San Juan 1:41 - Wounaan Meu

⁴¹ Mag Andrés anʉmua ich naam Simón jʉraan mawia oobaimaawai irig, —Ya ĩsin chadau maran warrgarwe Ẽwandamau Mesías pʉiju a jaaujerr dʉita oobarmgui ajim anʉm. (Mag Mesías aawai griego meúa Cristo aawaiu.)

Woun Meu

⁴¹ Mag Andrés hanʌmua hich naam Simón jʌraan mawia hoobaimaawai hirig, —Ya hĩsin chadau maran warrgarwe Hẽwandamau Mesías pʌ̈iju ha jaaujerr dʌ̈ita hoobarmgui hajim hanʌm. (Mag Mesías haawai griego meúa Cristo haawaiu.)

San Juan 1:41 Iomraidhean Croise

San Mateo 1:23

“Ʉʉi õor meraa khitʉm bi ee pawi chaai ooju. Mag chaai thʉ̃rdam Emanuel a thʉ̃rju” a phã sim. (Is. 7:14) Mag Emanuel a simʉn, “Ẽwandam maach dʉi sim” aawaiu.

San Lucas 2:17

Mag amach daúa oobaimaawai chi Ẽwandam chogau amachig jaautarr thum jũrr amag ĩgkhaimajierram anʉm. Mag jaauwia, oberwia, deeu amach nemchaain aar wetumuajã amachdeu õor oomampierr ich mag jajawag wetjim aajem.

San Lucas 2:38

Mag agtha María ich chaai dʉi Aai i jeeujem deg nʉm ee, mag ũan Ana anʉmjã beewi Ẽwandamau ich Chaai pʉitarr khaug athaawai irig, “Ʉu ajim Ẽwandam; purua maar peerdʉ awaag pʉiju aajerr chaai barbaicheewai mʉ onee ʉmgui” ajim anʉm. Magnaa mag ich Ẽwandamaucha pʉiju a jaautarr ĩchab nʉajerr khʉʉnag chi chaaidam igwia, “Ich Ẽwandamau jaautarrjo chamʉguata mʉg atag maach peerdʉ auju ag Chaaidamauwai” aajeejim anaabá.

San Juan 1:45

Maimua jũrr Felipeeu deeum woun Natanael anʉm jʉraan mawia, irig maguimajim aajem: —Natanael, maran ya Jesús dʉita wenʉrrʉmgui ajim anʉm, ar Nazaret phobor ee woun ãb José aajem ag iewaa dʉi. Ich jãg igwiata Moisés khararrau ẽsap phã pʉarr gaaijã jãg jaaunaa, Ẽwandam i jaaumienaujã jãg jaauba aajeejieba aimajim aajem Felipeeu.

San Juan 4:25

Magbaawai jũrr chi ʉʉirau irig, —Ʉ̃ʉjʉ̃, mua khaphʉ ʉmgui ajim anʉm, Cristo anʉm beeju, warrgarwe ich Ẽwandamau pʉiju a jaaujerr. Mag ich pierrum edta ichdeucha thumaa wajapha jaauchejugui ajim anʉm, jãga sĩerrʉ́ Ẽwandam.

Hechos 10:38

Pãrau khaphʉ nʉmgui ajim anʉm ĩchab, jãga Ẽwandamau Jesús Nazaretpierr gaai ich Akhaar phẽs deewi ich juapajã deejĩ, maimua jãga mag juapaau õor mepeer jua ee sĩsid arrjã peerdʉ aunaa ich nʉrrʉmpierr nem ajapha wau nʉrrajĩ, Ẽwandam i nʉrrʉm dʉi sĩerr aawai.

Hechos 4:27

’Ẽwandam, magtarr aawai chadcha David khararrau jaautarrjo ich mʉg phobor eeta ãba biirdʉjim: Erodes, Poncio Pilato, ich mʉg Israelpien dʉi deeum durram khʉʉnpa; mag ãba biirdʉnaa maach Por Jesús bʉ̃ʉrjã pekau chukhu khitʉm pʉchdeu jʉr autarr khaibag wawaag.

1 Juan 1:3

Mag maach daúacha oowia maach jʉ̃gʉucha ũrtarrpa pãrag jaau nʉmʉn, mʉg maachjã ich Jooi chaar dʉijã khapeerkhanaa chi Iewaa Jesucristo dʉijã khapeerkha nʉmjo ĩchab pãarjã maach dʉi khapeerkhanaa õor ãbpaimjo naamkhĩrau.