San Juan 10:27 - Wounaan Meu

²⁷ Chadcha mʉ denkha nʉm khʉʉnaun, jãg ovejanaanau iek gaaipai amach pastor khaug aaujemjo, mʉjã khaphʉ nʉm, mʉ khai agá; maagwai mʉchdeujã mua am khaphʉ chitʉmgui ajim. Mag mʉ khaphʉ naawai mʉʉta am na dʉnʉisimʉn, amachdeujã mʉ ẽudee weetjemgui ajim.

Woun Meu

²⁷ Chadcha mʌ dënk'a nʌm k'ʌʌnaun, jãg ovejanaanau hiek gaaipai hamach pastor k'aug haaujemjö, mʌjã k'ap'ʌ nʌm, mʌ k'ai hagá; maagwai mʌchdëujã mua ham k'ap'ʌ chitʌmgui hajim. Mag mʌ k'ap'ʌ naawai mʌʌta ham na dʌnʌisimʌn, hamachdëujã mʌ hẽudee weetjemgui hajim.

San Juan 10:27 Iomraidhean Croise

San Mateo 16:24

Maimua ichdeupai jũrr maach thumaam khʉʉnagta, —Chadcha pãrau mʉ iek pãach thãraucha ʉkha nʉm khai, magan mua nem waupi jaau chirʉm appaita waubat, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau pãach dau aphʉʉ thõoju khĩirjuwia khãijã magʉmjã igba waragta ʉkhanaat ajim.

San Mateo 17:5

Mamʉ Pedro mag iekha dʉnʉm ee, jʉʉnthumie baug beewi am joodʉ athaichejim anaabá. Magbarm ee mag chi jʉʉnthumie eemuata woun iekjo, “Chamʉʉta mʉ Iewaa mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua nem jaau simta ipierraa abat” a iekhabarm ũrjierram anʉm.

San Mateo 25:12

Pari magbaawai chi emkhooirau, “Mua pãar khaugba chitʉm. Mua dubpibamgui” ajim anʉm.

San Mateo 7:23

Pari magbaawai mua amag, “Mua chan bʉ̃ʉrjã pãar khaugba chitʉm. Pãach sĩi pãach khõchagpierr nem khaigbampai wau sĩerrjee arr khap, pãade warag pãachta mʉ aigmua ereubaadet” aju a jaaumajim anʉm, ich Jesuu.

San Marcos 10:21

Mag wounau mag iekhabaawai Jesuu i dau ee aug khaug paraa eerpanaa irig, —Mamʉ agtha pua nem khĩir ãb wauju waaur wai sĩebahab ajim anʉm. Pʉch diig mawia, nem thum pʉchdeu wai sim perkhʉʉipʉinaa, mag phatkhon jũrr dau aphʉʉ khitheem khʉʉnag thum jigbapʉi ajim anaabá. Maimuan chadau mʉ ẽudee pidú ajim anʉm, chadcha mʉ dʉi chitam khõsi chirʉm khai. Pua magmʉn ʉ̃gthar pawiajã bʉ̃ʉrjã augcheba phatkhon khãai nem ajapham pomta wai chirsijugui ajim anʉm irig.

San Marcos 8:34

Magwia Jesuu ich aig õor thʉnarr khʉʉn dʉi ich khapeenpa ãba thʉ̃rkha aunaa magjim anʉm: —Chadcha pãrau mʉ iek pãach thãraucha ʉkha nʉm khai, ed eepierr magan mua nem waupi jaau chirʉm appaita waubat ajim anʉm, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau dau aphʉʉ pãach thõoju khĩirjuwia khãijã, magʉmjã igba, waragta ʉkhanaat ajim anʉm.

San Lucas 13:27

Mamʉ magbaawai irua ĩchab pãrag magju: “Ya mua pãrag jaaubarm. Mua chan tag pãar khaugbam. Pãach sĩi nem khaigbam appai wau wenʉrraajerr khap, pãadeu warag pãachta mʉ aigmua chawag ereubaadet” a iekhajugui ajim anʉm, Ẽwandamau pãrag.

San Lucas 9:23

Maimua thumaam khʉʉnag eerpa eerpanaa, —Chadcha pãrau mʉ iek pãach thãraucha ʉkha nʉm khai, magan mua nem waupi jaau chirʉm appaita waubat ajim anʉm, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau pãach dau aphʉʉ thõoju khĩirjuwia khãijã magʉm igba, waragta ʉkhanaat.

San Juan 10:14

Maimua mag iekhamamua deeu ichdeupai, —Mʉʉta Pastor chaar chi wajapcharamʉugui ajim ich igwia. Ich jãg mʉ Ayau wajapha mʉch khaphʉnaa muajã mʉch Aai khaphʉ chitʉmjo, mʉch igar nʉm khʉʉnjã mua khaphʉ chitʉm; maagwai amachdeujã mʉ khaphʉ aajemgui ajim. Chadcha mʉch den aawai mua am kõit ʉdʉraa mʉch thõopijugui ajim, am peerdʉ awaag.

San Juan 10:16

Pari agjo deeum khʉʉn thʉnʉmgui ajim, mʉg israelnaan khabam khʉʉn. Makhʉʉnjã mua ãbamʉg jʉr phe aujugui ajim, amaujã mʉ iek ũrbaawai ʉkhamkhĩir. Mag, israelnaan dʉi pap ãbam denkha nʉisiewai mʉchta am Pastorkha chitajugui ajim, amach thum ãba thʉa wai chitaag.

San Juan 10:8

Maimua chi fariseonaan khĩir iekhamamua, —Ar mʉ beeju nawe seukha amachdeupai amauta Ẽwandam iek jaau nʉm awia sĩi õor khũgurnaa amachigta ee apiejem khʉʉnan nem jĩgkhamienaugui ajim. Pari jãg oveja charau amachdeu õor khaugbam khʉʉn iek asekasba aajemjo, mʉg chadcha mʉ iek ʉkha nʉm khʉʉnau chan par am mag seukha wenʉrrajieb mamʉ, am iek asekasbajierramgui ajim.

San Juan 12:26

Maimua ĩchab chi chadcha mʉ chogkhanaa mʉ dʉi nʉrram khõsi simʉn, ichdeu khõchagpierr nem wauba, mʉchdeu nem waupim khõsimpaita wau nʉrraju aai sim. Mag amʉn magan am wenʉrrʉmpierr mʉchjã am dʉi chitajugui ajim. Ãbmua magta mʉ chogkha nem wau nʉrrʉmʉn, mʉ Ayaujã ich khĩircha i tho iekhajugui ajim.

San Juan 21:22

Magbaawaita Jesuu irig, —Mua i meepiba deeu mʉch bee nʉm ora ich jãg nʉrrapiju akhiinjã, ¿pua i jãgbarju? ajim. Mag chirabnaa pʉchta khĩirjunaa ich jãg mʉ iek gaaita ubʉ chitá ajim ich Pedroog.

San Juan 5:25

Chadcha ĩsta pãar mag chi thõmjo nʉm khʉʉnaujã mʉch chi Ẽwandam Iewaa iekcha ũrju ed pabaichemgui ajim. Mag mʉ iek ũrwia ʉkha nʉm khʉʉnan warre Ẽwandam denkhanaa mʉg atagjã ich mag iiu nʉisijugui ajim.

San Juan 8:12

Mag khur deeu aig õor narr khʉʉnag Jesuu magjim: —Mʉʉta mʉg durr gaai wenʉrrʉm khʉʉn atheem õtdauu; chi mʉ dʉita nʉrrʉm chan tag bʉ̃ʉrjã khĩchag ee nʉrrabamgui ajim, mʉchdeuta i iiupinaa Ẽwandam khĩirjugjã khaugpi chiraawai.

San Juan 8:43

Mag ijẽjẽbagmamua ich Jesuupai amag, Mua khaphʉ chirʉmgui ajim, jãgwi pãrau pod mua jaau chitʉm iek khaugba nʉ. Jãg khaugba nʉmʉn, pãachdeu ũrmaphamjo ũr naawaiugui ajim.

Hechos 3:23

“Mag ichdeucha jʉr auwia pʉibarmua nem jaau simta ʉkhaba abarm khʉʉn chan, oob amau amach ʉ̃gthar oberju amiet” a jaaujim aajem Moiseeu maach jooinag. (Dt. 18:15-19)

1 Corintios 8:3

Mamʉ mag nem inag pomta ʉ̃rcha khaphʉ aju khĩirjuju khãyau, ãba Ẽwandam khõsi ajuuta ẽkhaju aai nʉm, mag i khõsi nʉm gaaimuata i dʉi khapeerkha naawai.

Gálatas 4:9

Mamʉ ĩs ya pãrau Ẽwandam chaarta ajapha khaphʉnaa ich garmuajã pãar khaphʉ simta, ¿jãgwi warr pãach narrjo deeu ũwaai magʉm nem maadeu igba sĩi jua theegjã chukhu sĩsidʉmʉgta ee aju ẽkhaajẽ?

2 Timoteo 2:19

Par amau mag amach iphithur amach khõchagpierr jaau wenʉrrab mamʉ, Ẽwandam iek chan cambieba ich mag sĩerrʉm. Mag sĩewai ich iek gaai, “Maach Por Ẽwandamau ich chaainan thum wajapha khaphʉ sĩerrʉm” a phãnaa ĩchab, “Thum maach Por Ẽwandamag jeeu wenʉrraajem khʉʉnan amach khaibag isegju aai nʉm” a phã sim.

Hebreos 3:7

Magua oob thãar theeg amiet, eeu pãach dʉijã Ẽwandamau israelnaan dʉi arrjo adukham. Magju khãai Ẽwandam iek phã sim gaai ich Ẽwandam Akharaucha jaau simjo, “Ĩs pãachdeu Ẽwandam iek jaau nʉm ũurwai

Apocalipsis 14:4

Makhʉʉn chan mʉg jẽb gaai aawaijã, jãg deeum ʉʉin dʉi khapes apiba jaaujemjo, ãba Ẽwandamagpaita ee aajerr khʉʉnau. Amauta chadcha Cordero nʉnʉʉukhampierr dʉi i bʉ ogdʉba wenʉrrajim. Amachta mag Ẽwandam athee maimua Cordero atheejã am chognaankha wenʉrraju aai naajim, chadcha mag atheeta warm khʉʉn eemua Ẽwandamau am peerdʉ autarr aawai.

Apocalipsis 3:20

Iin maach thãar bʉkhʉrr chiraajem aajem, weeu aunaa ichig dubbá amkhĩir. Ãbmua khãijã weeu auwi irig dubbaad akhiin, iin ierrcha dubju chirʉm aajem, i dʉi khapeerkhaag.