Gálatas 4:3 - Wounaan Meu

³ Maach mʉg Cristo iek ʉkha nʉm khʉʉnjã ich agjota naajim. Warrcha Cristo khaugju naweran sĩi parhoobam nem maach jooin iita ʉ̃rcha khĩir pogkhe ʉʉrkhaajeejim, jooinau chaainag nem jajaaukhampierr aajemjo, mʉgʉmuata chadcha dich peerdʉ aujupii awi. Pari mag ʉʉrkha nʉmuata ich ipierraa aawai warag ichta wounjo maach khãai ʉ̃rpai sĩejim.

Woun Meu

³ Maach mʌg Cristo hiek hʌ̈k'a nʌm k'ʌʌnjã hich hagjöta naajim. Warrcha Cristo k'augju naweran sĩi parhoobam nem maach jöoin hiita hʌ̃rcha k'ĩir pogk'e hʌʌrk'aajeejim, jöoinau chaainag nem jajaauk'ampierr haajemjö, mʌgʌmuata chadcha dich peerdʌ haujupii hawi. Pari mag hʌʌrk'a nʌmuata hich hipierraa haawai warag hichta wounjö maach k'ãai hʌ̃rpai sĩejim.

Gálatas 4:3 Iomraidhean Croise

San Mateo 11:28

Magua, muan pãragan, chadcha mʉ Aai khap am khõsi nʉm khai, mʉ iekta ʉkhabat a chirʉmgui ajim anʉm. Pãach pekau pomag khaphʉnaa okhĩirjugau gaai machaaga nʉm khʉʉn, mʉʉta pãrau pãach thãar ee aumʉn, muata pãar okhĩirjug meeupijugui ajim anʉm.

San Juan 8:31

Maimua ich Jesuupai judionaan mag ich iek ʉkhatarr khʉʉnag magjim: —Pãarta jãg cha mua jaau chirʉm iek pãachdeu ʉkhabarmta ogdʉba ich mag mʉ ipierr wenʉrrʉmʉn, magan chadcha pãar mʉ khapeenaugui ajim.

Hechos 15:10

Mag simta, ¿khan jãgwi pãrau Ẽwandamau ichdeu khap nem wau sim khõchkhamaphamjo nʉ? ¿Khanthee pãrau athuucha amag maachdeujã podba ni maach jooinaujã podba arr nemta waupi jaaum ig nʉ? ajim anʉm Pedroou jũrr amach khĩircha.

Romanos 7:14

Maadeu khaphʉ nʉm, ʉ̃gtharmuata ley deejim. Pari mʉʉn sĩi ich mʉig eegarpaimʉu. Mag chiraawai pekauta wounjo mʉch porkha wai chitʉmjo, irua nem khõsimta wau chitʉm gaaimua i chogkha chitʉm.

Romanos 8:15

Mag ich Akhaar deebarmua ich chaainkha autarr chan, sĩi mʉig eegar chikham chogkha nʉm khʉʉnau amach patronnaan ogkhaajemjo ich okho wenʉrramkhĩir khabajim. Magju khãai mag ich Akhaarta deetarr aawai irig jeeuwaijã chadcha ich ag Akharaupai bʉ̃ʉrjã inag chukhu irig Aai ichepiejem.

2 Corintios 11:20

ar sĩi pãachta jũrr amach chognaan khapim khõsi aajem khʉʉnagjã pãrau bʉ̃ʉrjã magʉm aba aajerram. Ar sĩi pãach thachdam wai nʉmjã thum khopʉinaa warag nem jeeujem khʉʉnagjã magʉm aba pãach khũgurmaajem khʉʉnagjã pãrau bʉ̃ʉrjã magʉm aba nʉm. Ar amachta chi pornaan awi pãach serbiibag pheejem khʉʉnagjã magʉm aba, maimua pãach dʉi mag nʉm khʉʉnaupai amach iek ʉkhamkhĩir pãach phãrmam khʉʉnagjã pãrau bʉ̃ʉrjã magʉm aba aajem.

Gálatas 2:4

Mua amag jaaujim, jãga ãaur khʉʉn hermanonaan anʉmjã sĩi seukha nʉrrjeemta amach khaugbajupii awi maach aig beejĩ, jũrr amachdeuta mʉ ichaaur pãarjo judionaan khabam khʉʉnaujã Cristo iek ʉkha nʉm dʉi maar jooin iita ʉ̃rcha ʉʉrkhaju aai nʉm a jawaag. Mamʉ mua oowai mag maar jooin iita ʉdʉraa mag ʉʉrkhapi jaautarr amuan, warag pãach chi ʉkha durrum khʉʉnta mag maar jooin iiu presonaanjo wai sĩsikham a chirajim, pod chi oberaajã khaugba.

Gálatas 3:19

Mua khaphʉ chirʉm, magbaawai ãbmua khãijã, magan “¿Khantheeta mag Moisés ley serbii simma?” aju. Ajapcharan jãg ley serbii simʉn, õrau amachdeu Ẽwandamau nem jaau sim chaaur nem wau nʉm gaaimua amach pekau ee nʉm khap amkhĩirta serbii sim. Pari mag ley ag nawe Ẽwandamau Abranag Cristo pʉiju jaautarr pʉi nʉm orapaita serbiiju ajim. Mag lein Ẽwandamau ich chognaanagta Moiseeg deepibaawai Moiseeu jũrr phobor ee thumaam khʉʉn athee aibeejim.

Gálatas 4:2

Sĩi chi jooinauta bãau arrmam dʉi irua jʉ̃aju nemjã thumaa amach denjo ajapha wai nʉm. Maimua ya chi ayau ich meeju nawe ẽsap gaai jaau pʉatarr ag año wai sĩsiewaita ya ichig thʉsĩebapäaiwai ichdeucha khap sĩsiju; ajapcharan ajap ich jooipa sĩsiewaima.

Gálatas 4:24

Mag ʉʉin numí chaain ootarran, ich jãg ʉʉinau chaain numí ootarrjo, Ẽwandamaujã biek numí õor dʉi iek deetarrta jaau sim. Magua mag chi ʉʉi nacha chaai ootarrau, ajapcharan Agarrauma, Sinaí durrsĩ gaai Ẽwandamau Moiseeg ley deetarrta jaau sim. Chi Agarrjã sĩi jooi Abrán chog arr aawai ag chaain ewagam khʉʉnjã ich magta chikham chogkha nʉisijim. Maguata ich agjo ĩchab mag ley gar thaaba nʉm khʉʉnjã, sĩi chikham chogkha nʉmjo, mag ley ʉʉrkhaagpaita thaaba nʉm.

Gálatas 4:25

Mag leíuta õor sĩi ich chognaankha wai sĩewai, chi ley deetarr durrjã Sinaí anaa Agar aju aai nʉm, chi Agarrta mag ley ʉʉrkha nʉmua ag chognaankha nʉm khʉʉn ãd aawai. Mamʉ ĩs ewagjã judionaanta mag ley ʉʉrkha nʉmua i chognaankha naawai mag Agar anʉm chan Sinaí durrsĩpai jaauba, Jerusalén phoborpata jaau sim, jãata judionaan phobor aawai.

Gálatas 4:31

Hermanonaan, maguata maach Cristo iekta ʉkha nʉm khʉʉn chan sĩi mag ley ʉʉrkha nʉmua ag chogkha wenʉrramkhĩirta Ẽwandamau auba arr aawai, mag sĩi Agar Abrán chogkha sĩerr chaainjo khaba nʉm; maachin i chaain ich ʉʉi chaar dʉím khʉʉnjota nʉm.

Gálatas 4:8

Chadcha warr pãrau Ẽwandam khaugba aawain parhoobam nemta ẽwandam awi agʉmʉgta ee aajeejim.

Gálatas 4:9

Mamʉ ĩs ya pãrau Ẽwandam chaarta ajapha khaphʉnaa ich garmuajã pãar khaphʉ simta, ¿jãgwi warr pãach narrjo deeu ũwaai magʉm nem maadeu igba sĩi jua theegjã chukhu sĩsidʉmʉgta ee aju ẽkhaajẽ?

Colosenses 2:20

Ya pãrau tag parhoobam khĩirjug õrau jaau nʉm ʉʉrkhaba aag chadcha Cristo dʉi meewi nʉmjo naawai, meperau maach khũguraag ẽkhaajemjo amau maach peerdʉju awi nem waupi jaau nʉmjã ipierraa aag khaba nʉm. Mag nʉmta, ¿khan jãgwi agtha Cristo khaugba wenʉrrʉm khʉʉnjo

Colosenses 2:8

Khĩir khaphʉ abat keena: ar jãg sĩi mʉg jẽb gayam khĩirjugta chadam iek awi aata õrag jaau nʉrrjeem khʉʉnag oob ʉdʉʉr pãach khũgurpimiet. Jãkhʉʉn chan Cristo iekjã jaauba, sĩi maachjopaim khʉʉn khĩirjug dʉi ar meperau khõsimjo Cristo ichaaur aajem khĩirjugta jaau wenʉrrʉm.

Hebreos 5:12

Pãrau nawe Cristo iek ũurjem khʉʉn aawai ya mʉʉgwai jũrr pãach khapeenagta jaau khaauga aju aai nʉm. Mamʉ magba jãg Ẽwandam iek athee agtha dau meraamjo naawai pãragan deeu chaainagamjo merag chukhumdamta nacha jaauju aai chirʉm. Pãrau khaphʉm, chaainagjã nacha jũdchodam appai dee nʉʉ awi ewag paawaita jooin dʉi ãba nem parhooba khoo khaugpiejem. Ich agjota sim ĩchab Ẽwandam iek jaau nʉmjã.