San Juan 1:44 - Wounaan Meu

⁴⁴ Mag woundam Felipe anʉm phobordam Betsaida anʉm eem ajim, Andrés dʉi Pedropa ãba naajerr phobor eem.

Woun Meu

⁴⁴ Mag woundam Felipe hanʌm p'öbördam Betsaida hanʌm heem hajim, Andrés dʌ̈i Pedropa hãba naajerr p'öbör heem.

San Juan 1:44 Iomraidhean Croise

San Mateo 10:3

Felipe, Bartolomé, Tomás, Mateo, gobierno debpaar jeeumie arr, (ajapcharan mʉchma, mʉchpai ĩchab Leví aajem); Santiago, jooi Alfeo iewaa, (ichpai ĩchab Jacobo aajem); Tadeo, ichpai ĩchab Lebeo a thʉ̃ʉrjem;

San Mateo 11:21

—¡Eh, apdurr, Corazinpien! ¡Eh, apdurr, Betsaidapienjã agjo, Ẽwandamau am i agkham ed! Am ee nem ooba aajem nem wau nʉmua Ẽwandamau ich juapá oopitarr Tiro phobor eeta wa Sidón phobor ee khãijã wautarr amuan, nawe amau amach khĩirjug khaigbam isegwi sʉrkhakhamgui ajim anʉm. Magtarr amuan amau theerju theerwia, ʉ̃r jupnaa, putiu por borrnaa, khoopa nʉm khʉʉn sʉrkhaajemjo sʉrkhakham. Mag nʉmua amau amach mor ãsie ewag khĩirjuwia Ẽwandamag jeeukham, amach khaibag chugpamkhĩir.

San Marcos 3:18

Andrés, Felipe, Bartolomé, Mateo, (ichpai Leví a thʉ̃r sĩejim); Tomás, Santiago, chi Alfeo iewaa, (ichpai agjo Jacobo a thʉ̃r sĩejim); Tadeo, (ichpai Judas anaa Lebeo aajeejim); Simón chi Cananista, maimua

San Marcos 6:45

Mag thach kho aaipawia Jesuu ich khapeenag, —Pãar mʉ na thoom igar Betsaidaag dʉrbagkhabaadet ajim anʉm, maimua jam phobor eeta mʉ nʉbaimat. Mʉʉn nau mʉg õor ereu thʉnʉm thum oopʉiwiata majugui ajim anʉm.

San Marcos 8:22

Mag wetmamua Betsaida phobor ee barimajim aajem. Mag barbaimaawai õrau woun ãb dau khĩsu khitʉm i aig waibeewi irig chaigpachejierram aajem, i gaai pʉrbaawai i dau monaaumkhĩir.

San Lucas 10:13

Mag ich iek iseg nʉm khʉʉn igwia, —¡Eh, apdurr Corazinpien! ajim anʉm. ¡Eh, apdurr Betsaidapienjã agjo, Ẽwandamau am i agkham ed! Am ee nem ooba aajem nem wau nʉmua Ẽwandamau ich juapá oopitarr Tiro phobor eeta wa Sidón phobor ee khãijã wautarr amuan, nawe amau amach khĩirjug khaigbam isegwia sʉrkhakham. Magtarr amuan, amau theerju theerwia ʉ̃r jupnaa, putiu por borrnaa, khoopa nʉm khʉʉn sʉrkhaajemjo sʉrkhakham. Magnaa amau amach mor ewag ãsie khĩirjuwia Ẽwandamag jeeukhamgui ajim anʉm, amach khaibag chugpaamkhĩir.

San Lucas 6:14

Mʉkhʉʉn irua jʉr autarr khʉʉn thʉ̃rʉu: Simón, (ichpai Jesuu Pedro a thʉ̃rjim); Andrés, (chi Simón eeum); Santiago, (ichpai ĩchab Jacobo a thʉ̃r sĩejim); Juan, (chi Santiago eeum); Felipe, Bartolomé,

San Lucas 9:10

Mag doce ich Jesuucha pʉitarr khʉʉn wenʉrrʉʉ awia bardʉtkhacheeu amachdeu nem wau wenʉrrarr thum irig ĩgkhachejierram aajem. Magbaawai chi Jesuu chawag am phe arrjim aajem, phobor Betsaida anʉm igaau õor chukag ee.

San Juan 1:43

Ag noram Jesús jũrr Galilea durr maju aadejim. Mag nʉm ee Felipe dʉi oojim. Mag oobaawai irig, —Felipe, mʉ dʉi marrau ajim.

San Juan 1:45

Maimua jũrr Felipeeu deeum woun Natanael anʉm jʉraan mawia, irig maguimajim aajem: —Natanael, maran ya Jesús dʉita wenʉrrʉmgui ajim anʉm, ar Nazaret phobor ee woun ãb José aajem ag iewaa dʉi. Ich jãg igwiata Moisés khararrau ẽsap phã pʉarr gaaijã jãg jaaunaa, Ẽwandam i jaaumienaujã jãg jaauba aajeejieba aimajim aajem Felipeeu.

San Juan 1:46

Magbaawai chi Natanaelau Felipeeg, —Ʉ̃khabamgui ajim anʉm. ¿Khaíu pʉrʉg jaauwai mag Nazaret phobor eemuata õor chi thethemkha oberju a jaaujĩ? ajim anʉm. Mamʉ magbaawai chi Felipeeu, —Magan oobahur ajim anʉm, khap aag.

San Juan 1:48

Jesuu ichig mag iekhabarm ũrbaawai Natanaelau irig, —¿Jãga pua mag mʉ o akhaar ajapha chirʉm khaphʉ chirʉ́? ajim. Magbaa Jesuu irig, —Felipeeu pʉ mawag eeurrju nawe, ar pʉch dikhu gaau higo bʉ eegar sĩewai, mua pʉ oobajieb ajim.

San Juan 12:21

Makhʉʉnau Felipe aig beewia irigta, —Kake, marau Jesús dʉi iyʉʉ am khõsi nʉmgui aichejierram. Mag Felipeegta jeeuchetarran amachjo judionaan khabam ee bãautarr aawai ajim, amach kõit Jesuug iekhamkhĩir. Chi Felipe phobordam Betsaida anʉm eem ajim.

San Juan 12:22

Magbaawai Felipeeu jũrr agjo maar khapeer ãb Andrés anʉmʉg jaauwia amach numiim khʉʉnau jũrr ich Jesús aarcha jawaan wetjim.

San Juan 6:5

Jesuu oowai mag ich ẽudee õor pooma beewia pos aichem oobaawai Felipeegta, —Felipe, õor pom mʉg wejom athee ¿jamta maadeu khoju bawaagauma? ajim.

San Juan 6:7

Magbaa Felipeeu irig, —Doscientos denarios wai nʉm anaa sĩi pan appai aukhiinjã, agdaujo dau ãhãbdojã dʉrrkhabajugui ajim.

Hechos 1:13

Mag wetwia phobor ee paaukhabaimaawai ʉ̃gthaa amach jẽerjem aar ãba biirdʉ nʉisijim aajem. Maig naajim aajem: Pedro, Santiago, Juan, Andrés, Felipe, Tomás, Bartolomé, Mateo, Santiago jooi Alfeo iewaa, Simón ibʉʉr wauwia Celote a thʉ̃ʉrjem, maimua Judas, woun ãb deeum agjo Santiago anʉm dʉi ãbam khʉʉn.