San Juan 1:33 - Wounaan Meu

³³ Ag nawe chan mua khaugba chirajimgui ajim, iita warrgarwe Ẽwandamau pʉiju a jaaujerrkha sim. Mamʉ mʉg õor por choomkhĩir mʉch pʉitarrauta mʉchigcha, “Ar pʉch dakhĩraa chi Akhaar ʉ̃gtharmua beewia woun ãb sim gaai jupbaicheewai pua khaphʉ aju, mag wounauta ich Ẽwandam Akhaarcha õrag deemaju” a jaautarr aawai,

Woun Meu

³³ Hag nawe chan mua k'augba chirajimgui hajim, hiita warrgarwe Hẽwandamau pʌ̈iju ha jaaujerrk'a sim. Mamʌ mʌg hõor pör choomk'ĩir mʌch pʌ̈itarrauta mʌchigcha, “Har pʌch dak'ĩraa chi Hak'aar hʌ̃gt'armua bëewia woun hãb sim gaai jupbaicheewai pua k'ap'ʌ haju, mag wounauta hich Hẽwandam Hak'aarcha hõrag deemaju” ha jaautarr haawai,

San Juan 1:33 Iomraidhean Croise

San Mateo 3:11

Mua chan pod pãar thãar wajaug paa aubam. Ẽwandamagta pãach khaibag chugpaapi jeeubaawai muan sĩi dodamaupaita pãar por choo chirʉmgui ajim anʉm. Pari mʉ ẽudee ãb urumʉn chadau mʉ khãaijã jua theeg ʉ̃rpai sĩewai, jãguan chad Ẽwandam Akhaarjã pãrag deewi pãar khaibagjã õtdau ee warre orbapʉimjota aju ajim anʉm. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

San Lucas 3:16

Amau mag iekha nʉm Juanau ag nawe ũr wai sĩerr aawai thumaam khʉʉn jʉ̃g daar magjim anʉm: —Mua pod pãar thãar ajaug paa aubam. Muan sĩi dodamaupaita pãar por choo chirʉmgui ajim anʉm. Mamʉ ẽudee ãb urumta mʉ khãyaujã jua theeg ʉ̃rcha sim. Jãguan chad ich Akhaarjã pãrag deewia pãar khaibagjã õtdau ee warre orbapʉimjota aju. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

San Juan 1:31

Mag jaaumamua, Mʉchdeujã khaugba chirajimgui ajim, iita ich Ẽwandamaucha pʉitarr. Pari ĩsin chad mua khaphʉ chirʉmgui ajim, ich khabahab maachdeu nʉ narr. Mamʉ mʉg maach israelnaanag i khap amkhĩirta muan jãg õor por choo chitʉmgui ajim.

San Juan 14:26

Pari mʉ jũrr mʉ Ayau ich Akhaar pãar khĩir jãsenkhamkhĩir pʉibaawai maguata jũrr pãrag nem thumaa jaaunaa mua pãachig jaaujerrjã deeu thumaa pãrag khĩir eyaa apijugui ajim.

San Juan 3:34

Í chadcha ich Ẽwandamauchata pʉitarr aawai ich Ẽwandam khĩirjugta jaau simgui ajim anʉm, magamkhĩirta irig ich Akhaarjã phẽs dee sĩewai.

San Juan 3:5

Magbaawai jũrr Jesuu deeu ũwaai, —Ʉ̃hʉ̃, mua chan sĩi thaabaa chaar thaaba nʉm jaauba chirʉmgui ajim. Mua mag eeupemjo thaabaju a chirʉmʉn, Juanau por choo simua jaaujerrjo Ẽwandam Akharag dich khĩirjug chi iiurig paapʉipi nʉmta jaau chirʉmgui ajim. Magbam chan pod Ẽwandam sim aar oberbam, agtha i den khaba sĩewai.

San Juan 7:39

Mag sim aiguin Jesuu i iek ʉkhabarm khʉʉnaun Ẽwandam Akhaarta auju a sim ajim. Pari maagwai chan agtha chi Ẽwandam Akhaar beeba sĩejim, ich Jesujã agtha ich Aai aar ʉ̃gthar maba sĩerr aawai.

Hechos 1:5

Juanaun chadcha dodamaupaita õor por choojeejim, mamʉ mʉgtarr khur pomcha khaba nʉm ee, jũrr Ẽwandamau ich Akhaarta pãrag deejugui ajim anʉm. Mag ich Akhaar deebarmuata, chadcha pãar por choo chaar por choo nʉisijugui ajim aajem Jesuu amag. Teófilo, maach Por Jesuu mag iekhatarr aawai, chadcha ichdeu iekhatarrjo, jãga mag Ẽwandam Akhaar beejĩ a khap amkhĩirta ĩs mua deeu pʉrʉg mʉg ẽsap phã deepʉi chirʉm. Maimua mag beewi, jãga mag ich Jesuu ichdeucha jʉr autarr khʉʉn ee sĩeichewi, amag nem waupimarrjã agjo mua pʉrʉg jaaupäaigpam.

Hechos 2:4

Mag õtdau khĩirjo simta õor por ʉ̃r dʉrjopkhabarmjo arrau Ẽwandamau ich Akhaarta thumaam khʉʉn gaai phẽs deebarmua agdaujo deeum meu amachdeu bʉ̃ʉrjã iekhaba aajerrta waa iekha nʉrrjee aphobaadejim anʉm, ich chi Ẽwandam Akharau iekhapimampierr.

1 Corintios 12:13

Judionaan wa judionaan khabam khʉʉn, sĩi chikham chognaan wa amach cuenta nʉrrjeem khʉʉnpa maachin thum ãba ãbam Ẽwandam Akhaar auwiata por choo nʉm, mag i Akhaar athaawai maach thumaam khʉʉnag Cristo mor ãbpai obeer aumkhĩir. Magua mʉg maach khapan thʉnaab mamʉ, ãbam Akhaarpaita wai naawai chadcha maachta Cristo morkha nʉm.