San Juan 1:14 - Wounaan Meu

¹⁴ Mag, Ẽwandam Iewaata wounag pawia mʉig eegar sĩeichejim. Ichta Ẽwandam Chaai ãbpai khitʉmuata ich iiu aawai ich Aai ipierraa nem khĩir pogkhe wau nʉrrarr marau oojim. Magta i gaaimua marau khaphʉ nʉisijim, jãga Ẽwandam chi Ayaujã maach jãsene sĩerrʉ́.

Woun Meu

¹⁴ Mag, Hẽwandam Hiewaata wounag pawia mʌig heegar sĩeichëjim. Hichta Hẽwandam Chaai hãbpai k'itʌmuata hich hiiu haawai hich Haai hipierraa nem k'ĩir pogk'e wau nʌrrarr marau hoojim. Magta hi gaaimua marau k'ap'ʌ nʌisijim, jãga Hẽwandam chi Hayaujã maach jãsene sĩerrʌ́.

San Juan 1:14 Iomraidhean Croise

San Mateo 1:16

Chi Jacob, José aai ajim aajem. Mag Joseeta, María jaai ajim anaabá; maimua chi María, Jesús ãd. Mag Jesuuta maadeu ich Ẽwandamaucha pʉiwia beejim aajem ag Jesuu, amach peerdʉ aumkhĩir warrgarwe õrau nʉajerr.

San Lucas 2:11

Ĩsta Belén phobor ee chaai thaababarm, warrgarwe õor thumaam khʉʉnau nʉajerr Chaai. Mʉg chaairauta mʉg atag õor peerdʉ aujugui ajim anʉm. Ichta Cristoou maach Por.

San Lucas 2:7

Mamʉ amach jẽraag di ajaphamjã baauba sĩi phak khãaijem degta narr aawai putdam ee pʉreunaa phak thakhaar sẽejemdam uthur kherʉm eeta werba kherjim aajem.

San Lucas 9:32

Mamʉ maagwai Pedro ich khapeen numí amach ãba wenʉrrarr khʉʉn dʉi sĩi daphokgau pod dau ẽebajujo thʉnʉmuata oo naajim anaabá, mag Jesús Moisés dʉi Elíapa iyʉʉ dʉnʉnʉidʉ nʉm. Maagwai ich Jesuun agtha sĩi bʉ̃ʉmjo thʉnʉm dʉi i khajũa chará phuumjota thʉnaajim anʉm, ich bäpgau.

San Juan 1:1

Warrgar bʉ̃ʉrjã nem ompaaba nʉwe Ẽwandam sim dʉi chi Iewaajã sĩejim aajem. Ich mag chi Iewaapai ĩchab Ẽwandamau.

San Juan 11:40

Magbaawai Jesuu irig, —Mamʉ mua khabá chaigjã pʉrʉg, mua i phiriu auju pʉch thãar ee khaphʉ ʉm khai, pua chadcha Ẽwandam jua theeg ooju a chirajimgui ajim.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 14:9

Magbaawaita Jesuu irig, —Nawe pãar dʉi mʉ ich mag chitaajemta, ¿agtha pãrau mʉ khaugbata nʉwi? ajim. Chi mʉ oojemuan ya mʉ Aaijã oowia sĩebahab. Mag nʉmta ¿khan atchata warag mʉch Aaipata pãachig oopim khõchkha nʉma? ajim maach thumaam khʉʉnagta.

San Juan 17:22

Pʉchdeu mʉ pʉiwia mau eegar chirʉmjã agtha pʉch dʉi ãba ʉ̃gthar chirʉmjo apitarrjo, ya amjã mua mʉch dʉi õor ãbpaimjota phe wai chitʉmgui ajim, maachjo o ãba ich mag naamkhĩir.

San Juan 17:24

Magnaa deeu ũwaai, “Tata, mua khaphʉ chirʉmgui ajim, mʉ ũwaai pʉ aar chiraimaawai ich jãg warr mʉg jẽb ompaaju nawe pua chadcha mʉ khõsi pʉch dʉi ãba chi jua thierrkha wai chirarrjo deeu pua mʉrʉg ich ag jua theeg deeju. Pari mag pʉ aar chiraimaawai mʉch khapeenjã ĩchab mʉch chirʉm aigta mʉch dʉi phe wai chitam khõsi chirʉmgui ajim, mag jua theeg pua deeu mʉrʉg deebarm amag oomkhĩir.

San Juan 18:37

I mag iekhabarm ũrbaawai chi Pilatoou irig, —¿Magan pʉʉn chadcha reipamá? ajim anʉm. Magbaawai Jesuu, —Pua khabá khaphʉ jaaubapʉim; mʉ chadcha Reiu ajim aajem. Mʉ mʉg durr gaai parhoobam chaaidamjo thaabachetarran, mʉ Ayau chadcharam iek jaaupi sim jawaanta beejim. Maagwai thum mag chadcharam iek ʉkham khõsi ʉkha nʉm khʉʉnaun mʉ iek ũrm khõsi ũurjemgui ajim aajem Jesuu.

San Juan 2:11

Mag Galilea durr phobordam Caná anʉm ee do vinoog paatarrta warrpem õrau nem ooba aajem Jesuu wautarr ajim, mag wau sim gaaimua ich jua theeg oopieg. Mag, maach i dʉi wenʉrraajerr khʉʉnaujã warag wajapcha i khaphʉ nʉisijim, chadcha Ẽwandamau warrgarwe pʉiju a jaaujerr dʉita maach wenʉrrʉm. Magta marau warag i iek ʉkha nʉisijim.

San Juan 3:16

’Pari magaagta Ẽwandamau oowai mʉg durr gaaim khʉʉn thum ya chi okhoomta nʉm khaphʉ arr aawai, ich garmuata am peerdʉ aum khõchgau mʉ ich Iewaa ãbpai khitʉmta am kõit thõmkhĩir pʉijimgui ajim, magbarm gaaimua chi mʉrʉgta amach peerdʉ aupi nʉm khʉʉn chan okhooba, mʉig eegarwejã ich denkhanaa ich aar oberwia ich mag ich dʉi wenʉrramkhĩir.

San Juan 3:18

’Mʉch chi Ẽwandam Iewaa iekta ʉkhanaa mʉ ig sim woun chan Ẽwandamau isegwia khĩmie durr barpʉibam. Pari ar mʉ igba sim chan ya sĩi barpʉijupaita simgui ajim, ichdeu Ẽwandam Iewaa mʉchta ãbpai chitʉmta igba arr gaaimua ichdeupaita wir aig ich isegpi jaau simjo sĩewai.

San Juan 6:51

Mʉchta mag pan ʉ̃gtharmua beetarr õor iiupiejem khabahab ajim. Mag panta kho simʉn ich magta iiu sĩsiju. Mamʉ mag panjo mua pãrag deeju a chirʉmʉn, thumaam khʉʉn iiu wenʉrraju aai amkhĩir am kõit ʉdʉraa mʉch thõopijuuta jaau chirʉmgui ajim.

San Juan 8:32

Mag amʉn magan chadcharam iekta pãrau khaugju. Mag chadam iek pãachdeu ʉkhabarmua ya tag pãar chikham chogkhaba nʉisijugui ajim amag.

Hechos 13:33

Mag warrgarwe maach jooinag mag ich chaai deeju a jaautarr aawai chadcha ĩs ewag pawi maach chi ewagam khʉʉnagta Jesús iiu phiidʉbarm oopijimgui ajim aajem, magbarmua jãgan chadcha ich Iewaata maach ee nʉrrajim a khap amkhĩir. Magju arr aawaita i igwia Ẽwandam ẽsap Salmos numiim anʉm gaai Davidau phã pʉawai, “Pʉʉn mʉ Chaairau; ĩsin chad õrau pʉʉn mʉ Iewaa a khaphʉ nʉisimgui” a phãtarrjã jaaumamua,

Romanos 8:3

Wajapcharan mʉgta ajim: Moiseeu phã pʉatarrau pod pekau jua eemua maach khaigper aubajim, mag pekau maach dʉi thaabatarr gaaimua pod mag ley ʉʉrkha auba arr aawai. Pari Ẽwandamau magbajim. Ẽwandamaun ich Iewaachata maach wounaan khĩir thegwia pʉijim. Mag ich mʉg maach chi pekaupanjo khitajieb mamʉ, bʉ̃ʉrjã pekau waubajim. Mag pʉiwia maach khaibag kõit thõopibarmua, maach gaai aju arrta warag ich Chaai gaaita ʉdʉraa mas apijim, magbarmuata jũrr mag pekau maach dʉi jua theeg sĩerrta warre jua theeg chukhu apäaig.

Romanos 9:5

Maach jooin Abrán, Isá maimua Jacob ajierram, warrchajã Ẽwandamau jʉr autarr, am gaaimua ewag pawi maach meeun ompaa awaag. Ẽwandam Iewaa maach peerdʉ awaag wounag paawaijã mag jooi Jacob chaain ewagam khʉʉn eeta thaabachejim. Ich mag parhoobam chaaindamjo thaabachetarr wounpaita Ẽwandam aawai nem thum thʉnʉmjã ichdeuta khap sim. Magua, iita thumaam khʉʉnau ich mag mʉg atagjã tho iekhaju aai nʉm.

1 Corintios 15:47

Nacharam woun Adán aajerran jẽb denta Ẽwandamau ompaa aujim, pari Cristoon jũrr ʉ̃gtharmuachata beejim.

2 Corintios 12:9

Pari mag ichig jeeuwai warag sĩi mʉrʉg, “Mʉ pʉ dʉi ogdʉba chitabahab, mua pʉ khõsi chitʉm. Jãg kha thũumjo nʉm gaaimuata mʉch juapá õrag oopiba aajeeb” a iekhaajem Ẽwandamau. Ichdeuta mʉ mag wai sĩewai ʉuta jãg mʉ serbiiba chitʉm, mʉch mag chitʉm gaaimua warag Cristo jua theegta õrau ooju aawai.

Gálatas 4:4

Mamʉ mag wenʉrrʉʉ awi ya Ẽwandamau ich Iewaa pʉiju ed aadeewai pʉiwi, Ẽwandamkha sĩerrta maach thumaam khʉʉn thaabatarrjo chadcha maar meeun ʉʉirau oowi, bʉ̃rʉʉ bãaumamua tagam khʉʉnjo mag Moiseeu ley deetarr ʉʉrkha khitʉmua jooipajim.

Efesios 3:8

Ajapcharan mʉʉn thum mʉg Ẽwandam iek ʉkha nʉm gaaimua i denkha thʉnʉm eejã mʉchta serbiibacha chirʉm. Mag chirab mamʉ ich Ẽwandamauta pãar maar meeun khabam khʉʉn eejã mʉg maach peerdʉajem iek jaaupitarr aawai mag Cristo gaaimua maach dʉi nem ajapha aajem pooma maadeu chi jaaujujã khaugba aajemjã ʉu jaau chitʉm.

Colosenses 1:19

Ẽwandamau ich Iewaa Cristota pʉijim, ich Iewaa õor khĩir thegbarm gaaimua ichchata õor ee sĩeichemjo amkhĩir. Mag wounag pawiajã ichiita agtha ich Aai dʉi simjo ich mag Ẽwandamkha sĩerrajim.

Colosenses 2:3

Ãba mag Cristo khaphʉ nʉm gaaimuata chadcha ichdeu nem waupim khõsimjã waau khaphʉ waaujem.

Colosenses 2:9

Mamʉ Ẽwandam khaugaag chan pãrau magʉm khĩirjug igba nʉm, Cristo wounag pawi maach ee pʉitarr gaaimua Ẽwandamau warre ichchata khaphʉ apitarr aawai.

1 Timoteo 3:16

Mag iek warrgar thumaam khʉʉnau khaugba aajerrta ĩsin maadeu dawaa oo nʉm, ich Ẽwandamau maachig khaugpitarr aawai. Mag maachig khaugpitarr iekhan mʉgau: Cristo Ẽwandamkha simta maach thaabaajemjo mʉg jẽb gaai thaabachewia, maach wounaan khĩir thegwia, mʉg jẽb gaaim khʉʉnag ich oopien beejim. Maimua meewia Ẽwandam Akharau deeu i phiriu athamua chadcha í pekau chukhu khitʉm a khaugpijim õrag. Mʉg jẽb gaai sĩeichewia irua nem wautarr thum Ẽwandam chognaanau ʉ̃gtharmua oojierram. Maimua amach aar pabaimaawaijã sĩi onee amach jua ee baarpi aujierram. Magtarr, durr warpham magwe aaidʉ jaaupʉiwia meupierram khʉʉnau khakhapdo thʉnʉm dʉi ĩchab durrpierr i iek ʉkha durrum khʉʉn nʉnʉidʉm.

Hebreos 1:3

Ichdeuta ĩchab mag ich Aai dʉimua nem thumaa ompaatarrjã sĩi ich iiu aawai ichdeuta wai dʉnʉm. Ichta ich Aai khĩir thegnaa beetarr aawai i gaaimuata ĩchab Ẽwandam ajaugjã khaphʉ aajem. Ichta maach kõit ʉdʉraa ich thõopiwi, ichdeuta ich bagau maach khaibag thumaa chugpaawi, ʉ̃gthar mawi, Ẽwandam juachaar gar jupimajim, ichta ich mag maach thumaam khʉʉn Porkha sĩerraag.

Hebreos 1:5

Mag ichta thumaam khʉʉn khãai ʉ̃rpai sĩewai Ẽwandamau bʉ̃ʉrjã ich chognaanag chan ich Iewaag iekhatarrjo iwiir ãbamʉgjã, “Pʉ mʉ Iewaa aawai ĩs mua thumaam khʉʉnag mag khap api chirʉm” abajim. (Sal. 2:7) Ni bʉ̃ʉrjã ich chog iwiir ãbam igwiajã, “Mʉʉta i aaikha chitaju, maagwai ich jũrr mʉ chaaikhajujã” abajim. (2 S. 7:14; 1 Cr. 17:13)

Hebreos 10:5

Maguata Cristoou mʉg jẽb gaai beewai ich jãg David khararrau ich Cristoouchata Ẽwandamag iekhaju igwi phãtarrjo, “Tata” ajim anʉm, “jãg sĩi nemchaain khechnaa ofrendakha pʉchig deewai pua khõchkhabapai aajeewai, pua mʉʉta chadcha pʉibarmgui” ajim anʉm, “wounag pawia mʉchchata õor kõit thõopimkhĩir.

Hebreos 2:11

Mag ich Jesús Ẽwandam Iewaa arrta, maachjo angelnaan khãaijã eegpai simuata Ẽwandam athee maach ajaug paapʉiwi ich Aaita maach Aaikhapijim. Mag gaaimuata chadcha ich Ẽwandam Iewaa Jesuujã chigag chukhu maachig eeugpeen aajem.

Hebreos 5:5

Ich jãgta ajim Cristojã: Irua ichdeuta, “Mʉʉta phadnaan porkhaju” abajim. Magju khãai ich Ẽwandamauta irig, “Pʉ mʉ Iewaa aawai pʉchta thumaam khʉʉn Porkha sĩsim thumaam khʉʉnag khap api chirʉm” ajim. (Sal. 2:7)

1 Juan 4:14

Mag nʉm dʉi ĩchab chi Ayau ich Iewaag õor peerdʉ aumkhĩir pʉitarrjã marau maach daúacha ootarr aawaita mag khaphʉ jaau nʉm, chadcha Ẽwandam maach dʉi khapeerkhaju aai sim õrag khap amkhĩir.

1 Juan 4:9

Mag ichdeu maach daupii sim khap apiegta Ẽwandamau ich Chaai ãbpai khitʉm mʉg jẽb gaai pʉijim, mag pʉiwia meebarmua maach ich denkha auwia ich mag ich dʉi wai nʉrraag.

2 Juan 1:7

Jãg õor pom sĩi seukha pãar khũguraagpai Jesús chan woun chaar khabamta jãg nʉrrajim a jaau nʉm khʉʉn khapan thʉnaawai, muan pãragan warrgarwe mag pãachdeu ʉkhatarr iekta khĩir eyaa api chirʉm, ʉdʉʉr pãach khũgurpimaaugau. Chi jãg wenʉrrʉm khʉʉnan sĩi chikham khũguurjem khʉʉn anaa Cristojã oomapha nʉm khʉʉnau.

Apocalipsis 19:13

Mag simua khajũa jũa sim gayan, sĩi dawaa bag phur sĩsid ajim. Ich mag wounpai ĩchab, “Ẽwandam Iek” a thʉ̃r sĩejim.

Apocalipsis 21:3

Magbarm ee ʉ̃gtharmua nem theeg õor iekjo, “Ĩsin chadau Ẽwandaman õor ee dau daauta nʉrrʉmgui” ajim, “am kha ogdʉba ich mag sĩerraag. Am i phoborkha nʉisiewai jũrr ichta chadcha am Ẽwandamkha sĩsiju.