San Juan 10:12 - Wounaan Meu

¹² Pari magba ar pastor anʉm khʉʉnjã sĩi phatkhon atheepai thʉnʉm khʉʉnan, lobou nemchaain pʉraan urum oowaijã warag amachta khaphigbaadeejem. Amach nemchaain khaba aawai bʉ̃ʉrjã am gaai mas khaba sim. Mag warag parhooba nemchaain dau aphʉʉ aaidʉpiejemgui ajim.

Woun Meu

¹² Pari magba har pastor hanʌm k'ʌʌnjã sĩi p'atk'on hat'eepai t'ʌnʌm k'ʌʌnan, lobou nemchaain pʌraan hurum hoowaijã warag hamachta k'ap'igbaadeejem. Hamach nemchaain k'aba haawai bʌ̃ʌrjã ham gaai mas k'aba sim. Mag warag parhooba nemchaain dau hap'ʌʌ haaidʌpiejemgui hajim.

San Juan 10:12 Iomraidhean Croise

San Mateo 10:16

Mag maar pʉyaagpamua ĩchab marag magjim: —Mua chadcha pãar pʉi chirʉm, pari mʉ iek ũrbat ajim: Pãran sĩi oveja chaaindam khum nem thʉnʉm ee pʉakhʉʉibapʉimjota abarm, õor khaibagkham eeta wenʉrraju aawai. Magua, mʉch imeerba muan pãragan, khĩirjug khaug ichkhumjota abat a chirʉm. Mag naab mamʉ ĩchab khĩir machag chukhu duburdamjo abat ajim.

San Mateo 7:15

’Kharin Ẽwandamau ich iek jaaupibaawaita i iek jaau wenʉrrʉm aajem khʉʉnan chi seumienta mag wenʉrraajem. Magʉm khʉʉn dʉi khĩir khaphʉ abat ajim anʉm. Mag sĩsidʉmta pãar khũguraag sĩi ovejadamjo daumeraa pãar aig beejem. Pari am odiin sĩi khum nem oo wai simjota sĩsidʉmgui ajim anʉm, pãarjã amachjo amkhĩir amach gar thereu awaag.

San Juan 10:13

Mag warag pastornaan anʉmta amachdeupa ogkhawia khaphig phobaadeejemgui ajim, nemchaain thʉam khõchgau khaba sĩi phatkhon atheepaita naawai.

San Juan 10:2

Pari magba puertdi garmuata dub simʉn, ma chi pastorrau, chi thʉa.

San Juan 10:3

Magʉg mag chi oveja ierr phãarkha thʉnʉm puertdi aig simuajã ʉdʉraa dubpijugui ajim. Mag dubwi chi pastor amach oo phe wai nʉrraajemua aawai amach thʉ̃r gaai thʉ̃rbaimaawai amachdeujã i khaug aaujerram. Mag warag dawag phe arrwia

Hechos 20:29

¿Khan jãgwia mua pãrag mag chirʉ́? Mua mag chirʉmʉn mʉgaugui ajim: Mʉ ẽudee amachdeupai amach igwia chi machnaan aajem khʉʉn pãar ee beeju. Makhʉʉnaun tigrieu ich aig nemchaain thʉ̃r aaujemjo sĩi chad khabam iekta chadam iekjo pãrag jaaubaicheewai pãar imeraa khũgur auwi warag pãar ee nem ãrchejugui ajim.

1 Timoteo 3:3

Chi porkha sim khʉ chan oob mag nag pignaa, ich khapeen dʉijã khujʉʉrnem aju khaba, ni sĩi nemdam bʉ̃rʉʉm wau nʉm paarjã ãba phatkhonta auju khĩirjubaju aai sim. Magju khãai, thumaam khʉʉn dʉi o ajaphanaa khõinaata nʉrraju aai sim, ni phatkhon ichdeu au sim atchajã warag paarpaju khĩirjuba.

1 Timoteo 3:8

Mua ĩchab pʉrʉg jaaukhim, jãga aju aai nʉ chi pornaan juag oojem khʉʉnjã: Amjã ĩchab thumaam khʉʉn daar khajaphata wenʉrraju aai nʉm, amach eugar chikhamnau ĩgkham ugua. Iek ãbata aju aai nʉm, iwiir ãbamʉg nem mag awia jũrr deeumʉg khĩet jajaau aba. Magʉm khʉʉn chan ĩchab nag pigjã khaba, ni sĩi nemdam bʉ̃rʉʉm wau nʉm paarjã ãba phatkhonta auju khĩirjubaju aai nʉm.

2 Timoteo 4:10

Mʉʉn mʉch appaita chirʉm, Demaaujã Tesalonicaag mam khõchgau mʉ barpʉabajeewai. Sĩi mʉg jẽb gayam nemegta ʉ̃rcha ee am khõchgau mʉrʉgjã ooba petajim. Crescentejã Galaciaag petaawai Titoou jũrr Dalmaciaag petajim.

Tito 1:7

Chi ʉkha durrum khʉʉn porkha sim wounan ãba Ẽwandam atheeta phidkha sĩewai thumaam khʉʉn daar agchata nʉrraju aai sim, ichta ʉ̃rpai chirʉm awia bithurgam khʉʉn iek ũrmaphajã khaba, khĩir khʉʉukhakharrso khaba, nag pig khaba, dich khapeen dʉijã khujʉʉrnem khaba, ni sĩi nemdam bʉ̃rʉʉm wau nʉm paarjã ãba phatkhonta ahau ajujã khĩirjuba.

1 Pedro 5:2

Ich jãg pastorrou ajapha ich oveja thʉajemjo, pãach ee Ẽwandam iek ʉkha nʉm gaaimua i denkha durrum khʉʉndam pãachig jaautarrta ajapha oopaar abat. Mag am thʉa nʉmjã ajués bigaaum khʉʉnau jaauwai khaba, ich Ẽwandamau jaau simjo pãach khĩrauta i chaain thʉam khõsi thʉabat. Mag phidkha nʉm gaaimua phatkhon pom paarpajujã khĩirjuba, sĩi pãach thãrau waum khõsi aawaita waubat.

2 Pedro 2:3

Jãg pãrag jaau wenʉrrʉm khʉʉnan sĩi phatkhon atheepai bĩe sĩsid aawai, mag chad khabam nempa jaau wenʉrrʉmua pãar khũgurnaa pãar jua eem phatkhonpa aumaju. Mamʉ amach mag wenʉrrʉm paar am dau aug waupijuun, ya nawe Ẽwandamau jaau wai sim aawai ya chadcha am gaai mas aju dakpamam.