Gálatas 1:1 - Wounaan Meu

¹ ¿Jãgpai nʉ keena? Mʉʉn Pabloou õrau jʉr autarrjã khaba ich Jesucristoouchata ich phiriu autarr Jooi dʉimua jʉr autarr, ajapcharan ich Aai dʉimua jʉr autarr wounma.

Woun Meu

¹ ¿Jãgpai nʌ keena? Mʌʌn Pabloou hõrau jʌr hautarrjã k'aba hich Jesucristoouchata hich p'iriu hautarr Jöoi dʌ̈imua jʌr hautarr, hajapcharan hich Haai dʌ̈imua jʌr hautarr wounma.

Gálatas 1:1 Iomraidhean Croise

San Juan 10:30

Magnaa, Mʉ mʉch Aai dʉin maran ich ãbampaiugui ajim.

San Juan 20:21

Magnaa deeu ichdeupai marag, —Keena, oob jãphierrmiet. Ich jãg mʉ Ayau mʉch pʉitarrjo, muajã õor ee pãar pʉi chirʉmgui ajim, ich ag iekpai mʉchdeu jaaujerrjo amag jaaumkhĩir.

San Juan 5:19

Pari Jesuu warag, —Mʉch chi Chaairaujã mʉch Ayau nem waupim khõsi sim khaugba akhiin, muajã mʉch khĩrau chan waubajugui ajim. Magba irua nem waupim khõsi sim mʉchdeu khaphʉ chiraawaita muajã chadcha waaujemgui ajim Jesuu chi judionaanag.

Hechos 22:10

Magbaawai mua maach Por Jesuug, “Señor, ¿mua jãga aju aai chirʉ́?” a jeeujim, mʉchig mʉchdeu nem wauju jaaumkhĩir. Magbaa irua mʉrʉg, “Phiidʉwia warag pʉch maa arrag pet” ajim, “Damascoog. Jamta pʉchdeu nem wauju thum pʉrʉg khap jaaujugui” ajim mʉrʉg.

Hechos 3:15

Mag, pãrau chadcha warag maach thumaam khʉʉn iiupiejemta thõopʉijierramgui ajim anʉm. Mag i thõopʉijierrab mamʉ, deeu Ẽwandamau i phiriu aujimgui ajim anʉm, jẽbdeg sĩerr ãba. Marau mag jaau nʉmʉn, mag pãachdeu i thõotarr khurjã maach daúacha monakha meeba arrjo nʉrrʉm oojerr aawaiugui ajim aajem Pedroou amach khĩircha.

Hechos 9:6

Mag ũrbaawai Saulo jãphierr ajaugau kha duui thʉnʉmua jũrr irig, —Señor, ¿khani pua mʉrʉg waupim khõsi chirʉ́wi? ajim anʉm.] Magbaa maach Porou irig, —Phiidʉbá, maimua warag phoborog petá ajim aajem. Nau jamta pʉchdeu nem wauju thum pʉrʉg khap jaaujugui ajim aajem.

Romanos 1:1

Romapien, maach ãba Cristo iek ʉkha nʉm gaaimua khodkha thʉnʉm khʉʉn, ¿jãgpai nʉ keena? Mʉʉn Pabloou, Jesucristo chog. Muata pãrag mʉg ẽsap phã deepʉi chirʉm. Ich Jesucristoouta mʉ jʉr aujim, jãga Ẽwandamau maach peerdʉ aaujẽ a jaaujem khamkhĩir.

Romanos 10:9

Wajapcharan pua thãraucha ʉkhanaa pʉch idamaucha, “Jesucristo chi meem arrta Ẽwandamau deeu phiriu autarr aawai ichta mʉch Porkhapiju” amʉn, pʉ peerdʉju chadcha.

Romanos 14:9

Mag maach ich denkha awaagta Cristo meewi deeu iiu phiidʉjim, magbarmua ichta khechwi durrum khʉʉn Porkhanaa ĩchab agtha iiu durrum khʉʉn Porkhaag.

1 Corintios 1:1

Mʉʉn Pabloou, maach Por Jesucristo iek jaaujem khamkhĩir ich Ẽwandamaucha jʉr autarr. Cristo gaaimua maach khodam Sóstenes dʉimua

2 Corintios 1:1

Mʉʉn Pabloou, Ẽwandamau Jesucristo iek jaaumkhĩir ich Cristooucha jʉr autarr. Muata Timoteo dʉimua mʉg ẽsap phã deepʉi chirʉm, Grecia durr Corinto phobor ee Ẽwandam iek ʉkha durrum khʉʉnag maimua deeum phobordam nʉnʉidʉm eem magwe thumaa chi ʉkha durrum khʉʉnagjã agjo.

Gálatas 1:15

Mamʉ agtha thaabajã thaababa chirʉwe Ẽwandamau ich athee mʉ jʉr auju khĩirju wai sĩerr aawai, mag chitarr ãba, ʉu ich garmua mʉ eeg oowi

Gálatas 1:17

ni Jerusalenag mawia mʉ nawe ich Jesuucha agjo ich i jaaumkhĩir jʉr auwi ich dʉicha wenʉrraajerr khʉʉnagjã mua jãga jaauju aai chirʉ́ a jewaanjã mabajim. Magju khãai maigpai chiraba, warag Arabiaag mawia, mam chirʉʉ awiata deeu Damascoog majim.

Efesios 3:8

Ajapcharan mʉʉn thum mʉg Ẽwandam iek ʉkha nʉm gaaimua i denkha thʉnʉm eejã mʉchta serbiibacha chirʉm. Mag chirab mamʉ ich Ẽwandamauta pãar maar meeun khabam khʉʉn eejã mʉg maach peerdʉajem iek jaaupitarr aawai mag Cristo gaaimua maach dʉi nem ajapha aajem pooma maadeu chi jaaujujã khaugba aajemjã ʉu jaau chitʉm.

2 Timoteo 1:1

Mʉʉn Pabloou, Jesucristoou ich i jaaumkhĩir jʉr autarr. Mag jʉr auwi, Ẽwandamau ich khĩrau mʉ pʉim khõsi pʉijim, ich iek jaaumamua warrgarwe thãrau ich iek ʉkha nʉmʉn Jesucristo gaaimua irua peerdʉ auju a jaautarr iek õrag jaaumkhĩir.

Tito 1:3

Magtarr aawai ya ĩs ewag pawiata õrau i iek jaau durrum gaaimua mag iek thumaam khʉʉnau ajapcha khakhapdo pamam. Magua mua ich mag iekta jaau chitʉm, mag jaaumkhĩirta Ẽwandam maach peerdʉajemua mʉ jʉr auwi pʉitarr aawai.

Hebreos 13:20

Muan mʉchdeujã Ẽwandam maach khõinaa phe wai sĩejemʉgta pãar kõit jeeu chirʉm; ajapcharan ar maach Por Jesús, maach Pastor chi ajapcharam, ar chi meem arrta deeu phiriu autarr ag Ẽwandamagma. Ich mag Jesuu khabahab, Ẽwandamau õor dʉi iek deewai jaautarrjo, chadcha ich bagauta õor pekau chugpaawi ʉu peerdʉju ayaa apiejem.

1 Pedro 1:21

Ich mag Cristo khurauta ʉu pãrau Ẽwandam iek ʉkha durrum. Mag Cristo thõowaijã, ich Ẽwandamauta ʉu i phiriu auwi, ich aar auwi, ich dʉi jua theeg ãba apijim. Maguata chadcha pãrau pãach thãraucha i iek ʉkha durrum, ich jãg Ẽwandamau Cristojã phiriu auwi ich aar autarrjo pãachjã agjo ich aar auju khaphʉ naawai.

Apocalipsis 1:18

“Mʉchpai khabahab” ajim, “ar meewi deeu iiu phiidʉtarr; magtarr cha agtha iiu chirʉm, mʉg atagjã ich mag iiu chitʉm iekhau. Mʉchdeuta khap chirʉmgui” ajim, “jãagwaichata õor meepiju, maimua mag meewaijã chijã khʉʉnta khĩmie durr wetju” a iekhamajim mʉrʉg.

Apocalipsis 2:8

Esmirna phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ich chi Nacharam anaa chi Ãbmiecharam aajemuata pʉrʉg ich imeerba mʉg ẽsap phã deepʉipijim; ajapcharan ar meewi deeu iiu phiidʉtarrauma. Magtarr aawai pʉrʉg jaaukhim, chamʉ́ pʉ atheem iek pʉrʉg jaaupitarrau: