San Juan 1:16 - Wounaan Meu

¹⁶ Ichta Ẽwandam Iewaa maach dʉi wajapha khitaawai maachdeu nem ig nʉmjã oo khaugbata ich mag dedee aajem.

Woun Meu

¹⁶ Hichta Hẽwandam Hiewaa maach dʌ̈i wajap'a k'itaawai maachdëu nem hig nʌmjã höo k'augbata hich mag dedee haajem.

San Juan 1:16 Iomraidhean Croise

San Mateo 13:12

Mag khãai ar chi thãar onee ũrm khõsi ũr nʉm khʉʉnagta Ẽwandamau warag khĩirjug deeju, ich iek khapcha amkhĩir. Mamʉ ar mag nem waumapha nʉm khʉʉnag chan deeba, warag am jua eem khecheu aumaju ajim.

San Mateo 3:11

Mua chan pod pãar thãar wajaug paa aubam. Ẽwandamagta pãach khaibag chugpaapi jeeubaawai muan sĩi dodamaupaita pãar por choo chirʉmgui ajim anʉm. Pari mʉ ẽudee ãb urumʉn chadau mʉ khãaijã jua theeg ʉ̃rpai sĩewai, jãguan chad Ẽwandam Akhaarjã pãrag deewi pãar khaibagjã õtdau ee warre orbapʉimjota aju ajim anʉm. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

San Mateo 3:14

Mag mawia, ich por choopienta beejim abaawai, Juanau i por choomaphapaim iekhau irig, —Pʉchdeuta mʉ por chooju aai chirʉmta mag muata pʉ por choobaadejupá ajim anʉm, Juan garmua.

San Lucas 21:15

Mua pãrag mag chirʉmʉn, iekhamkhĩir mʉchdeuta khĩirjug deeju aawaita mag chirʉm. Mag mʉchdeu iekhapi chiraawai ãbmuajã pãar ichaaur iek thierr khaba, ni pãrau iekha nʉmʉn seukhaawaiujã abajugui ajim anʉm.

San Juan 3:34

Í chadcha ich Ẽwandamauchata pʉitarr aawai ich Ẽwandam khĩirjugta jaau simgui ajim anʉm, magamkhĩirta irig ich Akhaarjã phẽs dee sĩewai.

Romanos 5:17

Iin chadcha ãbpaimua mag pekau paarpatarr aigmua ich chi pekauta nem jua theeg sĩsijim, ichdeuta õor thum dajẽk aag. Pari Ẽwandamta ag khãai jua theegcha sĩerraawai agjo woun ãb mag pekau paar maach kõit ʉdʉraa ich thõopitarr gaaimua magʉm thum podpʉiwia, õorjã wajaug paawia pekau chukhu arrjo apäaijem, ajapcharan Jesucristo gaaimuama. Mag ich thõopitarran, mag ʉdʉraa amach wajaug paapi nʉm khʉʉnta ich denjo nem khaigbamjã thum podpäaijem khʉʉnkha wenʉrramkhĩir ajim.

Romanos 5:2

I gaaimuata ĩchab Ẽwandamaujã maach dʉi wajapha aajem, i iek thãraucha ʉkhaawai. Mag nʉm gaaimua ĩchab onee nʉm, ich mag wajaug sĩerrʉm dʉita wenʉrraju khĩirju naawai.

Romanos 5:20

Warrcha Ẽwandamau ley deewain, õrag amach pekau wau nʉm khap amkhĩirta deejim. Pari magbaawai mag amach pekau wau nʉmjã khaphʉ nʉmta warag athuuchata khaibag aphobaadem ãba, ich Ẽwandamaujã ich jãg õor dau aug khaug paraa khitaawai, ĩchab amag wajapcha khaphʉ apijim, ichdeu am peerdʉ auju aai sim.

Romanos 8:9

Pari pãar magba nʉm. Pãrau agtha mag sĩi pãach khõchagpierr nem wau wenʉrraba, ich Ẽwandam Akharau nem waupi jaau simjota nem waaujem; majã chadcha mag i Akhaar wai nʉm khai mamʉ. Pari ãbmua mag Akhaarta chukhu sim chan magan ma chan Cristo den khabam.

Efesios 1:23

maachigta ich Iewaa jũrr, mʉg jẽb gaai ichdeu khõsimjo nem wauju ayaa apijim. Cristoon ich appai simta durrpierr sĩerraawai ãbmuajã jamta i sĩejẽ aju khabam. Mag simta maach chi ʉkha nʉm khʉʉn dʉin ichta chi Porkha sim.

Efesios 3:19

Mua khaphʉ chirʉm, chadcha mag irua maach khõsi sim chan pod maadeu thumaa khaugbam. Pari ichiita pãar kõit jeeu chirʉm, Cristoou maach thumaam khʉʉn khõsi aajem a khap amkhĩir, maagwai ĩchab Ẽwandamta pãach gaai phẽs wai naawai ichdeu pãach dʉi ajapha am ig simjo aju ayaa amkhĩir.

Colosenses 1:19

Ẽwandamau ich Iewaa Cristota pʉijim, ich Iewaa õor khĩir thegbarm gaaimua ichchata õor ee sĩeichemjo amkhĩir. Mag wounag pawiajã ichiita agtha ich Aai dʉi simjo ich mag Ẽwandamkha sĩerrajim.

Colosenses 2:3

Ãba mag Cristo khaphʉ nʉm gaaimuata chadcha ichdeu nem waupim khõsimjã waau khaphʉ waaujem.

1 Pedro 1:11

Mamʉ ich Ẽwandamau ich Akharagta amag nem jaaupiejerr aawai chadcha chi Akharauta mag Cristoou õor peerdʉ awaan beeju nawejã i igwi, “Woun ãb beewi õor ee aphʉʉ abarmuata nem thum podpʉiwi ichta ʉ̃gthar mawia thumaam khʉʉn khãai chi jua thierrkha sĩsiju” a jaaujeejim amag. Amachdeu mag ũrbaawai warag ajapchata khaphʉ am iigjeejim, chijãg wounchata mag beeju a jaau sĩ maimua mag pierrwaijã jãagwaichata barcheju a khap aag.

1 Pedro 1:2

Hermanonaan, õor jua okgau pãar mag chikham durr dʉr durrab mamʉ, pãarjã agjo ich Ẽwandamaucha jʉr autarr khʉʉn khabahab, ichdeu warrgarwe khĩirju wai sĩerrjo chadcha pãar peerdʉ autarr aawai. Magtarr aawai pãarta ich Akharag ich athee khĩet phe aupijim, Jesucristo meewai bag ãrtarrau pãach ajaug paabapäaiwai ich ipierraa wenʉrramkhĩir. Ẽwandamau warag pãar ʉu eeg oonaa khõinaata pãar wai sĩepim khõsi chiraajem.