San Juan 1:51 - Wounaan Meu

⁵¹ Maimua ich Jesuupai ĩchab maach thum ich dʉi khapeerkha aumarr khʉʉnag, —Mua pãrag jaaukhimgui ajim: Cha iekha chirʉm iekhau chadcha mʉch chi Emkhooi Iewaa aigta Ẽwandam chognaan ʉ̃gtharmua eegjã beenaa deeu ʉ̃gthaa waaidʉtkhakhakham oojugui ajim.

Woun Meu

⁵¹ Maimua hich Jesuupai hĩchab maach t'um hich dʌ̈i k'apeerk'a haumarr k'ʌʌnag, —Mua pãrag jaauk'imgui hajim: Cha hiek'a chirʌm hiek'au chadcha mʌch chi Hemk'ooi Hiewaa haigta Hẽwandam chognaan hʌ̃gt'armua heegjã bëenaa deeu hʌ̃gt'aa waaidʌtk'ak'ak'am hoojugui hajim.

San Juan 1:51 Iomraidhean Croise

San Mateo 25:31

’Mʉch chi Emkhooi Iewaata ʉ̃gtharmua mʉch chognaan angelnaanau phʉʉr thuur beem edan, mʉchta chi Rey aawai mʉch khu juupjem wajappha sim gaaita jupchejugui ajim, õor dʉi mʉchdeu khap nem wawaag.

San Mateo 26:24

Magnaa ichdeu, —Oo nʉm dau eyaa Emkhooi Iewaa chadcha Ẽwandam iek phã sĩsidʉm gaai jaau simjo wajappha dau aug wawaagpaama ajim. Pari apkhiitʉ mʉ mag aphʉʉ amkhĩir wir aig mʉ pertarr woun. Jãgʉm wounaan thaababa arr akhiin ʉucha akhamgui ajim.

San Mateo 3:16

Mag, chadcha Juanau i por choopʉijim aajem. Mag ich por choobapäaiwai, durr waaidʉnaa oowai, edaujãata weeudʉbaadem eemua Ẽwandam Akhaar duburjoo khitʉmta beewia i gaai jupchejim aajem.

San Mateo 4:11

Magbaawain chadau chi dosãt sĩiubaadeewai i iek ich appai chirsijim aajem. Mag ich appai aadeewai Ẽwandam chognaanauta ʉ̃gtharmua beewi ʉu i khĩir jãsenkha naaichejim aajem.

San Mateo 8:20

Magbaa jũrr Jesuu irig, —Pʉchdeu mag mʉ dʉi mam khõsi chirʉm khai, marrau magan; mamʉ pʉrʉg jaaukhimgui ajim anʉm: Mʉ khãyau pabʉ eem nemchaain amach khãaijem jẽbdi paraam; nem ichpanjã kheeupaawai amach khãaijem khãidu wai sĩsidʉm. Mamʉ mʉch chi Emkhooi Iewaa chan mʉg chitʉm aig kheubaadeewai khãyaag wajapha werba chiraju didamjã chukhu chitʉmgui ajim anʉm. Pʉjã mʉjo magta chitam khõsi chirʉm khai, marrau magan ajim anʉm.

San Mateo 9:6

Mamʉ mʉch chi Emkhooi Iewaata chadcha Ẽwandamau juapá deetarrau mʉig eegar õor pekau chugpaagjã jua theeg chirʉm khap amkhĩir, pãrag oopikhimgui ajim anʉm. Magnaa chi khapá jʉser khitʉmʉgta, —Phiidʉbaad, maimua pʉch put juurwia pʉch diig petá ajim anʉm.

San Marcos 1:10

Mag por choowia do eemua oberaau oowai, edaujãata weeudʉbaadem eemua Ẽwandam Akhaarta duburjoo khitʉm i gaai jupcheeg wewewe urum oojim anʉm.

San Marcos 14:62

Magbaa Jesuu, —Eera, chadcha mʉʉugui ajim anʉm. Mʉg atag pãrau mʉ Ẽwandam thumaam khʉʉn khãaijã jua theeg ʉ̃rpai sĩerrʉm bigaau i juachaar garcha jup chirʉmjã oowi ʉ̃gtharmua edjã baug ee urumjã pãach daúacha deeu mʉ oobajup ajim anʉm.

San Lucas 2:13

Chi Ẽwandam chogau mag jaaubarm ee, i khapeen ijom khʉʉn khapan edjã ee pʉʉrthʉbaichejim anaabá, seukhabarmjo abarm ee. Magbaawai makhʉʉnau Ẽwandamag jeeu nʉmua,

San Lucas 2:9

Mag amach nemchaain thʉa nʉmta, degolp phʉr jẽer atham dʉi arar joi sim ee, Ẽwandam chog ich Jooirau pʉitarrta am khĩirphee barjopbaichejim anaabá. Mag oobaawai jãphierr phobaadejim aajem.

San Lucas 22:43

[Ich Ayag jeeuwai mamagkhamua kha theeg chukhu thʉnʉm ee, ʉ̃gtharmua Ẽwandam chog beewia irig juapá deechejim aajem, mag ich dau aphʉʉ aju ãwatamkhĩir.

San Lucas 22:69

Mamʉ nau mʉg atag jopcha mʉg woun Emkhooi Iewaa Ẽwandam chi jua thierr bigaau i juachaar gar jupimajugui ajim anʉm, Ẽwandam dʉi ãba thumaam khʉʉn Porkhaag.

San Lucas 24:4

Mag amachdeu ooba abaawai, “Keena, ¿jãga abarmta mʉg maadeu oocheba abarma?” anaajim anʉm. Mag nʉm ee oowai, emkhooin numí sĩi khajũa bʉ̃ʉmjo jũa sĩsidʉmta am khĩirphee dʉnʉʉutkhabaichejim anaabá.

San Lucas 3:21

Mamʉ mag Erodeeu chi Juan cárcel deg phãarpiju nawejã õor pom por choojerr aawai, khãai ãb Jesujã beewia Juanag ich por choopibaawai, ĩchab i por choopʉijim aajem. Mag ich por choo aaipabaadeewai Ẽwandamag jeeujim anaabá. Mag ich Ayag jeeu sim eeta edaujã weeudʉ joisim eemua

San Juan 1:50

Magbaa Jesuu irig, —¿Higo bʉ eegar mʉchdeu pʉch ootarr a jaaubaawaita pua mʉrʉg mag chirʉ́? Ĩsta pua ag khãyaujã nem wajapcharam oogpabahab ajim.

San Juan 10:1

Maimua mag iekhamamua Jesuu amag mʉg ejemplo jaaujim: —Ar oveja phãarkha thʉnʉm aar dubaag ẽkha simta puertdi garmua dubba sĩi chi thuur phʉʉrdʉ sim ʉ̃rta waaidʉ dich sim wounan, maan sĩi nem jĩgmie aawaita mag simgui ajim.

San Juan 10:7

Maimua deeu ich ag iekpai igwia Jesuu amag, —Muan chadcha pãrag, “Mʉʉta makhʉʉn oveja duubjem puertdiiu” a chirʉmgui ajim, õor i iek ʉkha nʉm khʉʉnan i gaaimuata ʉ̃gtharjã oberju igwia.

San Juan 13:16

Pãade khĩirjubat. Sĩi chikham chogkha nʉm khʉʉn chan amach pornaan khãai ʉ̃rpai khaba, ni sĩi piyonnaankha nʉm khʉʉnjã amach patronnaan khãai ʉ̃rpai khaba aajemgui ajim. Ich agjota naabahab ajim maachjã. Mʉ pãar Porkha chirʉmuata pãach dʉi jãgbarm oowia oob pãachta pãach khapeen khãaijã ʉ̃rpai nʉm a khĩirjuwia, “Maar chan chikham chogkhaju khaba nʉm” a khĩirjumiet ajim.

San Juan 13:38

Magbaawai Jesuu irig, —¿Chadcha mʉ gaaimua pua ʉdʉraa pʉch thõopiju chirʉ́wi? ajim. Mʉ cha iekha chirʉm iekhau nau õrau pʉchig jeeuwai ãthãrr bĩeju nawe biek thãrjup pua amag bʉ̃ʉrjã mʉ khaugba chitʉm ajugui ajim.

San Juan 14:12

Pãade mʉ iek ũrbat: Chadcha chi mʉ iekta ʉkha simuan mua nem wau chirʉmjo waunaa ag khãai ʉ̃rʉʉchajã waumajugui ajim, mʉch Aai aar pawia mammuajã mua mʉch juapá deeju aawai.

San Juan 16:20

Mua mʉg jaau chirʉwe chan pãrau pod khaug auba nʉm, pari ya chadcha pãach dakhĩir magbaadeewaita mʉ iek ʉkhaba nʉm khʉʉn onee thʉnʉm daar, pãar mʉ athee icharaucha bĩewia okhĩirjuu ajugui ajim. Mag pãar okhĩirjug pooma ajup mamʉ, ya deeu pãach daúacha mʉ oophobaadeewai jũrr pãar oneeta aphobaadejugui ajim.

San Juan 16:23

’Ya mag ed paawai, cha mua jaau chirʉm pãrau khaphʉ naaju aawai, tag ĩsimjo mʉrʉg jejeeu abajugui ajim. Pãar mʉ denkha naawai mʉ Ayag nem jeeu nʉm thum irua pãrag deejugui ajim. Pari mag mʉ denkha nʉm awiajã agtha pãrau bʉ̃ʉrjã mʉ Ayag mʉ iek gaai thʉwia nem jeeuba nʉm. Magta jeeubat ajim, pãachdeu nem jeeu nʉm deebaawai wajapcha onee aag.

San Juan 21:18

Magnaa ichdeupai iekhamamua irig magjim: —Pʉde mʉ iek ũrbarí: Warrgur pua pʉch juadamau pʉch khajũa jũawi pʉch mam khõsimʉg maajeejim. Pari mʉ cha iekha chirʉm iekhau mʉg atag pʉ jooiraa aadeewai pod pʉch juau khajũadamjã jũaba, chikhamnauta pʉ khajũa jũapijugui ajim. Magnaa pʉ juajã amau bʉʉrkha sĩunaa pʉ mamapha khitʉm aar ajués amau pʉ arrjugui ajim.

San Juan 3:3

Magbaawai Jesuu irig, —Pʉde ũrbarí, mua pʉrʉg jaaukhimgui ajim: Chi deeu eeupemjo thaababa sim chan pod Ẽwandam ichta chi Porkha sim aar oberbamgui ajim, i chaai khaba sĩewai.

San Juan 3:5

Magbaawai jũrr Jesuu deeu ũwaai, —Ʉ̃hʉ̃, mua chan sĩi thaabaa chaar thaaba nʉm jaauba chirʉmgui ajim. Mua mag eeupemjo thaabaju a chirʉmʉn, Juanau por choo simua jaaujerrjo Ẽwandam Akharag dich khĩirjug chi iiurig paapʉipi nʉmta jaau chirʉmgui ajim. Magbam chan pod Ẽwandam sim aar oberbam, agtha i den khaba sĩewai.

San Juan 5:19

Pari Jesuu warag, —Mʉch chi Chaairaujã mʉch Ayau nem waupim khõsi sim khaugba akhiin, muajã mʉch khĩrau chan waubajugui ajim. Magba irua nem waupim khõsi sim mʉchdeu khaphʉ chiraawaita muajã chadcha waaujemgui ajim Jesuu chi judionaanag.

San Juan 5:27

Mag nʉm dʉi ĩchab mʉrʉgta õor ich aar auju wa auba isegju a jaaumkhĩirjã iek theeg apijimgui ajim, mʉchta Emkhooi Iewaa aawai.

San Juan 6:26

Magbaawai Jesuu amag, —Chadcha pãrau mʉ jʉr wenʉrrʉmʉn, sĩi pãach thach biwaau khopitarr aawaita pãrau mʉ jʉr wenʉrrʉmgui ajim. Mamʉ ĩs mag mua jãg pãach dakhĩir wautarr gaaimua mua jaau chitʉm ʉkhakhimjã aba nʉm.

San Juan 6:32

Magbaawai Jesuu amag, —Pari Moiseeu khabajimgui ajim amag pan deetarr; mʉ Ayau khabajieb ajim. Maimua ĩsjã agtha ich mʉ Ayauta ʉ̃gtharm pan pãrag dee sĩebahab; pari ĩsimʉn warr pãar jooinag deejerr khãaijã chi wajapcharamʉugui ajim.

San Juan 6:47

Magnaa, Mua mag chirʉmgui ajim: Chi mʉ iek ich thãraucha ʉkha simʉn mʉg atagjã ich mag Ẽwandam denkha sĩsim iekhau.

San Juan 6:53

Jũrram khʉʉnau mamagkham ũrwia Jesuu amag magjim: —Mʉ cha iekha chirʉm iekhau ar mʉch chi Emkhooi Iewaa modta khowia mʉ bagjã doba sim chan pod ich mag iiu nʉrrabamgui ajim.

San Juan 8:34

Magbaawai Jesuu jũrr amag, —Ar pekau waaujem khʉʉnan chadcha thum pekau chognaanaugui ajim.

San Juan 8:51

Magnaa, Ĩs mua chadcha chi mua jaau chirʉm ipierraa sim woun chan thõbaju a chirʉmgui ajim ich Jesuu.

San Juan 8:58

Magbaa ich garmua, —Mʉʉn Abrán thaabaju nawe ich mag chirajimgui ajim amag.

Hechos 10:11

sĩi edaujãata weeudʉ thʉnʉm oo athajim anʉm. Pedroou oowai mag edjã weeudʉ wejom eemua dĩesjo nem pheeugnaa khẽu jʉ̃kha sĩsidʉmta eeg jẽbjã gaai burr uraa ajim anʉm.

Hechos 7:56

Ichdeu mag oobaawai warm khʉʉnag, —¡Pãadeu mʉ daupierr oobat! ajim anʉm, ar edjã weeudʉ wejom ee Emkhooi Iewaa Ẽwandam juachaar gar oo dʉnʉm.

2 Tesalonicenses 1:7

Magnaa pãach chi dau aphʉʉ durrum khʉʉnta mʉg atag maach Por Jesús sĩi õtdau uu thʉnʉm ee ich chognaan chi jua thierrnaan dʉi ʉ̃gtharmua beewai maach thum ãba jua ʉ̃ipiju.

2 Tesalonicenses 1:9

Makhʉʉnan sĩi irua barkhʉʉipʉiwia mam ich mag okhoo nʉisiegau. Magbarm chan tag maach Por Jesús khĩir wajaugjã ooba, ni i jua theegjã oobaju.

1 Timoteo 3:16

Mag iek warrgar thumaam khʉʉnau khaugba aajerrta ĩsin maadeu dawaa oo nʉm, ich Ẽwandamau maachig khaugpitarr aawai. Mag maachig khaugpitarr iekhan mʉgau: Cristo Ẽwandamkha simta maach thaabaajemjo mʉg jẽb gaai thaabachewia, maach wounaan khĩir thegwia, mʉg jẽb gaaim khʉʉnag ich oopien beejim. Maimua meewia Ẽwandam Akharau deeu i phiriu athamua chadcha í pekau chukhu khitʉm a khaugpijim õrag. Mʉg jẽb gaai sĩeichewia irua nem wautarr thum Ẽwandam chognaanau ʉ̃gtharmua oojierram. Maimua amach aar pabaimaawaijã sĩi onee amach jua ee baarpi aujierram. Magtarr, durr warpham magwe aaidʉ jaaupʉiwia meupierram khʉʉnau khakhapdo thʉnʉm dʉi ĩchab durrpierr i iek ʉkha durrum khʉʉn nʉnʉidʉm.

Hebreos 1:14

Mamʉ angelnaan thum sĩi Ẽwandamau nem jajaaukham ipierraa aagta thʉnaawai amag chan irua mag iekhabajim. Jãkhʉʉnan, sĩi ich Ẽwandamau ich dʉi ich mag wenʉrraag maach ich aar phe auju khʉʉn juag oomkhĩir pʉitarr khʉʉnau.

Judas 1:14

Ich jãg khaigba seukha nem jaau nʉrrjee aju khʉʉn igwiata ĩchab Ẽwandam i jaaumie Enoc aajerraujã warrgarwe Adán omparr aigmua agtha õor pomcha khaba nʉwe ya ichdeu oo wai simjo magju khaphʉ mʉg phã pʉajim aajem: “Mua maach Por Ẽwandam oojimgui” ajim anʉm “ich chognaan pooma thʉnʉm dʉi urum.

Apocalipsis 19:11

Mʉchig magbaawai, mua phiidʉnaa oo nʉʉ aawai, edaujãata sĩi weeudʉ wejoojim. Mag edjã weeudʉ wejom eemua woun ãb cabaai bäpphä sim gaai oberchejim. Mag thʉ̃r “Mʉchdeu Nem Wauju Abarmʉn Chadcha Wau Chitʉm” ajim i thʉ̃r, ichdeuta thum wajapha gobernaanaa juurhi eejã werbʉajeewai.

Apocalipsis 4:1

Mag mʉrʉg thumaa jaau dichtarr khur mua oowai, edjãata puertdijo weeudʉ wejom mua oobaadejim. Mag eemua nacha mag mʉchdeu trompeta jẽbag sim iek ũrtarr ag odijo simuata mʉrʉg, “Mau ʉ̃gthar pidú, mʉg atag nem thumaa obeberg maju mua pʉrʉg oopikhim” a sĩejim.