San Juan 1:13 - Wounaan Meu

¹³ Mag i chaainkha nʉm chan sĩi mʉg eegarm khʉʉnjo chaai paarpam khõchgau khapese awia paarpa autarr khabam. Mag i chaainkha nʉmʉn, sĩi Ẽwandamau ich garmuata ich iiu aawai ich chaainkha au nʉmʉu.

Woun Meu

¹³ Mag hi chaaink'a nʌm chan sĩi mʌg heegarm k'ʌʌnjö chaai paarpam k'õchgau k'apese hawia paarpa hautarr k'abam. Mag hi chaaink'a nʌmʌn, sĩi Hẽwandamau hich garmuata hich hiiu haawai hich chaaink'a hau nʌmʌu.

San Juan 1:13 Iomraidhean Croise

San Mateo 3:9

Oob pãrau chikhamnaan denjo, pãachjã warrgar pãach jooi Abrán khararrjo Ẽwandam dʉi khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet ajim anaabá. Sĩi mag Abrán chaainkha nʉm gaaimuapaita mag ʉ̃gthar obeerjem akhiin, mokdau mʉg thʉnʉmjã Ẽwandamau õrag paapʉiwia, mʉkhʉʉnjã ĩchab Abrán chaainau aju aai sim. Mamʉ mag Abrán chaain chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jeeubat ajim anʉm.

San Juan 3:3

Magbaawai Jesuu irig, —Pʉde ũrbarí, mua pʉrʉg jaaukhimgui ajim: Chi deeu eeupemjo thaababa sim chan pod Ẽwandam ichta chi Porkha sim aar oberbamgui ajim, i chaai khaba sĩewai.

1 Corintios 3:6

Mag Jesús iek jaau nʉmʉn, muata nacha sĩi khajap nemjĩir chaar jĩir nʉmjo jĩirbajieb. Magbaawai Apoloou jũrr ag ee do choobarmjo ajim, obermkhĩir. Mamʉ mag nemjĩir chaarjo oberwia pãar ee aaidʉtarrjã ich Ẽwandamauta aaidʉpijim, ich iek aawai.

Filipenses 2:13

Magaag athee ich Ẽwandamauta ich khõchagpierr pãrag mag nem waupim khõsi api sĩewai ichdeuta pãar juagjã oojem.

Tito 3:5

Mag irua maach peerdʉ autarr chan nem ajapha wau wenʉrrarr gaaimuajã khabajim; irua maach peerdʉ autarran, sĩi ich garmua maach dau aug khaugwi ajim. Mag maach dau aug khaug nʉm aig, ich Ẽwandam Akharau maach pekau do badag barbapʉimjo thum chugpaabapäaiwaita, ya tag warr dich wenʉrraajerrjo khaba, jũrr maach khĩirjugta chi iiurig paapʉijim.

Santiago 1:18

Mag maach dʉi ajapha sĩerraawai ewag pawi agjo ich chaainkhaju khʉʉn khãaijã maachta nacha ich chaainkha aujim, ichdeu maach peerdʉ aaujem iek ũrpibarm gaaimua. Mamʉ mag ich chaainkha autarr chan maach garmua khaba, ich garmuata mag ich chaainkhapim khõsi sĩerr aawai ajim.

1 Pedro 1:23

Magaag ya pãar warr pãach naajerrjo khaba nʉm, mag Cristo iek ʉkhawi ajaug paapʉitarr gaaimua eeu thaaba nʉmjo pekau chukhu i chaainkha naawai. Mamʉ mag pãar deeu thaabatarr chan pãach ãd bi eemua khaba, ich Ẽwandamau ich iek ʉkhapi athamuata mag eeu thaababarmjo apijim. Ajapcharan i iekhauta maach ʉ̃gthar oberpiejem. Mag iek chan bʉ̃ʉrjã chugpaa khaugba ich magta sĩerrʉm.

1 Pedro 1:3

Mua ʉu ajim a chirʉm maach Por Jesucristo Aai Ẽwandamag, ʉu ichdeuta maach dau aug khaugwi maach akhaar dich pekau ee chi khechamjo narrta ʉu peerdʉ auwi ich chaainkha autarr aawai. Mag i chaainkha nʉmʉn, ʉu Jesucristojã deeu phiidʉtarr gaaimuata mag i chaainkha naawai,

1 Pedro 2:2

Magju khãai ya mag pãar eeu thaababarmjo naawai, ich jãg chaai eeu au khitʉmua jũd doog bĩe khitaajemjo, Ẽwandam iek warag khaugam khõchgauta do dom khõsimjo abat, mag khaugmampierr pãach thãar ajapcha paaukhamamkhĩir. Pãrau chadcha maach Por Ẽwandam pãach dʉi ajapha khitʉm khaphʉ naawai pãach ich aar phe au nʉm ora i iekta khaugam khõsi abat, mag khaug nʉmua warag ag iek gaaita ubʉ naag.

1 Juan 3:9

Chadcha Ẽwandam Akhaar atham gaaimua ũwaai thaabatarrjo aadem chan tag ich mag ich pekau eepai nʉrraba aajem, ya ich Ẽwandamau deebarm khĩirjugta wai sĩewai. Wajapcharan mag Ẽwandam chaaikha sim aawaita ya tag ich pekau ee nʉrraba aajem.

1 Juan 4:7

Keena Cristo gaaimua khodamnaan, Ẽwandamau ich garmuata maach khõsi sĩewai maadeujã agdaujota jũrr dich khapeen kha khõsi aju aai nʉm. Thum ar agdaujo dich khapeen kha khõsi aajem khʉʉnan Ẽwandam chaainkhanaa ich Ẽwandam khĩirjugjã khaphʉ paaukhamam, ichdeu õor khõsi simjota amaujã khõsi naawai.

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.

1 Juan 5:18

Maadeu khaphʉ nʉm, Ẽwandamta ich Aaikha wai sim woun chan ich mag ich pekau ee nʉrraba aajem, ich Ẽwandam Iewaauchata i thʉa wai sĩewai. Magua dosãtaujã pod pekau ee thʉ aum iek i thʉ auba aajem.

1 Juan 5:4

Thum maach chi Ẽwandam chaainkha nʉm khʉʉnau chan pekaúg ʉdʉʉr dich deeba aajem, dich garmuata podpʉpʉi aajeewai.