San Juan 1:15 - Wounaan Meu

¹⁵ I jaauwiata mag Juan õor por choomie khararrau õrag, “Mʉ ẽudee urumta mʉ khãaijã iek theeg ʉ̃rpai simgui” aajeejim, ichta i thaabaju nawe sĩerr aawai.

Woun Meu

¹⁵ Hi jaauwiata mag Juan hõor pör choomie k'ararrau hõrag, “Mʌ hẽudee hurumta mʌ k'ãaijã hiek t'eeg hʌ̃rpai simgui” haajeejim, hichta hi t'aabaju nawe sĩerr haawai.

San Juan 1:15 Iomraidhean Croise

San Mateo 3:11

Mua chan pod pãar thãar wajaug paa aubam. Ẽwandamagta pãach khaibag chugpaapi jeeubaawai muan sĩi dodamaupaita pãar por choo chirʉmgui ajim anʉm. Pari mʉ ẽudee ãb urumʉn chadau mʉ khãaijã jua theeg ʉ̃rpai sĩewai, jãguan chad Ẽwandam Akhaarjã pãrag deewi pãar khaibagjã õtdau ee warre orbapʉimjota aju ajim anʉm. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

San Marcos 1:7

Mag wounau õrag jaauwai, “Mʉg ed gaai mʉ ẽudee jopcha woun ãb beejugui” aajeejim anʉm. “Ma mʉ khãaijã ʉ̃rcha iek theeg sim. Mag mʉ khãaijã ʉ̃rʉʉcha iek theeg sĩewaita mʉ chan mʉg chirʉm aig sĩi i chogkhaagpaijã serbiiba chirʉm.

San Lucas 3:16

Amau mag iekha nʉm Juanau ag nawe ũr wai sĩerr aawai thumaam khʉʉn jʉ̃g daar magjim anʉm: —Mua pod pãar thãar ajaug paa aubam. Muan sĩi dodamaupaita pãar por choo chirʉmgui ajim anʉm. Mamʉ ẽudee ãb urumta mʉ khãyaujã jua theeg ʉ̃rcha sim. Jãguan chad ich Akhaarjã pãrag deewia pãar khaibagjã õtdau ee warre orbapʉimjota aju. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

San Juan 1:27

Maata mʉ ẽudee urum. Mʉ chan sĩi i chogkha chitaagpaijã serbiiba chirʉmgui ajim, Jesús igwia.

San Juan 17:5

Nau mʉgtarr khur deeu mʉ pʉch aar pabaimaawai, warr mʉg durr ompaaju nawe mʉchta pʉch dʉi ãba nem iek theeg chi Porkha chirarrjo, ũwaai mʉrʉg agjo iek theeg apinaa chi Porkhapibá a jeeumajim ich kõitpai.”

San Juan 8:58

Magbaa ich garmua, —Mʉʉn Abrán thaabaju nawe ich mag chirajimgui ajim amag.

Colosenses 1:17

Ich Cristoon mag nem thum mʉg thʉnʉm ompaaju nawe sĩerrʉm; ichdeuta mag nem khĩir pogkhe thʉnʉmjã thum amach sĩsid ajupierr sĩumajim.

Hebreos 13:8

Pãade ũrbat: Jesucristoon warrgar ich sĩerrarrjo mʉg atag pawiajã cambieba ich mag sĩerraju. Í mag cambieba sĩerraawai i iekjã agjo cambieba sĩerrʉm.

Apocalipsis 1:11

“Nau mua pʉchig nem oopibarm thumaa ẽsap gaai phãnaa Asia durr phobor siete nʉm ee mʉ iek ʉkha nʉm khʉʉn aar deebapʉi” ajim: “Efesopienag, Esmirnapienag, Pérgamopienag, Tiatirapienag, Sardipienag, Filadelfiapienag maimua Laodiceapienagjã agjo.”

Apocalipsis 2:8

Esmirna phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ich chi Nacharam anaa chi Ãbmiecharam aajemuata pʉrʉg ich imeerba mʉg ẽsap phã deepʉipijim; ajapcharan ar meewi deeu iiu phiidʉtarrauma. Magtarr aawai pʉrʉg jaaukhim, chamʉ́ pʉ atheem iek pʉrʉg jaaupitarrau: