San Juan 1:49 - Wounaan Meu

⁴⁹ Magbaa Natanaelau, —Maestro, pʉʉn chadchata Ẽwandam Iewaau. Pʉch khabahab ajim, israelnaan Rey marau nʉ narr.

Woun Meu

⁴⁹ Magbaa Natanaelau, —Maestro, pʌʌn chadchata Hẽwandam Hiewaau. Pʌch k'abahab hajim, israelnaan Rey marau nʌ narr.

San Juan 1:49 Iomraidhean Croise

San Mateo 14:33

Mag chi Jesús jap ee pabaadee i khĩirphee kanieu phõbkhanaa, —Chadcha pʉʉta Ẽwandam Iewaau anaajim, marau irig.

San Mateo 2:2

Mag beewi bardʉtkhachewi, judionaanag, —Pãar rey thaabatarr, ¿jamta wai nʉma? I thaababarm jaau sim phĩdag maach daúacha ootarr aawai iita marau jʉr wedurumgui aajeejim anʉm, iita judionaan reikhaju aawai i ajaug tho iekhaan.

San Mateo 21:5

“Jerusalenpienag jaaubat: ‘Pãrau warrgarwe nʉajerr Reita sĩi parhoobam khʉʉnjo khĩir machag chukhu burrodam agtha chi jooicha khaba khitʉm gaaita ya pãar aig urum’ ” a phã sim. (Is. 62:11; Zac. 9:9)

San Mateo 23:7

Magnaa kaaijã ee õrau amach saludaawaijã amaun amach tho iekhapinaa amachig maestro apim khõsita sĩerrjeemgui a jaaumajim.

San Mateo 23:8

Mag jajawagmamua, —Pari pãar mʉ dʉi khapeerkha nʉm khʉʉn chan mʉ iek ʉkha nʉm gaaimua thum agdaujopai naawai, pãachig “maestro” apiju khaba nʉmgui ajim, chikhamnag. Mʉʉta pãar Maestroou ajim.

San Mateo 27:11

Mag arrwi chadcha Pilato na wai naaimajim aajem. Magbaa Pilatoou irig, —¿Chadcha pʉʉta judionaan Reí? a jeeujim anʉm. Magbaawai Jesuu irig, —Pua khabá khaphʉ jaaubapʉimgui ajim anʉm.

San Mateo 27:42

—Deeum khʉʉnan peerdʉ autarrta pʉchta podbahabma. Pʉ judionaan rey khabá; maar dakhĩir jãg pakuls gaaimua eeg ʉʉrbabaad. Mag oobaawain chadau marau ʉkhaju aajeejim.

San Mateo 4:3

Magbaadem eeta dosãt chi dau lok beejim anaabá, i imeerkha i khũgur auwia Jooi dau na nem khaigbam waupiju ẽkhaag. Mag beewi irig, —Pʉ chadcha Ẽwandam Iewaa khai, magan mʉ dakhĩir mokdau mʉg thʉnʉm panag paabapʉi aichejim anʉm.

San Marcos 15:32

Magnaa ichigcha iekhamamua, —Israelam Rey, ¿pʉch khabá õor peerdʉ aumkhĩir Ẽwandamau pʉitarr? Magan pakuls gaaimua eeg ʉʉrbabaad anaajim aajem. Pʉ chadcha maar dakhĩir eeg ʉʉrbamʉn, maach daúacha oobaawai marau pʉ iek ʉkhaju anaajim anʉm irig. Ich dʉicha mag ãba õor numí agjo pakuls gaai narr khʉʉnaujã irig iek khaigba iekha naajim aajem.

San Lucas 1:35

Magbaawai chi Ẽwandam chogau magjim anʉm: —Jãan ich Cha Ʉ̃gthaa Phuu Nʉm ag Akhaar pʉ gaai sĩeicheewaita pʉ jõorjugui ajim anʉm, ich iiu aawai. Mag gaaimua mʉg chaai pua oobarm bʉ̃ʉrjã khaibag chukhu auwia ich mag khitaju. Ich Ẽwandamauta ich iiu pʉ bi ee papi sim den aawai i thʉ̃r Ẽwandam Iewaa a thʉ̃rjugui a jaaujim aajem.

San Lucas 19:38

Mag Ẽwandamag jeeu nʉmua, —Ʉucha abarm Ẽwandam; ich mʉʉta pʉchdeu pʉch jũrr maar Reikha pʉibarmʉugui ajierram anʉm. Mʉg Rey pʉibarm gaaimua pʉchdeu jʉr aumam khʉʉnan ʉ̃gtharm magwe pʉ dʉi khõinaa wenʉrraju. Ʉu abarm Ẽwandam. Pʉjom chan ãbjã chukhumgui ajierram aajem.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 1:34

ĩsin chadau mua i khaphʉ chirʉmgui ajim, mag mʉchig jaautarrjo beewi i gaaita jupbaichem mʉch daúacha ootarr aawai. Maguata ĩchab mua khaphʉ chirʉmgui ajim Juanau Jesús igwia, i chadchata Ẽwandam Iewaau.

San Juan 1:38

Mag dichmamua ewag oowai, maar ich ẽudee wetum khaug athaawai marag, —¿Pãar khanta jʉr wenʉrrʉ́ma? ajim. Magbaawai marau jũrr irig, —Maestro, ¿pʉ jam chiraajẽ? ajim.

San Juan 1:50

Magbaa Jesuu irig, —¿Higo bʉ eegar mʉchdeu pʉch ootarr a jaaubaawaita pua mʉrʉg mag chirʉ́? Ĩsta pua ag khãyaujã nem wajapcharam oogpabahab ajim.

San Juan 18:37

I mag iekhabarm ũrbaawai chi Pilatoou irig, —¿Magan pʉʉn chadcha reipamá? ajim anʉm. Magbaawai Jesuu, —Pua khabá khaphʉ jaaubapʉim; mʉ chadcha Reiu ajim aajem. Mʉ mʉg durr gaai parhoobam chaaidamjo thaabachetarran, mʉ Ayau chadcharam iek jaaupi sim jawaanta beejim. Maagwai thum mag chadcharam iek ʉkham khõsi ʉkha nʉm khʉʉnaun mʉ iek ũrm khõsi ũurjemgui ajim aajem Jesuu.

San Juan 4:31

Pari mag chi ʉʉi phobor ee nʉrrʉmich, ya maar deeu i aig paaukhachewi narr aawai marau irig, —Maestro, thachdam kho athá aajeejim. Pari mag ichig thach khopi jaaubaawai jũrr,