San Juan 1:50 - Wounaan Meu

⁵⁰ Magbaa Jesuu irig, —¿Higo bʉ eegar mʉchdeu pʉch ootarr a jaaubaawaita pua mʉrʉg mag chirʉ́? Ĩsta pua ag khãyaujã nem wajapcharam oogpabahab ajim.

Woun Meu

⁵⁰ Magbaa Jesuu hirig, —¿Higo bʌ̈ heegar mʌchdëu pʌch hootarr ha jaaubaawaita pua mʌrʌg mag chirʌ́? Hĩsta pua hag k'ãyaujã nem wajapcharam hoogpabahab hajim.

San Juan 1:50 Iomraidhean Croise

San Mateo 13:12

Mag khãai ar chi thãar onee ũrm khõsi ũr nʉm khʉʉnagta Ẽwandamau warag khĩirjug deeju, ich iek khapcha amkhĩir. Mamʉ ar mag nem waumapha nʉm khʉʉnag chan deeba, warag am jua eem khecheu aumaju ajim.

San Mateo 21:19

Mag i jãsog thʉnʉm ee, khʉd bigaau higo bʉ dʉnʉm oo athaawai ag gaai chi jõ simpii awi aar oon majim. Mamʉ oon maawai sĩi bʉ parii dʉnaajim. Mag ag gaai ooba abaa pabʉʉgta wounagamjo, —Pʉ jãg sim khai, jãgan mʉg atagjã ich jãg cheba sĩerrajugui ajim. Pari irua mag iekhabaawai chi higo bʉ warre phuabaadejim.

San Mateo 25:29

Mag nem ĩgkhaa jaau owia ich Jesuu magjim: —Ich agjota sĩebahab ĩchab Ẽwandam athee nem wau nʉmjã. Ar Ẽwandam athee nem wawaag nem par daúa ooba aajem khʉʉn dʉin irua ich garmuajã ajapha aju, amau chokhõgba i athee nem wau naawai. Mamʉ mag nem waumapha nʉm khʉʉn dʉi chan magba, ichdeu amag nem deetarrjã warag am jua eem khecheu aumaju.

San Lucas 1:45

María, Ẽwandam chogau pʉchig jaauchetarr iek pʉchdeu ʉkhatarr gaaimua chadcha pʉʉta onee ʉrraju. Maach Por Ẽwandamau ich chog dʉi pʉrʉg jaaupʉitarr iekhan thum ichdeu jaautarrjoo chadcha obebergmajugui ajim anʉm.

San Lucas 7:9

Capitán judío khaba simuata mag iek jaaupʉitarr warm khʉʉnau ichig jaaubaichem ũrbaawai Jesús jʉ̃gderraa aademua ich ẽudee õor pos wenʉrrarr khʉʉnagta, —Keena, pãade oobat. Mʉg maach israelnaan ee mʉg woun denjo ʉkha nʉm chan agtha mua ooba chitʉmgui ajim anʉm.

San Juan 1:49

Magbaa Natanaelau, —Maestro, pʉʉn chadchata Ẽwandam Iewaau. Pʉch khabahab ajim, israelnaan Rey marau nʉ narr.

San Juan 1:51

Maimua ich Jesuupai ĩchab maach thum ich dʉi khapeerkha aumarr khʉʉnag, —Mua pãrag jaaukhimgui ajim: Cha iekha chirʉm iekhau chadcha mʉch chi Emkhooi Iewaa aigta Ẽwandam chognaan ʉ̃gtharmua eegjã beenaa deeu ʉ̃gthaa waaidʉtkhakhakham oojugui ajim.

San Juan 11:40

Magbaawai Jesuu irig, —Mamʉ mua khabá chaigjã pʉrʉg, mua i phiriu auju pʉch thãar ee khaphʉ ʉm khai, pua chadcha Ẽwandam jua theeg ooju a chirajimgui ajim.

San Juan 20:29

Magbaa Jesuu irig, —Pʉch daúacha mʉ phiidʉbarm oobaawai ĩsta pua ʉkha chirabma ajim. Ar amach daúacha mʉ ooba nʉmta pari sĩi jaaubarm ũrwiapai ʉkha nʉm khʉʉnta Ẽwandamau ʉucha wai sĩejugui ajim.