San Juan 1:47 - Wounaan Meu

⁴⁷ Magbaawai chadcha i dʉi beejim. Mag beewia ya ich aig pabaicheewai Jesuu irig —Achá khitaichem israel chaardam. Mʉg woundaman chadchata o akhaar wajaphata chirabpama ajim ichigcha.

Woun Meu

⁴⁷ Magbaawai chadcha hi dʌ̈i bëejim. Mag bëewia ya hich haig pabaicheewai Jesuu hirig —Hachá k'itaichëm israel chaardam. Mʌg woundaman chadchata hö hak'aar wajap'ata chirabpama hajim hichigcha.

San Juan 1:47 Iomraidhean Croise

San Juan 2:25

Pari mag khaug aumamjã õrau ichig jaaubamta sĩi ichdeupaita õor thumaam khʉʉn thãar khaug aumaajeejim.

San Juan 4:16

Magbaawaita Jesuu, —Magan pʉch jaai athamí a ajim anʉm irig.

San Juan 8:31

Maimua ich Jesuupai judionaan mag ich iek ʉkhatarr khʉʉnag magjim: —Pãarta jãg cha mua jaau chirʉm iek pãachdeu ʉkhabarmta ogdʉba ich mag mʉ ipierr wenʉrrʉmʉn, magan chadcha pãar mʉ khapeenaugui ajim.

San Juan 8:39

Magbaawai deeu amachdeu, —Maar ayan Abranaugui ajierram. Mamʉ magbaawai ich Jesuu amag, —Pãachdeu jaau nʉmjo pãar chadcha Abrán chaain akhiin, ich Abranau aajerrjota pãraujã aajeekhamgui ajim.

Romanos 9:4

Maach israelnaanta ich Ẽwandamau jʉr autarr khabahab, ich chaainkha awaag. ¿Maach jooin dʉi khabajĩ, ichta am wetum na jʉʉnthumiejo khõrr jĩumamua edaarjã ĩchab am arar wʉʉ wai nʉrrarr? Maach atheeta ĩchab ich Ẽwandamau maach jooi Moiseeg ich iek phãpijim. Maach jooinag khabajieb, jãga irig jeeuju aai nʉ a jaaunaa ĩchab am chaain ewagam khʉʉn eeta õor peerdʉajemjã thaabaju jaautarr.

Romanos 9:6

Pari mag maach peerdʉ awaag Ẽwandamau ich Chaai päaiwaijã, maadeu khaphʉ nʉm, maach meeunau chan wajap i igba, ãaur khʉʉnaupaita i igjierram. Magjieb mamʉ Ẽwandamau maach jooin dʉi ich iekhatarrjo abajim aju khaba nʉm. Ichdeu maach jooi Israelag, ajapcharan ich Jacoogpaima, maach meeun khapan apiju atarrjo, ichiita maach meeunan chadcha khapan thʉnʉm. Pari mag khapan thʉnʉm ee, thumaam khʉʉn chan Ẽwandam chaain chaar khabam, israelnaan awiajã.

Filipenses 3:3

Mamʉ par amach iphithur mag wenʉrrawiajã oob am ipierraa amiet. Maach mor ʉ̃rpain ideu sĩi dauchach paar sĩsid awiajã, maach thãarta khaigba sim chan parta i chaainau aju. Mag khãai maachin chad i chaain chaarpama, chadcha ich Ẽwandam Akharau jaau simjo thãraucha irig jeeujeewai. Mag jeeu wenʉrrʉmuata maach onee naajem, Jesucristo maach kõit meebarm gaaimua Ẽwandamau maach ich chaainkha wai sĩewai.

1 Pedro 2:1

Mag ich iek ʉkhapi athamuata Ẽwandamau maach deeu thaabapibarmjo apiejeewai muan pãragan, pãachdeu nem khaigba khĩirjuajerr thum warre isegbapʉit a chirʉm. Oob chikham khũgurmiet; oob chad khabamta chadam iekjo iekhamiet; oob chikhamnau nem wai sĩsidʉmjã pãach den apim khõsi amiet, ni chikham eugarjã oob khaigba nem ĩgkhamiet.

1 Pedro 2:22

Cristo chan bʉ̃ʉrjã pekau wauba ni chikhamnag seukhajã nem jaauba khitajim, mamʉ mag khitarrta chadcha amau i thõojierram.

Apocalipsis 14:5

Am mag seukha nʉrrjeejã khaba arr khʉʉn aawai bʉ̃ʉrjã am eugar jaauju khʉʉnjã chukhu ajim.