San Juan 1:23 - Wounaan Meu

²³ Magbaawai Juanau amag magjim: —Mʉʉn warrgar Ẽwandam i jaaumie Isaías khararrau jaautarrjo, ajappai õor barba aajem aar chiraajemʉugui ajim. Mʉʉn sĩi, “Maach Por beeimʉʉ sĩewai i beeju nawe pãach thãar khĩir khaugbat thãraucha khõsi i iek ʉkhaag” a jaaujemʉugui ajim.

Woun Meu

²³ Magbaawai Juanau hamag magjim: —Mʌʌn warrgar Hẽwandam hi jaaumie Isaías k'ararrau jaautarrjö, hajappai hõor barba haajem haar chiraajemʌugui hajim. Mʌʌn sĩi, “Maach Pör bëeimʌʌ sĩewai hi bëeju nawe pãach t'ãar k'ĩir k'augbat t'ãraucha k'õsi hi hiek hʌ̈k'aag” ha jaaujemʌugui hajim.

San Juan 1:23 Iomraidhean Croise

San Mateo 3:3

Mamʉ maan Juanau mag jaau nʉrraju igwiata chi Ẽwandam i jaaumie Isaías khararrau Ẽwandam iek phãawaijã mag phãjiebma: “Woun ãb ajappai õor barba aajem aar sĩejemuata, ich aar õor barbaimaawai, ‘Maach Poron ya beeimʉʉ sim’ a jaau nʉrraju. ‘I beeju nawe pãach thãar khĩir khaugbat’ aju, ‘thãraucha khõsi i iek ʉkhaag’ ” a phã sim. (Is. 40:3)

San Marcos 1:3

“Mag woun ajappai õor barba aajem aar sĩejemuata ich aar õor barbaimaawai pʉ jaaumamua, ‘Ya maach Por beeimʉʉ sim’ a jaaumaju, pʉ igwia. Mag pʉ igmamua, ‘I beeju nawe pãach thãar khĩir khaugbat’ a jaaumaju, thãraucha khõsi pʉ iek ʉkhamkhĩir.” (Is. 40:3) Magta ajim aajem Ẽwandamau ich Iewaag, Juan igwia.

San Juan 1:22

Pari magʉmjã pʉaba, —¿Pʉ khaíuma? ajierram. Pua marag pʉch jaaubam, ¿marau khan a jaaubaimaagauma maach pʉitarr khʉʉnag? ajierram irig.

San Juan 1:24

Pari mag khap aag irig jewaan beetarr khʉʉnjã Moiseeu phã pʉarr iek wajapcha ʉʉrkhaajerr khʉʉnau pʉitarr khʉʉn ajim, fariseonaan. Maguata amachta chi thierrnaan awia irig mag nʉrrapimaphapaim iekhau irig,

San Juan 3:28

Pãach jʉ̃gʉucha khabá pãrau ũr naajimgui ajim anʉm, ar mua “Mʉ chan warrgarwe ich Ẽwandamau pʉiju a jaaujerr khaba, sĩi i beeju na i jaau chitʉmʉu” a chiraawai. Magua mag i aarta ʉ̃rcha õor phẽphẽeu awiajã mʉ onee chirʉmgui ajim anʉm.