San Juan 1:26 - Wounaan Meu

²⁶ Magbaawai Juanau, —Muan sĩi dodamaupaita õor por choo chitʉmgui ajim. Pari pãach ee woun ãb sim, ichta ich Ẽwandamaucha pʉiju a jaaujerrau. Ma agtha pãrau khaugba naabahab, mamʉ i barcheewai khĩir khaug naamkhĩirta ag nawe mua õor por choo chitʉmgui ajim.

Woun Meu

²⁶ Magbaawai Juanau, —Muan sĩi dödamaupaita hõor pör choo chitʌmgui hajim. Pari pãach hee woun hãb sim, hichta hich Hẽwandamaucha pʌ̈iju ha jaaujerrau. Ma hagt'a pãrau k'augba naabahab, mamʌ hi barcheewai k'ĩir k'aug naamk'ĩirta hag nawe mua hõor pör choo chitʌmgui hajim.

San Juan 1:26 Iomraidhean Croise

San Mateo 3:11

Mua chan pod pãar thãar wajaug paa aubam. Ẽwandamagta pãach khaibag chugpaapi jeeubaawai muan sĩi dodamaupaita pãar por choo chirʉmgui ajim anʉm. Pari mʉ ẽudee ãb urumʉn chadau mʉ khãaijã jua theeg ʉ̃rpai sĩewai, jãguan chad Ẽwandam Akhaarjã pãrag deewi pãar khaibagjã õtdau ee warre orbapʉimjota aju ajim anʉm. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

San Mateo 3:6

Mag beewia amach pekau Ẽwandamag chugpaapi jeeubaawai ichdeu am por choopʉimaajeejim aajem, Jordán ee.

San Marcos 1:8

Muan sĩi dodamaupai pãar por choo chirʉm. Pari ichcha beem ed gaai ichdeun pãrag ich Ẽwandam Akhaarchata deejugui” aajeejim aajem õrag, mag Jesús beeju igwia.

San Lucas 3:16

Amau mag iekha nʉm Juanau ag nawe ũr wai sĩerr aawai thumaam khʉʉn jʉ̃g daar magjim anʉm: —Mua pod pãar thãar ajaug paa aubam. Muan sĩi dodamaupaita pãar por choo chirʉmgui ajim anʉm. Mamʉ ẽudee ãb urumta mʉ khãyaujã jua theeg ʉ̃rcha sim. Jãguan chad ich Akhaarjã pãrag deewia pãar khaibagjã õtdau ee warre orbapʉimjota aju. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

San Juan 16:3

Mag amau pãar dau aug wau nʉmʉn, agtha bʉ̃ʉrjã mʉ Aai khaugba ni mʉjã khaugba aawaiu.

San Juan 17:25

Tata, puata thumaam khʉʉn dʉi chadcha nem agcha waaujeewai pʉrʉgta jeeu chirʉmgui ajim. Ar pʉ iek ʉkhaba nʉm khʉʉnau chan pʉ khaugba nʉm, mag amachdeu ʉkhaba nʉm gaaimua. Pari õor pom sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉi durrum khʉʉnaujã puata mʉ pʉitarr khaphʉ nʉmgui ajim ĩchab.

San Juan 17:3

Mag am ich mag mʉ dʉi wenʉrraagan, amau pʉjã khaphʉnaa mʉjã khaphʉ aju aai nʉmgui ajim: ãba pʉʉta Ẽwandam charau, maagwai mʉ Jesucristo, pʉchdeu pʉitarr.

San Juan 8:19

Magbaawai chi fariseonaanau, —Magan ¿jam sĩ pʉ aai? ajierram irig. Magbaawai Jesuu, —Pãrau chan mʉjã khaugba, ni mʉ Aaijã khaugba nʉmgui ajim. Pãrau mʉ oo naawai mʉ khaphʉ naakhiin, ĩchab mʉ Aaijã khaphʉ naakhamgui ajim, i jãga sĩerrʉ́.

Hechos 1:5

Juanaun chadcha dodamaupaita õor por choojeejim, mamʉ mʉgtarr khur pomcha khaba nʉm ee, jũrr Ẽwandamau ich Akhaarta pãrag deejugui ajim anʉm. Mag ich Akhaar deebarmuata, chadcha pãar por choo chaar por choo nʉisijugui ajim aajem Jesuu amag. Teófilo, maach Por Jesuu mag iekhatarr aawai, chadcha ichdeu iekhatarrjo, jãga mag Ẽwandam Akhaar beejĩ a khap amkhĩirta ĩs mua deeu pʉrʉg mʉg ẽsap phã deepʉi chirʉm. Maimua mag beewi, jãga mag ich Jesuu ichdeucha jʉr autarr khʉʉn ee sĩeichewi, amag nem waupimarrjã agjo mua pʉrʉg jaaupäaigpam.

Hechos 11:16

Magbaawaita mua khĩir eyaa aadejimgui ajim anʉm Pedroou, maach Por Jesuu mʉchig, “Juan chi por choomieun chadcha dodamaupai pãar por choojieb mamʉ, mʉgtarr khur ich Ẽwandam Akhaarchata pãrau pãach gaai phẽs wai nʉisiju” a iekhatarr.

Hechos 19:4

Magbaawaita Pabloou amag magjim anʉm: —Juanaun chadcha õrau amach khaibag isegwi Ẽwandamag chugpaapi jeeubaawaita am por choopʉimaajeejimgui ajim anʉm. Mag por choo nʉisib mamʉ, amau ĩchab i ẽudee ãb i khãaijã ʉ̃rpai sim urum iekta ʉkhaju aai nʉmgui aajeejim anaabá, ajapcharan Jesucristo igwiama.

1 Juan 3:1

Keena pãade khĩirjubat jãga Ẽwandamau maach khõsi sĩ: mag ich garmua maach khõsi sĩewai irua maachig ich chaain a thʉ̃rju aai sim, maach chadcha ich chaain aawai. Sĩi ar parhooba i iek ʉkhaba nʉm khʉʉnau chan ich Ẽwandam Iewaa mʉg jẽb gaai sĩethuurwaijã pod i khaug auba arr aawaita ĩs mʉg maach Ẽwandamau ich chaainkha wai simjã pod khaugba nʉm, jãga awia mag nʉ.