San Juan 1:38 - Wounaan Meu

³⁸ Mag dichmamua ewag oowai, maar ich ẽudee wetum khaug athaawai marag, —¿Pãar khanta jʉr wenʉrrʉ́ma? ajim. Magbaawai marau jũrr irig, —Maestro, ¿pʉ jam chiraajẽ? ajim.

Woun Meu

³⁸ Mag dichmamua hewag hoowai, maar hich hẽudee wëtum k'aug hat'aawai marag, —¿Pãar k'anta jʌr wënʌrrʌ́ma? hajim. Magbaawai marau jũrr hirig, —Maestro, ¿pʌ jam chiraajẽ? hajim.

San Juan 1:38 Iomraidhean Croise

San Lucas 10:39

Mag Marta anʉm eeum María a thʉ̃r sim sĩejim aajem, i dʉi khod ãbam. Mag María beewi sĩi Jesús dakha i iekha simpai ũr oo sĩsijim anaabá.

San Lucas 14:25

Mag Jesús mam dʉi i ẽudee õor pooma wetmajim aajem. Mag ich ẽudee wetum khʉʉnag magjim anʉm:

San Lucas 15:20

’Mag ich appai iyʉʉ oo sĩewia baubaadeeu chadcha ich aai aar petajim aajem. Mag mamua agtha di warphaa sĩwe chi ayau oo athajim anʉm, i chaaita dau aphʉʉ ur khitʉm. Magbaawai jooi thãrau ãwatbajim aajem. Mag warag khaphig mawia ich chaai o phʉʉr jõinaa khĩir ʉ̃ʉ aujim aajem.

San Lucas 19:5

Mag i pa gaai ʉ̃gthaa simta, Jesuu beewia, ʉ̃gthaag oonaa, i thʉ̃r thʉ̃rnaa irig, —Zaqueo, jopai eeg ʉʉrbabaad, maimua marrau; ĩsin mʉʉn pʉ aigta jẽerimajugui ajim anʉm.

San Lucas 22:61

Mag ãthãrr bĩebaawai maach Por Jesucristoou ewag phʉʉrba oo nʉʉ ajim aajem, Pedroog. Maigta Pedroou khĩir eyaa aadejim anaabá, maach Porou ichig, “Pedro, ãthãrr bĩeju nawe õrau pʉchig jeeuwai biek thãrjup pua bʉ̃ʉrjã mʉ khaugba chitʉm a iekhaju” a jaautarr.

San Lucas 8:38

Mamʉ mag am wetaagpam ee, chi woun mag dosãt beneu baarjerrau Jesuug jejeeu aajeejim anaabá, i dʉi maag. Mamʉ Jesuu i arrba warag irig,

San Juan 1:37

Maach jʉ̃g daar maach maestro Juanau mag iekhabarm ũrbaawai Jesús ẽudee maar wetjim.

San Juan 1:39

Magbaawai Jesuu marag, —Magan mʉ dʉi wettarrau ajim, mʉ chiraajem aar khaugaan. Magbaa chadcha i dʉi wetwi i sĩerr aar maar barimajim. Mamʉ ya maagwai kheeuragam las cuatrojo sĩerr aawai warag ich maig kheujim.

San Juan 1:49

Magbaa Natanaelau, —Maestro, pʉʉn chadchata Ẽwandam Iewaau. Pʉch khabahab ajim, israelnaan Rey marau nʉ narr.

San Juan 12:21

Makhʉʉnau Felipe aig beewia irigta, —Kake, marau Jesús dʉi iyʉʉ am khõsi nʉmgui aichejierram. Mag Felipeegta jeeuchetarran amachjo judionaan khabam ee bãautarr aawai ajim, amach kõit Jesuug iekhamkhĩir. Chi Felipe phobordam Betsaida anʉm eem ajim.

San Juan 18:4

Pari mag beewia amau ich dʉi magcheju ich Jesuu khaphʉ sĩerrjã, warag am khĩirphee mawia amag, —¿Pãar khaita jʉr wenʉrrʉ́? a jeeujim amag.

San Juan 18:7

Magbaawai deeu ich Jesús garmua amag, —¿Ma pãar khaita jʉr wenʉrrʉmma? ajim. Magbaawai deeu amachdeu, —Maran Jesús Nazaretpierrta jʉr wenʉrrʉmgui ajim.

San Juan 3:2

Mag wounau edaar Jesús aig beewia irig, —Maestro, marau khaphʉ nʉmgui ajim, chadcha Ẽwandamauta pʉ pʉijim, ich iek marag jaaumkhĩir. Í pʉ dʉi sĩewai merag chukhu simgui ajim, jãg ag na õrau nem ooba aajempa pʉchdeu wau sim gaaimua. Magba aawai ni ãbmuajã jãg pua nem wau simjo wauba nʉmgui ajim. Magua mʉ pʉ aigta beejimgui ajim, Ẽwandam chi Porkha sim aar jãga mʉ i dʉi chirsiju mʉchig khap jaaumkhĩir.

San Juan 3:26

Mag ijẽjẽb nʉʉ awia warag ich Juan aarcha wetwia ichigcha, —Maestro, ar chum Jordán igaau edau obeerjem igar, pʉchdeucha marag jaauwai Ẽwandamau pʉitarr a sĩerr wounaujã ĩchab õor por choo nʉrrʉm aajemgui ajim anʉm. Maagwai õor pom ʉ̃rcha i aarta phẽphẽeukham aimajierram aajem irig.

San Juan 4:31

Pari mag chi ʉʉi phobor ee nʉrrʉmich, ya maar deeu i aig paaukhachewi narr aawai marau irig, —Maestro, thachdam kho athá aajeejim. Pari mag ichig thach khopi jaaubaawai jũrr,

San Juan 6:25

Maimua mag wetwia chadcha ag khĩirphee Jesús sim oobaimaawai irig, —Maestro, ¿khan orata pʉ mau pabaadejĩma? ajierram.

Hechos 10:21

Ichig magbaa chadcha Pedroou ʉʉrbawi mag Cornelio ich jʉrmkhĩir pʉitarr khʉʉnag, —Pãran mʉʉta jʉr wenʉrrʉm, mʉʉn mʉigta chirʉmgui ajim anʉm. ¿Khandam athee beejierrá? a jeeujim aajem amag.

Hechos 10:29

Maguata, mʉch aar jaaubaimaawai mua bʉ̃ʉrjã magʉm aba, chadcha beewi mʉig pãar dʉi chirʉm keena. ¿Khan athee pãrau mʉ thʉ̃rpʉijierrá? ajim aajem Pedroou.