San Juan 10:13 - Wounaan Meu

¹³ Mag warag pastornaan anʉmta amachdeupa ogkhawia khaphig phobaadeejemgui ajim, nemchaain thʉam khõchgau khaba sĩi phatkhon atheepaita naawai.

Woun Meu

¹³ Mag warag pastornaan hanʌmta hamachdëupa högk'awia k'ap'ig p'öbaadeejemgui hajim, nemchaain t'ʌam k'õchgau k'aba sĩi p'atk'on hat'eepaita naawai.

San Juan 10:13 Iomraidhean Croise

San Juan 10:12

Pari magba ar pastor anʉm khʉʉnjã sĩi phatkhon atheepai thʉnʉm khʉʉnan, lobou nemchaain pʉraan urum oowaijã warag amachta khaphigbaadeejem. Amach nemchaain khaba aawai bʉ̃ʉrjã am gaai mas khaba sim. Mag warag parhooba nemchaain dau aphʉʉ aaidʉpiejemgui ajim.

San Juan 10:14

Maimua mag iekhamamua deeu ichdeupai, —Mʉʉta Pastor chaar chi wajapcharamʉugui ajim ich igwia. Ich jãg mʉ Ayau wajapha mʉch khaphʉnaa muajã mʉch Aai khaphʉ chitʉmjo, mʉch igar nʉm khʉʉnjã mua khaphʉ chitʉm; maagwai amachdeujã mʉ khaphʉ aajemgui ajim. Chadcha mʉch den aawai mua am kõit ʉdʉraa mʉch thõopijugui ajim, am peerdʉ awaag.

San Juan 12:6

Pari Judaau mag iekhatarr chan sĩi chadcha aphʉʉm khʉʉndam khĩirjuwia khaba, nem jĩgmie arr aawaita mag iekha sĩejim. Ichdeuta maach thumaam khʉʉn phatkhon di wai nʉrraajerr aawai õrau maachig deemam aukhermamjã ichdeu jĩgkham aig jĩgkhaajeejim.

Hechos 18:17

Mamʉ mag dawag jʉrkhʉʉitarrjã wetba abaawai jũrr am por Sóstenes anʉmta warag chi gobernador dakhĩir pʉrphobaadewi mas deejierram aajem, aig narr khʉʉnau. Mamʉ magʉmjã chi gobernador Galionau warag oobamjo apʉijim aajem.

1 Corintios 7:32

Magua mua chan pãrag mʉg jẽb gayam nemta ʉ̃rcha khĩirju nʉʉ apimapha chirʉm. Ẽwannaan ʉʉinpan khãyau jua par nʉm, maach Por Cristo athee ʉ̃rcha nem wajapham waunaa i dau na wajapha wenʉrrajuuta khĩirju nʉʉ aag.

1 Corintios 7:33

Mamʉ mag khãyau jũrr ʉʉi paraam magcha jua par khaba sim Ẽwandam athee, í ichdeuta amachdeu nem ig nʉmjã khaphʉ agpierr nʉnʉʉu awia ich ʉʉi dʉijã ogdʉba sĩsiphʉm aawai. Wajapcharan ʉʉi paraa simʉn thoophem numí simjota sim, Ẽwandam atheejã nem waunaa ich ʉʉi dʉi sĩsip aagjã agjo.

Filipenses 2:20

Mʉchdeu pãar khĩirju chirʉm dʉi tag i denjo pãar khĩirju nʉm khʉʉn chukhu aawai, Timoteota mua pãar aar pʉiju. Jãgdamauta chadcha pãar ʉu wenʉrramkhĩirjã ich khod ãbam khʉʉn atheemjo aajem.