhapi autarr khʉʉnpa khũgur ẽkhajugui ajim anʉm.

San Lucas 23:46

Mag edau khĩbaadeewai Jesuu thet, —¡Tata! Nau mʉ chaaupabaadeewai puata mʉ akhaardam khap chirʉmgui ajim anʉm. Mag iekha khitʉm ee warag maach chaaupabaadejim aajem.

San Juan 10:29

Mʉ Aai ichta thumaam khʉʉn khãaijã ʉ̃rpai sĩerrʉmuata mʉrʉg makhʉʉn deejimgui ajim. Mag ichta ʉ̃rpai sĩerrʉmua deetarr aawai ãbmuajã i jua eemjã pod khecheubamgui ajim.

San Juan 11:25

Magbaawai irig Jesuu magjim: —Muata õor phiriu aunaa ich mag wai chirsiejem. Chi mʉ iekta ʉkha sim khʉʉn meewiajã deeu iiujugui ajim.

San Juan 14:19

Nau mʉigmua jopcha pom khaba nʉm ee, mʉg jẽb gaai mʉ iek ʉkhaba nʉm khʉʉnau tag mʉ oobaju. Pari mag amau mʉ ooba awiajã pãar dʉin deeu maach oojugui ajim. Mag deeu maach oobaawaita pãrau khaphʉ ajugui ajim, pãachjã mʉchjo ich mag iiu wenʉrraju.

San Juan 17:2

Mʉ pʉch Iewaa aawai pʉchdeuta mʉrʉg mʉg durr gaai thumaam khʉʉn khãaijã iek theeg ʉ̃rpai apinaa, pʉchdeu mʉch iek ʉkhapimam khʉʉnjã ĩchab mʉch dʉi ich mag wenʉrraju aai apieg ʉu pua mʉrʉg pʉch jua theegjã deejimgui ajim.

San Juan 18:9

Jesuu mag “Ideu mʉ khapeen wetpibat” atarran, ag nawe ichdeu maar igwia, “Tata, pʉchdeu mʉ iek ʉkhapitarr khʉʉn chan ãbjã okhooba abarm” atarr aawai ajim, maar eem khʉʉn ãbjã chig am ugua.

San Juan 3:36

Magtarr aawai chadcha chi Ẽwandam Iewaagta ich peerdʉ aupi sim khʉʉn mʉg eegarwejã ya ich denkha sĩsimgui ajim anʉm, i aar oberwia i dʉi ich mag nʉrraag. Pari Ẽwandam Iewaa iekta ʉkhaba abarm chan i aarjã oberba, warag i gaaita Ẽwandamau ich khĩir machag meeupʉijugui ajim aajem, ich Juanau ich dʉi wenʉrraajerr khʉʉnag. Magta Juan chi õor por choomieu Jesús tho iekhamajim aajem.

San Juan 4:14

Pari mua dee chirʉm do khĩirta do nʉm khʉʉn chan bʉ̃ʉrjã obichag chukhu ich mag wenʉrraju. Mag amachdeu dobarmpaita am mor ee ich mag khumdʉ ober sĩsimjo sĩejugui ajim aajem, ich mag Ẽwandam denkha nʉisieg.

San Juan 5:24

’Mʉ cha iekha chirʉm iekhau chi mʉg mua jaau chitʉm iekta ũrwia ʉkha simuan Ẽwandam iekta ʉkha simgui ajim, chadcha ichdeuta mʉ pʉiwia mag ich iek jaaupitarr aawai. Mag ʉkhabarm wounan Ẽwandamau ya ich denkha auwia ich mag i dʉi sĩsim iekhau. Magbarm woun gaai Ẽwandamau ichdeu õor i agkha nʉm edjã mas abajugui ajim, warr ich khaibag eepai chi thõmjo sĩerrta ich mag iiu nʉrraag ya chi peerdʉm aawai.

San Juan 6:27

Jãg sĩi biwaau thach khom khõchgaupai mʉ ẽudee ẽkha wenʉrraju khãyau, tag bʉ̃ʉrjã jãsoo apiba ich mag pãach iiupiejem pan khĩirta athat ajim amag. Mʉch chi Emkhooi Iewaauta mag pan pãar athee wai chirʉm. Mʉch Aai Ẽwandamau pãrau ag na mag nem ooba aajem waumkhĩir juapá deetarrauta nem waaujeewai pãrau mʉ iek ʉkhanaa ichdeuta mʉ pʉitarrjã khaphʉ aju aai nʉmgui ajim.

San Juan 6:37

Thum mʉ Ayau mʉ iek ʉkhapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.

San Juan 6:47

Magnaa, Mua mag chirʉmgui ajim: Chi mʉ iek ich thãraucha ʉkha simʉn mʉg atagjã ich mag Ẽwandam denkha sĩsim iekhau.

San Juan 6:68

Magbaawai Simón Pedroou irig, —Señor, mag wetwiajã, ¿khai aar maar ereubaadeju? Ãba pʉchdeupaita õor iiupiejem iek wai sĩebahab ajim.

Hechos 7:59

Jũrram khʉʉnau mag ich mokou bar wai nʉm ee, chi Estebanau warag Ẽwandamag jeeu khitʉmua, —Jesús, chadcha pʉʉta mʉ Porou. Nau mʉ thõbaadeewai mʉ akhaardam pʉch aar athá ajim anaabá.

Romanos 5:17

Iin chadcha ãbpaimua mag pekau paarpatarr aigmua ich chi pekauta nem jua theeg sĩsijim, ichdeuta õor thum dajẽk aag. Pari Ẽwandamta ag khãai jua theegcha sĩerraawai agjo woun ãb mag pekau paar maach kõit ʉdʉraa ich thõopitarr gaaimua magʉm thum podpʉiwia, õorjã wajaug paawia pekau chukhu arrjo apäaijem, ajapcharan Jesucristo gaaimuama. Mag ich thõopitarran, mag ʉdʉraa amach wajaug paapi nʉm khʉʉnta ich denjo nem khaigbamjã thum podpäaijem khʉʉnkha wenʉrramkhĩir ajim.

Romanos 5:2

I gaaimuata ĩchab Ẽwandamaujã maach dʉi wajapha aajem, i iek thãraucha ʉkhaawai. Mag nʉm gaaimua ĩchab onee nʉm, ich mag wajaug sĩerrʉm dʉita wenʉrraju khĩirju naawai.

Romanos 5:21

Warr jãg pekau õor meepieg ichta jua theeg ʉ̃rpai sĩerrjo, ĩsjã ĩchab Ẽwandam jua theegta jũrr ag khãaijã ʉ̃rpai sim, maach Por Jesucristo gaaimua mag maach pekau pom narrta chugpaapʉiwia jũrr ich dʉita ich mag i denkha wenʉrramkhĩir.

Romanos 5:9

Mag, maach khaigba narrjã igba Cristo maach kõit meetarr gaaimua ya i dʉi kulp chukhu naawaita, i gaaimuata ĩchab Ẽwandamau maach i agkham ed maach gaai ich khĩir machag meeuju arrjã ʉu maach jua khʉapʉiju, ya bʉ̃ʉrjã pekau chukhu arrjo naawai.

Romanos 6:23

Pekau chogkha nʉmjo nʉmuan sĩi warag maach okhoom iekta okhoopiejem. Pari jũrr Ẽwandamau ich chogkha wenʉrrʉm paar maachig deeju jaau simʉn, ʉ̃gthar pawiajã ich mag ich dʉi phe wai sĩsijuuta jaau sim, maach Por Jesucristo dʉi õor ãbpaimjo naawai.

Romanos 8:1

Mamʉ ʉu magba, maach ya Jesucristo iek ʉkhawi ich denkha nʉm khʉʉnau chan tag pekaúgta ich mag ʉdʉʉr dich ʉ̃rpai apiju khaba nʉm, mag pekau waaujerr paarjã okhoopimaaugau ya maach ich denkha naawai.

Romanos 8:29

Mag ichdeu maach thʉ̃rkha auju nawe, agtha mʉg durr gaai õor chukhu nʉwe, ichdeun ich iek ʉkhaju khʉʉn khaphʉ arr aawai, makhʉʉnta ich Chaai wajapha khitʉmjota wajaug paapʉiju aadejim, magbarm gaaimua ich Chaaita ewag pawiajã wajaug paakhabarm khʉʉn ag naam chi jooikha sĩsimkhĩir.

Filipenses 1:6

Mua khaphʉ chirʉm, ichdeu jãg pãar thãar chi iiurig paapʉitarrjo ichdeuta warag pãar khĩirjugjã bãaupiju, Jesucristo bee nʉm ora ich phidag waumkhĩir.

2 Tesalonicenses 2:13

Khodamnaan maach Por Jesuu kha khõsim khʉʉn, ichiita marau pãar gaaimua Ẽwandamag ʉu ajim aju aai nʉm. ¿Khan jãgwi? Pãachta jãig Tesalónica phobor ee chi nacha Ẽwandamau jʉr autarr khʉʉn aawaima. Magnaa ĩchab ich Ẽwandam Akhaar maachig nem wajapha waupiejem dʉimua pãachdeu ʉkhatarr gaaimuapa pãachta nacha peerdʉwi naawaima.

1 Timoteo 1:16

Mamʉ mag mʉchta atcha nem khaibag chitarr aawaita Ẽwandamau warag mʉ dau aug khaugam khõsi dau aug khaugjim, mʉ magbarm gaaimua thumaam khʉʉn nem khaibag sĩsid awiajã magʉm igba, Ẽwandamau amagjã “Mua pãar mʉchig beeta oo chirʉm pãar peerdʉ awaag” a sim khap amkhĩir. Magua ewag pawiajã amau mʉ denjo ʉkhamʉn, ʉu peerdʉ nʉisiewai Cristo dʉi amach ich mag nʉisiju khap aju.

2 Timoteo 1:12

Magtarr aawai mag iek jaau chitʉm gaaimuata chadcha mʉg mʉ phithur da aphʉʉ chitaajem. Mag chitab mamʉ jãgʉm iek gaaimuata mʉʉn wajappha khĩir naau chitaajemjã aba chitʉm. Mua khaphʉ chirʉm, khai iekta mʉchdeu ʉkha chirʉ́. Mag ãba Ẽwandam iekta mʉchdeu ʉkha chiraawai i jua theeg simjã mua khaphʉ chirʉm. Maagwai ich aar mʉch thʉ̃r nʉm ora mʉch thʉa wai nʉrrajujã khaphʉ chirʉm.

Hebreos 7:25

Maguata ich gaaimua Ẽwandam jʉr nʉm khʉʉnan, irua peerdʉ aub khaba peerdʉ auwi ich mag ich denkha wai sĩsiejem. Mag ichjã ich mag iiu sĩerraawai ich iek ʉkha nʉm khʉʉn kõitjã ich mag ichdeuta Ẽwandamag jeeu nʉrraju.

1 Pedro 1:5

Pãraujã pãach thãrauchata Ẽwandam iek ʉkha naawai irua ich jua theegauta pãar thʉa wai sĩeju, mʉg atag deeu Cristo beewi maach ich aarcha phe arr nʉm ora. Mag pãar phe athaadem edta pãachdeu nem ajapham paarpaju khĩirjuajerrjã thumaa chadcha pãrau wai nʉisiju.

1 Juan 1:2

Mag ichdeuta õor Ẽwandam aar obeerpiwia ich mag iiupiejemʉn warrgarwejã ich Aai dʉita sĩejeejim; pari magtarrta dau daaucha ich oopien beewia marau maach daúachata i ootarr aawai maachdeu ootarrta jaau nʉm.

1 Juan 2:19

Pari jãg nʉrrjeem khʉʉnan maach eem arr khʉʉnpaita ĩs jãg Cristo igar khaba iekha nʉrrjeem; mag maach eem khʉʉn ajieb mamʉ, am chadcha maachjo Cristo den khabajierram. Am chadcha maachjo Cristo den arr akhiin agtha maach dʉi ogdʉba wenʉrrakham. Pari juaujo ich Ẽwandamau jãgpi simʉn, jãan maach ee maach khapeen anʉm khʉʉnjã chadcha Cristo den chaar khaba nʉmta jãg nʉrrjeemjã merag chukhu khap amkhĩrau.

1 Juan 2:25

Ich Cristooucha jaauwaijã maachin ich dʉita ich mag phe wai nʉrraju a jaaujim.

1 Juan 5:11

Mag irua maachig jaau sim iekhan, maach ich denkha auwia ich mag ich dʉi wenʉrrapijuuta jaau sim; pari mag i denkhanaa i dʉi ich mag wenʉrrajuun, ãba ich Ẽwandam Iewaa gaaimuapaiu.

Judas 1:1

Mʉʉn Judaau, Jesucristo chog; mʉchpaiu Santiago eeum. Muata pãrag mʉg ẽsap phã chirʉm, pãar ar ich Ẽwandamaujã khõsinaa ich iek ʉkhamkhĩir ichdeucha thʉ̃r autarr khʉʉn aawai Jesucristoou thʉa wai sĩejem khʉʉnag.

Judas 1:21

Ẽwandamau pãach khõsi sim khap nem wajapha wau nʉm gaaimua ich jãg pãach daupiita phe wai nʉrrapibat irig. Mag nʉmua ãba deeu maach Por Jesucristo beeju edta nʉbat; mag ich pierrwaita maach dau aug khaugwi ichjo ich mag tag meejã meeba ich dʉi phe wai sĩsiju.

Judas 1:24

Pari pãar chadcha maach Ẽwandam ãbpai khitʉm den aawai oob khĩirjumiet. Ichdeuta maach Por Jesucristo gaaimua maach peerdʉ auwia, ich jua theegauta maach pekau ee burrpiba thʉanaa, maach i agkham edjã oneeta bʉ̃ʉrjã pekau chukhu phe auju, ich mag ich dʉi naamkhĩir.