San Juan 1:45 - Wounaan Meu

⁴⁵ Maimua jũrr Felipeeu deeum woun Natanael anʉm jʉraan mawia, irig maguimajim aajem: —Natanael, maran ya Jesús dʉita wenʉrrʉmgui ajim anʉm, ar Nazaret phobor ee woun ãb José aajem ag iewaa dʉi. Ich jãg igwiata Moisés khararrau ẽsap phã pʉarr gaaijã jãg jaaunaa, Ẽwandam i jaaumienaujã jãg jaauba aajeejieba aimajim aajem Felipeeu.

Woun Meu

⁴⁵ Maimua jũrr Felipeeu deeum woun Natanael hanʌm jʌraan mawia, hirig maguimajim haajem: —Natanael, maran ya Jesús dʌ̈ita wënʌrrʌmgui hajim hanʌm, har Nazaret p'öbör hee woun hãb José haajem hag hiewaa dʌ̈i. Hich jãg higwiata Moisés k'ararrau hẽsap p'ã pʌarr gaaijã jãg jaaunaa, Hẽwandam hi jaaumienaujã jãg jaauba haajeejieba haimajim haajem Felipeeu.

San Juan 1:45 Iomraidhean Croise

San Mateo 10:3

Felipe, Bartolomé, Tomás, Mateo, gobierno debpaar jeeumie arr, (ajapcharan mʉchma, mʉchpai ĩchab Leví aajem); Santiago, jooi Alfeo iewaa, (ichpai ĩchab Jacobo aajem); Tadeo, ichpai ĩchab Lebeo a thʉ̃ʉrjem;

San Mateo 13:55

Keena, ¿pãrau oowai jãg woun José pa waumie ag iewaa khabá, María dʉím? ¿Jã Santiago dʉi khod khabá, José dʉi, Simón dʉi maimua Judas dʉijã agjo?

San Mateo 2:23

Galilea durr barwi, sĩi khajapha Nazaret phobordamagta wetwi, mamta naaimajim aajem. Pari mag Nazaret phobor eeta naaimarran, maan Ẽwandamau ich i jaaumienag jaaujerrjo, Jesús Nazaretpierr a thʉ̃rju arr aawai ajima.

San Mateo 21:11

Magbaawai mag i dʉi õor pom wenʉrrʉm khʉʉnau, —Ẽwandam i jaaumie Jesús khabahab aajeejim, Galilea durr Nazaret phobor ee bãautarr.

San Marcos 14:67

Mag ʉʉirau Pedro õt khãai sim oobaicheewai i khĩir eerpa wai dʉnʉʉ awia irig, —Pʉjã ĩchab Jesús Nazaretpierr dʉi nʉrraajem khabahab ajim anʉm.

San Marcos 6:3

Keena, pãrau oowai, ¿ich mʉg woun kalpinter khabá anaajim anʉm, María iewaa? I eeugpeenauwai, Santiago, José, Judas maimua Simón. I ʉ̃phʉʉin khabahab ĩchab ar mʉig ich mʉg phobor ee naajem khʉʉn; maagwai ichjã maadeu khaphʉ nʉm, ich mʉiguim aawai.

San Lucas 18:37

Magbaawai ãbmua irig, —Jesús, Nazaretpierrta dich nʉrraawai khabahab mʉg õor pom sereu wetum ajim anʉm.

San Lucas 2:4

Magua Josejã ĩchab ich jooin phobor ee majim aajem, ich thʉ̃r phãmkhĩir. Ich José Galilea durr joobaajeejim anʉm, phobor Nazaret anʉm ee. Mamʉ jooingarm rey David khakhitarr ag chaain ewagam khʉʉn den arr aawai chi David thaabatarr phobor Belén anʉmʉgta majim anaabá, Judea durr.

San Lucas 2:48

Mag chi machnaan jãrr sim oobaicheewai, chi jooinau amach wir aigpai, —¡Mʉgah! Pʉde oobá, mʉigta sĩebma ajierram anʉm. Magbaawai chi ãdau magjim anʉm ich chaairag: —¿Khantheeta mʉgcha maar phithurg waupibarma? Pʉ jʉr wenʉrrʉmua marau pʉ khĩirju nʉʉ ajimwai ajim anʉm, ich chaairag.

San Lucas 24:27

Maimua jũrr ichdeuta warag amag jaaubaadejim anaabá. Nacha Moiseeu phãtarr gaaimua jaaupʉpʉig khĩeb chi Ẽwandam i jaaumienau phã pʉatarr gayam magwe, ich igwia beeju a jaau sĩsidʉm thum ajapha jaaudubjim aajem amag.

San Lucas 24:44

Mag ãwarrdam kho aaipawiata amag, —Keena, mʉg mʉch õrau thõojuuta mua pãrag jaaujeejimgui ajim anʉm, agtha maach ãba wenʉrraajeewaijã. Moiseeu Ẽwandam iek phãtarr gaai mʉ igwia jaau simjo, ichiita ich jãg mʉch dau aphʉʉ ajujã jaaujeejimgui ajim anʉm, mua pãrag. Maimua Ẽwandam i jaaumienau phãtarr gaaijã jaaunaa Davidau ẽsap Salmos anʉm phãtarr gaaijã mʉ igwia ich mag phã sĩsid aawai, chadcha ichdeu jaautarrjoo thum ag eyaa oberjimgui ajim anʉm amag.

San Lucas 3:23

Jesuu warrpem Ẽwandam iek õrag jaauwai treinta añosjo sĩejim aajem. Iin Ẽwandam Iewaa ajieb mamʉ, õraun José iewaa chaarpii aajeejim. Ich Jesús bãaurrjooi Joseeta Elí iewaa ajim aajem. Maagwai Elí Matat iewaa ajim;

San Lucas 4:22

Mag ũrwia thumaam khʉʉnau i wajapha ig iyʉʉ naajim anʉm. Mag nʉm dʉi irua iekdam ũrimʉ iekhamam ũrwia thum jʉ̃gderraa aphobaadejim anaabá. Mag ũrwia, jũrr amach wir aigpai, —Keena, ¿mʉg woun José iewaa khabamá? ¿Khani mag iekha oo simma? anaajim anaabá.

San Juan 1:44

Mag woundam Felipe anʉm phobordam Betsaida anʉm eem ajim, Andrés dʉi Pedropa ãba naajerr phobor eem.

San Juan 12:21

Makhʉʉnau Felipe aig beewia irigta, —Kake, marau Jesús dʉi iyʉʉ am khõsi nʉmgui aichejierram. Mag Felipeegta jeeuchetarran amachjo judionaan khabam ee bãautarr aawai ajim, amach kõit Jesuug iekhamkhĩir. Chi Felipe phobordam Betsaida anʉm eem ajim.

San Juan 14:8

Magbaawai jũrr Felipeeu ich Jesuug, —Señor, magan marag maach daúachata pʉch Aai oopibá, mag oobaawai marau khaphʉ nʉisijugui ajim, i jãga sĩerrʉ́.

San Juan 18:5

Magbaawai amachdeu, —Maran Jesús Nazaretpierrta jʉr nʉmgui ajim. Ichig magbaawai, —Mʉ khabahab ajim ich Jesuu.

San Juan 18:7

Magbaawai deeu ich Jesús garmua amag, —¿Ma pãar khaita jʉr wenʉrrʉmma? ajim. Magbaawai deeu amachdeu, —Maran Jesús Nazaretpierrta jʉr wenʉrrʉmgui ajim.

San Juan 19:19

Mag jiirjop sĩubaawai ich Pilatooupai ẽsapdau phãkhanaa i por ʉ̃r meerphe sĩupijim. Chi ẽsapdau “Jesús Nazaretpierr, judionaan Rey” a phã sĩejim.

San Juan 21:2

Maar maig naajim: Simón Pedro, Tomás am den i Meís a thʉ̃ʉrjerr, Natanael chi Galilea durr phobordam Caná anʉm eem, Santiago, mʉ, maimua mag tag maar khapeen agjo ich Jesús khapeen numí naajim.

San Juan 6:42

Mag sereu phobaadewi amach eepai, —Keena, pari ¿chamʉg Jesús maachdeu oo bãautarr khabá anaajim, José iewaa? Mag simta ¿jãga mag iita ʉ̃gtharmua beetarr abarju? Magan maadeuta i dennaan khaugba naab, i mag iekha chirʉm anaajim.

San Juan 6:5

Jesuu oowai mag ich ẽudee õor pooma beewia pos aichem oobaawai Felipeegta, —Felipe, õor pom mʉg wejom athee ¿jamta maadeu khoju bawaagauma? ajim.

San Juan 6:7

Magbaa Felipeeu irig, —Doscientos denarios wai nʉm anaa sĩi pan appai aukhiinjã, agdaujo dau ãhãbdojã dʉrrkhabajugui ajim.

Hechos 10:38

Pãrau khaphʉ nʉmgui ajim anʉm ĩchab, jãga Ẽwandamau Jesús Nazaretpierr gaai ich Akhaar phẽs deewi ich juapajã deejĩ, maimua jãga mag juapaau õor mepeer jua ee sĩsid arrjã peerdʉ aunaa ich nʉrrʉmpierr nem ajapha wau nʉrrajĩ, Ẽwandam i nʉrrʉm dʉi sĩerr aawai.

Hechos 2:22

Pedroou mag Ẽwandam iek phã pʉarr jaau dichwia, ĩchab ijẽjẽbkhamua, —Keena israelnaan, cha mua iekhaagpam ajapha ũrbat ajim anʉm. Pãrau khaphʉ nʉmgui ajim anʉm, Jesús Nazaretpierrta ich Ẽwandamaucha pʉitarr aawai pãach ee ag na nem mag ooba aajerr irua wau nʉrraajerr gaaimuata Ẽwandamau pãrag ich jua theeg oopijim.

Hechos 22:8

Mʉchig magbaawai jũrr mua irig, “Señor, ¿ma pʉ khaíuma?” a chirajim. Magbaawai mag õor chukhu sĩerr eemua mʉrʉg, “Mʉʉn Jesús, Nazaretpierrau a sĩejim. Pua jãg mʉ khapeen ẽudee ẽkha nʉrrʉm aig, mʉ ẽudeeta ẽkha nʉrrabahab” ajim.

Hechos 26:9

Magnaa ichdeupai, —Warran muajã chadcha jãg Jesús Nazaretpierr igar ʉkha wenʉrrʉm khʉʉn thum warre khaibag ee pʉiju aai nʉmpii chitajimgui ajim anʉm.

Hechos 3:6

Mag amachig eerpabaa Pedroou magjim anʉm irig: —Mʉ chan bʉ̃ʉrjã phatkhon chukhu chirʉm, mamʉ mʉchdeu podju ayaam chan mua pʉrʉg ĩgkhabam. Ãba Jesucristo Nazaretpierrau pʉch monaaujuuta khĩirjunaa phiidʉbaad ajim anʉm.