Filemón 1:7 - Wounaan Meu

⁷ Pua mag maach Ẽwandam iek ʉkha durrum khʉʉn thum kha khõsi aajem a jaau nʉm gaaimua, mau chirʉm ãba, pua ĩchab mʉ thãar onee api sim. Ʉu nʉm hermano. Puata ʉu maach hermanonaan dʉi o ajapha am khĩir jãsenkha chirʉm gaaimua amjã khĩir onee durrum.

Woun Meu

⁷ Pua mag maach Hẽwandam hiek hʌ̈k'a durrum k'ʌʌn t'um k'a k'õsi haajem ha jaau nʌm gaaimua, mau chirʌm hãba, pua hĩchab mʌ t'ãar honee hapi sim. Hʌ̈u nʌm hermano. Puata hʌ̈u maach hermanonaan dʌ̈i hö hajap'a ham k'ĩir jãsenk'a chirʌm gaaimua hamjã k'ĩir honee durrum.

Filemón 1:7 Iomraidhean Croise

1 Corintios 16:18

Ʉu chadcha amau mʉ thãar onee apiwia pãarjã ich agjo onee apiju, deeu pãar aar bardʉtkhaimaawai. Jãgʉm wounaanan chad pãrau chadcha pãach garmuajã bʉ̃ʉrjã chig abata wai naaju aai nʉm.

2 Corintios 7:13

Mag pãach garmuajã mʉ khõsi nʉm gaaimua chadcha mʉ onee chirʉm. Pari ʉ̃rcha mʉ onee arran, Titojã pãrau wajapha pãach ee wai naawia ĩchab i khĩir onee apitarr gaaimuata mʉchjã onee ajim.

2 Corintios 7:4

Pãrag mua bʉ̃ʉrjã nem meerba jaau chitʉm, magua pãar gaaimua mʉch onee chirʉmjã meerba jaau chitʉm. Chadcha jãg pãach wajapha wenʉrrʉm gaaimuata pãrau mʉ khĩir jãsenkha nʉmjo aajem. Mʉʉn chadcha phithurnaa dau augjã aaujeeb pari onee chirʉm.

1 Tesalonicenses 1:3

Mag pãar igwia irig ʉu ajim anʉm aig ĩchab marau khĩir eyaa aajem, jãga pãrau pãachdeu ʉkhatarr iek gaai bʉ̃ʉrjã iekcheba warag phidkham khõsi phidkha nʉ, maimua jãga mag maach Por Jesucristo beejujã khõsi nʉ nʉm gaaimua chikhamnau pãach dʉi khaigba aadep aawaijã ichdeu pãar eeg oojẽ, magʉm iekjã igba ãwat wenʉrramkhĩir. Marau khaphʉ nʉm, pãrau chadcha dich khapeen kha khõsinaa Ẽwandamjã khõsi naawaita jãg phidkha nʉm. Mag gaaimuata irig ʉu ajim a durraajem pãar kõit.

1 Tesalonicenses 2:13

Maguata maraun ich jãg Ẽwandamag ʉu ajim a durraajem. Marau Ẽwandam iek jaau wenʉrrarr pãrau ũurwai chadcha Ẽwandam iek aawaita pãrau ʉkhajierram. Jã chan sĩi khajap maach iekpaijã khabajim; jãan Ẽwandam iekhau. Magtarr aawai ichdeuta pãar wajaug paa arrum.

1 Tesalonicenses 2:19

Pãade khĩirjubat: ¿Chijã khʉʉnta marau iigjem abarí? ¿Chijã khʉʉn gaaimuata maar oneenaa mʉg atagjã Ẽwandamau nem wajapham deebarm auju khĩirju nʉm khai? Pãar gaaimuama; pãarta marau iigjem. Maach Por Jesucristo beem edjã pãar gaaimuata maar onee aju.

1 Tesalonicenses 3:9

Jãga akhiin mʉg pãar gaaimua Ẽwandam na maach onee nʉm paar agpierr irig ʉu ajim abpʉikham.

2 Timoteo 1:16

Onesíforoouta mʉg mʉ cárcel deg chirʉm oowia bʉ̃ʉrjã chigag chukhu biek khapan ʉu mʉ khĩir jãsenkhaajerr aawai Ẽwandamag i kõit jeeu chirʉm, ich chaain dʉi ich ʉʉipa eeg oomkhĩir.

Filemón 1:20

Magau khodam Filemón. Puajã maach Por Jesucristo iek ʉkhaajeewai, Onésimo chig aba sĩi warag i daupii wai chirsimkhĩir, muata pʉrʉg chaigpa chirʉm i kõit. Mag pʉjã ĩchab Cristo den aawai cha mua jaau chirʉmjo abá i dʉi, magbarmua warag mʉchpata mʉ khĩirdam onee apieg.

2 Juan 1:4

Mʉ onee chirʉm keena, chadcha pãar ee ãaur khʉʉn ich Ẽwandamau maachig wenʉrrapi jaau simjo amachdeu chadam iek ʉkhatarr ipierraata wenʉrrʉm mʉch daúa ootarr aawai.