San Juan 1:34 - Wounaan Meu

³⁴ ĩsin chadau mua i khaphʉ chirʉmgui ajim, mag mʉchig jaautarrjo beewi i gaaita jupbaichem mʉch daúacha ootarr aawai. Maguata ĩchab mua khaphʉ chirʉmgui ajim Juanau Jesús igwia, i chadchata Ẽwandam Iewaau.

Woun Meu

³⁴ hĩsin chadau mua hi k'ap'ʌ chirʌmgui hajim, mag mʌchig jaautarrjö bëewi hi gaaita jupbaichëm mʌch daúacha hootarr haawai. Maguata hĩchab mua k'ap'ʌ chirʌmgui hajim Juanau Jesús higwia, hi chadchata Hẽwandam Hiewaau.

San Juan 1:34 Iomraidhean Croise

San Mateo 11:27

Mag ich Ayag ʉu ajim awia jũrr aig narr khʉʉnagta, —Nem thum mʉg thʉnʉmʉn mʉ Ayau mʉrʉgta deejimgui ajim anʉm. Mamʉ ãbmuajã khaugba sim, khai agá i Iewaa. Ãba ich mʉ Ayaupaita khaphʉ sim, chadcha mʉ i Chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã, mʉchdeu amag jaaubarm khʉʉnaupaita ĩchab khaphʉ aju aai nʉmgui ajim anʉm.

San Mateo 16:16

Magbaawai Simón Pedroou, —Pʉ Cristo khabahab ajim irig, ich Ẽwandam Iewaa warrgarwe ichdeu jʉr auwia õor peerdʉ aumkhĩir pʉiju a jaaujerr.

San Mateo 17:5

Mamʉ Pedro mag iekha dʉnʉm ee, jʉʉnthumie baug beewi am joodʉ athaichejim anaabá. Magbarm ee mag chi jʉʉnthumie eemuata woun iekjo, “Chamʉʉta mʉ Iewaa mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua nem jaau simta ipierraa abat” a iekhabarm ũrjierram anʉm.

San Mateo 26:63

Pari magʉmjã Jesús bʉ̃ʉrjã jʉ̃ʉ aba, warag khĩuu sĩsijim aajem. Mag ich iek ʉkhaba abaawai deeu irig chi phadnaan porou, —Maach Ẽwandam ich mag iiu sĩerrʉm iek gaai thʉwi muata pʉrʉg “Jaaubá” a chirʉm. ¿Pʉʉta chadcha Ẽwandam Iewaa ichdeucha jʉr auwia pʉiju jaaujerrá? Marag jaaubá ajim anʉm.

San Mateo 27:40

—Wa jãgʉm khaba puan mag Aai i jeeujem dijã thum pogueupʉinaa deeu khãai thãrjuppaim ee eu dʉnʉʉuju aajerrta, jãg pua wir aig pʉchpai peerdʉ aubama. Pʉ chadcha Ẽwandam Iewaa khai, magan jãg pakuls gaaimua eeg ʉʉrbabaad aajeejim irig.

San Mateo 27:43

Pʉ iek mag Ẽwandamau pʉ chig apibaju anarr aawai, chadcha ichdeu pʉ khõsi sim khai, nau irua pʉ khaigper auju. Magaag pʉchdeuchajã pʉ Ẽwandam Iewaa anarrau aajeejim irig, ya pakuls gaai pawiajã.

San Mateo 27:54

Magbaawaita capitán soldaaun dʉi Jesús pakuls gaai jiir wejom eegar narr khʉʉnau mag ʉʉur theeg duuibaadem ee, mamagkham oophobaadee jãphierr nʉm iekhau warag, —Mʉg wounan chadchata Ẽwandam Iewaa ajim ajierram.

San Mateo 3:17

Magbarm ee ĩchab ʉ̃gtharmua woun iekjo, “Mʉʉta mʉ Chaai mʉchdeu jãsehne wai chitʉmʉu; i gaaimua mʉ onee chiraajemgui” abarmjã ũrjim anaabá.

San Mateo 4:3

Magbaadem eeta dosãt chi dau lok beejim anaabá, i imeerkha i khũgur auwia Jooi dau na nem khaigbam waupiju ẽkhaag. Mag beewi irig, —Pʉ chadcha Ẽwandam Iewaa khai, magan mʉ dakhĩir mokdau mʉg thʉnʉm panag paabapʉi aichejim anʉm.

San Mateo 4:6

irig magjim anaabma, chi dosãtau: —Pʉ chadcha Ẽwandam Iewaa khai, magan mʉg ee baubaad ajim anʉm. Pʉ chig aba khabahab. Ẽwandam iek phã sim gaai, “Ich Ẽwandamau ich chognaan pʉiju” a sĩebahab ajim anʉm, “pʉ thʉa wenʉrramkhĩir.” Maagwai mʉg ee pʉ baudʉkhiinjã, “amau sĩi amach jua eeta pʉ jãau aubajup, buju aimaau pʉ chig am ugua.” ¡Baubaad! ajim anʉm, chi dosãtau irig.

San Mateo 8:29

Mag i dakha beewi i thʉ̃rcha thʉ̃rthʉ̃rnaa irig, —Jesús, Ẽwandam Iewaa, ¿khantheeta pʉ maar dʉi mʉgbaichema? Mʉʉgwaiwe chan oob maar chig a chiram ajierram anʉm, mag chi dosãt ben wai narr khʉʉnau.

San Marcos 1:1

Warrcha maach peerdʉajem iek jawaag Jesucristo Ẽwandam Iewaa beetarran mʉgta ajim aajem:

San Marcos 1:11

Magbarm ee ĩchab ʉ̃gtharmua õor iekjo, “Iewaa, pʉʉta mʉ Chaai mʉchdeu jãsehne wai chitʉmʉu; pʉ gaaimua mʉ onee chiraajem” abarmjã ũrjim aajem.

San Lucas 1:35

Magbaawai chi Ẽwandam chogau magjim anʉm: —Jãan ich Cha Ʉ̃gthaa Phuu Nʉm ag Akhaar pʉ gaai sĩeicheewaita pʉ jõorjugui ajim anʉm, ich iiu aawai. Mag gaaimua mʉg chaai pua oobarm bʉ̃ʉrjã khaibag chukhu auwia ich mag khitaju. Ich Ẽwandamauta ich iiu pʉ bi ee papi sim den aawai i thʉ̃r Ẽwandam Iewaa a thʉ̃rjugui a jaaujim aajem.

San Lucas 3:22

Ẽwandam Akhaar duburjo khitʉmta dau daau beewia i ʉ̃r jupchejim anʉm. Mag jupbaichem dʉi edjã eemua woun iekjo, “Iewaa, pʉʉta mʉ Chaai mʉchdeu jãsehne wai chitʉmʉu, pʉ gaaimua mʉ onee chiraajem” abarmjã ũrjim anaabá.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 1:49

Magbaa Natanaelau, —Maestro, pʉʉn chadchata Ẽwandam Iewaau. Pʉch khabahab ajim, israelnaan Rey marau nʉ narr.

San Juan 10:30

Magnaa, Mʉ mʉch Aai dʉin maran ich ãbampaiugui ajim.

San Juan 10:36

Ich Ẽwandamauta ich aarmua mʉ jʉr auwia mʉg jẽb gaai pʉitarrta, ¿jãga pãrau mʉrʉg mag mua khaigba iekha chirʉm abarju, mua Ẽwandamag Aai icheewai?

San Juan 11:27

Magbaawai chi Martaau, —Señor, mua khaphʉ ʉmgui ajim, pʉ chadcha ich Ẽwandam Iewaau. Pʉʉta warrgarwe ich Ẽwandamau ich iek jaaumkhĩir mʉg jẽb gaai pʉiju aajerr khabahab ajim irig.

San Juan 19:7

Magbaawai chi judionaanau jũrr irig, —Ichdeucha jaauwaijã iita Ẽwandam Iewaa anaawai ichiita thõopʉiju aai simgui ajierram, maar ley gaai jaauwai mʉg maach agdaujopai nʉmta mag iekha simʉn thõopʉiju aai nʉm a jaau sĩewai.

San Juan 20:28

Magbaawaita Tomaau ichigcha, —Señor, pʉʉta mʉ Por anaa mʉ Ẽwandamaugui ajim.

San Juan 20:31

Pari mʉg thum mag mʉg ẽsap gaai jaau chirʉmʉn, jãan chadcha Jesuun Ẽwandamau ich Iewaa ichdeucha jʉr auwia warrgarwe pʉiju a jaaujerrjo pʉitarrta pãrag khap amkhĩrau; mag khaphʉnaa i iek ʉkha phobaadeewai mʉg atag pawiajã i dʉi ãba ich mag khapeerkha nʉm gaaimua iiu wenʉrramkhĩir.

San Juan 6:69

Maguata marau pʉ iek ʉkhajim. Maimua marau khaphʉ nʉm, pʉ chadcha Ẽwandam Iewaa pekau chukhu khitʉm khabahab ajim, ichdeu pʉiju a jaaujerr.

Romanos 1:4

Mamʉ mag amau i thõotarrta deeu iiu phiidʉtarr gaaimua, maimua Ẽwandam Akhaar i dʉi sĩejeewai ag jua theegau õor ajaug paajem gaaimua, ichta Ẽwandam Iewaa chi jua thierrkha sĩerrʉmjã õrag khap apiejem.

2 Corintios 1:19

Silvano dʉi Timoteo maimua mʉchdeujã agjo maach thum Jesucristo Ẽwandam Iewaa iekta jaau wenʉrraajem. Ich Cristooujã nem mag awia deeu ich ag iek igwiapai mag khabam aba sĩerraawai maraujã pod magju khaba nʉm. Cristoou ichdeu mag abarmʉn ich magta nem wau sĩerrʉm.

Hebreos 7:3

Ẽwandam iek phã sim gaai bʉ̃ʉrjã jaauba sim, khai ajĩ i aai wa khai ajĩ i ãd, bʉ̃ʉrjã am jooinjã jaauba sim. Agjo bʉ̃ʉrjã i thaabatarrjã jaauba, ni i meetarrjã jaauba sim. Ajapcharan mag phaden peer Ẽwandam Iewaa Cristo dʉi agjoota sim; maguata ichjã Cristojo ich magta phadkha sĩerrajim.

1 Juan 2:23

Ar chi Ẽwandam Iewaa Cristo iekjã ʉkhaba simuan waragta Ẽwandam chi Aaijã iseg sim; magarrau ar chadcha Ẽwandam Iewaa Cristo igar simʉn chadau ĩchab chi Aai dʉijã khapeerkha sim.

1 Juan 3:8

pari magba ar pekauta wau nʉm khʉʉnan mepeer den aawaita mag nʉm, ich chi mepeerjã ich warrgarwe ich mag pekau wau sĩerraawai. Wajapcharan ich Ẽwandam Iewaa mʉg jẽb gaai beetarran, mag meperau õor khũgur wai simua pekau ee preso phe wai sĩerrjo narr khʉʉn i jua chaaur weeukhapʉyaanta beejim, tag meperagta maach ʉ̃rpai apimaaugau.

1 Juan 4:9

Mag ichdeu maach daupii sim khap apiegta Ẽwandamau ich Chaai ãbpai khitʉm mʉg jẽb gaai pʉijim, mag pʉiwia meebarmua maach ich denkha auwia ich mag ich dʉi wai nʉrraag.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.

2 Juan 1:9

Ãbmua khãijã maach Por Jesucristo iekta bigaau sĩunaa ag khãai wajapcharamta jawaag awia i iek khabamta jaau nʉrrʉmʉn, magan Ẽwandam i dʉi khaba sim. Mamʉ Cristoou jaau pʉarr iek ichdeu ʉkhatarrta ogdʉba ʉkha simʉn chadau ich Ẽwandam chi Aai dʉi chi Iewaajã i dʉi nʉm.

Apocalipsis 2:18

Tiatira phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan Ẽwandam Iewaa ar dau sĩi õtdau uu thʉnʉmjonaa bʉjã sĩi broncejo phuunaa bʉpá theeg sĩerrʉmuata pʉrʉg mʉg iek jaaupʉipijim. Magtarr aawai chamʉ́ pʉ atheem iek jaaupitarrau: