San Juan 1:19 - Wounaan Meu

¹⁹ Mag Ẽwandamau pʉiju jaaujerr beeju anʉm ich ẽudee urum Juanau jaau nʉrrarr ed gaai Jerusalén phobor eemua judionaan chi porkha narr khʉʉnau phadnaan pʉijierram, Levinaan a thʉ̃ʉrjerr khʉʉn dʉi, makhʉʉnau chi Juan aar wetwia irig, “¿Pʉ khaíuma? ¿Pʉʉta nawe Ẽwandamau pʉiju a jaaujerrá?” a khap jeeumkhĩir.

Woun Meu

¹⁹ Mag Hẽwandamau pʌ̈iju jaaujerr bëeju hanʌm hich hẽudee hurum Juanau jaau nʌrrarr hed gaai Jerusalén p'öbör heemua judionaan chi pörk'a narr k'ʌʌnau p'adnaan pʌ̈ijierram, Levinaan ha t'ʌ̃ʌrjerr k'ʌʌn dʌ̈i, mak'ʌʌnau chi Juan haar wëtwia hirig, “¿Pʌ k'aíuma? ¿Pʌʌta nawe Hẽwandamau pʌ̈iju ha jaaujerrá?” ha k'ap jëeumk'ĩir.

San Juan 1:19 Iomraidhean Croise

San Juan 1:7

Maguan sĩi ich ẽudee deeum woun ãb beejuuta jaau nʉrrajim aajem, mag wounta khĩchag ee õt paa dʉnʉmjo sim a jaaubaawai õor thumaam khʉʉnag mag iekta ʉkhamkhĩir.

San Juan 10:24

I mag nʉrrʉmta judionaan khapan i aig pos aichewia irig, —¿Jãagwaita pua marag meerba pʉch jaaujuuta jãg sĩma? Pʉʉta chadcha warrgarwe ich Ẽwandamaucha pʉiju aajerr khai, warre marag jaaubá ajierram, marau khap aag.

San Juan 10:31

Amachig magbaawai chará chi judionaan ũwaai sereu phobaadewi deeu i mokou barm ig naajim.

San Juan 11:19

Jerusalenmua mag dakha sĩewai judionaan khapan weetjeejim aajem, Marta María dʉi nʉm aar, mag amach numpai aphobaadeewai amach ẽphemkhoi khĩirjuwia atcha gaai machgau okhĩirjuu apimaaugau awia.

San Juan 2:18

Mag amach dakhĩir dawag õor jʉrkhʉʉibapʉim oobaawai judionaan chi pornaanau irig, —Pʉchdeu Ẽwandam di kõit jãg chirʉpí, pʉ iek mag pʉʉta Ẽwandamau warrgarwe pʉiju a jaaujerr anaawai magan maar dakhĩir ag na marau nem ooba aajem ich Ẽwandam denjo waubá ajierram irig.

San Juan 2:20

Magbaawai chi judionaanau irig, —Mʉg Aai i jeeujem di eu awaag cuarenta y seis años phidkhatarrta, ¿puata mag khãai thãrjuppaim ee deeu eu dʉnʉʉujũu? ajierram.

San Juan 5:10

Moiseeu phã pʉarr iek wajapha ʉʉrkhaajerr khʉʉnau irig, —Ĩs chan pua jãg put chʉgag jiir wai nʉrraju khaba simgui ajim anaabá.

San Juan 5:15

Jesuu ichig magbaawai judionaan chi pornaan aar mawia amag jaauwimajim aajem, Jesuuta chadcha ich monaautarr.

San Juan 5:16

Mag gaaimua judionaan chi pornaanau chan warag Jesús khõchkhaba aajeejim, mag amach dakhĩir jua ʉ̃ʉijem edam magwe õor monaaujerr aawai. Amagan mag nʉmdampai phidkha nʉm dʉi ãba sĩerr aawai jua ʉ̃i nʉm ed pod magju khaba sĩejim.

San Juan 5:18

Jesuu amach jʉ̃g daar mag iekhabaawai chará waragta i thõopʉim khõchkha phobaadejierram. Pari wajapcharan amach denjo jua ʉ̃ʉijem edjã ʉʉrkhaba sim gaaimuapaijã khaba, am jʉ̃g daar Ẽwandam igwia i Aai a iekhaawaita mag i thõom iigjeejim, mag sim aig magan iita Ẽwandam dʉi ãba chirabma awia.

San Juan 6:41

Irua magbarm ee chi judionaan sereu phobaadejim, Jesuu amach jʉ̃gdaar “Mʉʉta ʉ̃gtharmua beetarr Panau” a iekhabaawai.

San Juan 6:52

Amach pem aawai, Jesuu mag iekhabapʉim ũrwia, deeu sereu phobaadewia amach eepai, “¿Jãga jãg simua maachig ichta pankha khopibarju?” aajeejim.

San Juan 7:1

Magtarr khur ich Jesús Galilea durr phobordam nʉnʉidʉmpierr phʉʉrdʉ nʉrrajim. Ich tag Judea durr mamapha sĩejim, judionaan chi pornaanau ich thõog ẽkhaajerr aawai.

San Juan 7:11

Maagwai judionaan chi pornaanau chi phiesta ee i jʉrphoo thʉnʉmua, “¿Jamta simta jãg oobáma?” aajeejim.

San Juan 7:15

Mag irua nem jaaumam ũrwia judionaan chi pornaan jʉ̃gderraa nʉmua, “¿Jãga jãg estudietarrjã chukhu sĩerrʉmta magʉm nemjã jaau khaauga sĩma?” aajeejim.

San Juan 8:22

Mamʉ irua mag simjã khaugba, chi judionaanau warag amach khapeenagta, —¿Wa juau ichdeupai ich thõopʉiju khĩirju sĩewaita mag i sĩeimam aar pod maach barbaju a sĩwa? aajeejim.

San Juan 8:48

Mag amachig, “pãar chan Ẽwandam chaain khabamgui” abaawai, chi judionaanau irig, —Chadchata pʉʉn jãgan Samariapierrau, maimua dosãtauta pʉ por meu sĩebahab ajierram ichigcha.

San Juan 8:52

Pari magbaawai chará chi judionaanau, —Ĩsta chadcha marau wajapha pʉ khaphʉ nʉm: Pʉʉn chadcha por ee dosãt wai simuata mag iekhapi simgui ajierram. ¿Khani Abranjã meewia maimua tagam khʉʉn agjo Ẽwandam i jaaujerr khʉʉnjã thumaa otarrta mag pʉ ipierraa nʉm khʉʉn chan khechbaju a nʉ?

San Juan 8:57

Magbaawai chi judionaanau ich Jesuug, —Mag iekha sim chan agtha cincuenta añojã khaba sim. Mag simta, ¿mag pua Abrán oojim a sĩ? ajierram irig.

Hechos 13:25

Juanau mag jaau nʉrrʉmua ya ich thõju gayaa pamam ee õrag, “¿Pãrau khĩirjuawai mʉʉta ich Ẽwandamaucha jʉr auwia pʉiju aajerr khai?” ajim anʉm. Maimua ich Juanaupai, “Mʉ chan ar khabamgui” ajim aajem. “Mamʉ mʉ ẽudee ãb urumta ichiugui” ajim anʉm ich Juanau, Jesús igwia. “Maan chad mʉ khãyaujã ʉ̃rʉʉcha simgui” ajim anʉm. “Mamʉ mʉ chan mʉg chirʉm aig sĩi i chogkhaagpaijã bʉ̃ʉrjã serbiibata chirʉmgui” ajim aajem Juanau.

Hechos 19:4

Magbaawaita Pabloou amag magjim anʉm: —Juanaun chadcha õrau amach khaibag isegwi Ẽwandamag chugpaapi jeeubaawaita am por choopʉimaajeejimgui ajim anʉm. Mag por choo nʉisib mamʉ, amau ĩchab i ẽudee ãb i khãaijã ʉ̃rpai sim urum iekta ʉkhaju aai nʉmgui aajeejim anaabá, ajapcharan Jesucristo igwiama.

1 Juan 1:5

Pãrag jaaumkhĩir ich Jesucristooucha marag jaautarr iekhan mʉgau: Ẽwandaman õtdau paa dʉnʉmjo araraata sim; i gaai bʉ̃ʉrjã pekau chukhu sĩewai i sim aig chan bʉ̃ʉrjã khĩkhĩsupaijã khaba sim.